Երեքշաբթի, 23 Դեկտեմբերի 2014 18:30
Հայաստանի ապահովագրողների ակտիվները 3-րդ եռամսյակում աճել են 2.5%
ԱրմԻնֆո. Հայաստանի ապահովագրական ընկերությունների ընդհանուր ակտիվները («Գարանտ Ինշուրանս»-ի հետ միասին) 2014 թվականի հոկտեմբերի 1-ին կազմել են 44.1 մլրդ դրամ, երրորդ եռամսյակում աճելով 2.5%: Ընդ որում այս ցուցանիշի եռամսյակային աճն ապահովել է շուկայի խոշորագույն մասնակիցները` «Ռոսգոսստրախ Արմենիա» - 10%, «ԻՆԳՈ Արմենիա» - 6.1%, ինչպես նաև` «Սիլ Ինշուրանս» - 4,5%, «Արմենիա Ինշուրանս»- ի 1.2%: «ՌԵՍՈ», «Նաիրի Ինշուրանս» և մինչ այդ գործող «Գարանտ Ինշուրանս» ընկերությունների ակտիվները համապատասխանաբար նվազել են` 9,7%, 9% և 0.6%: Տարեկան կտրվածքով ապահովագրողների ակտիվները նվազել են 4.6%:
Ըստ ԱրմԻնֆո գործակալության` Հայաստանի Ապահովագրական ընկերությունների Ռենկինգի, ապահովագրական ընկերութունների ակտիվների եռամսյակային աճը հիմնականում ապահովվել է կարճաժամկետ դեբիտորական պարտավորությունների 11.4%, ընթացիկ ֆինանսական ներդրումների` 5.9% և ընթացիկ ակտիվների`4% աճով, մինչդեռ դրամական ու դրանց համարժեք միջոցները նվազել են 69.4%:
Հայաստանի ապահովագրական ընկերությունների ակտիվների կառուցվածքում ընթացիկ ակտիվները երրորդ եռամսյակում կազմել են 88% կամ 38.7 մլրդ դրամ (տարեկան անկումը`3.3%), ընթացիկ ֆինանսական ներդրումները կազմել են 61.6% կամ 27.2 մլրդ դրամ (տարեկան անկումը` 3.2%), կարճաժամկետ դեբիտորական պարտավորությունները կազմել են 22.1% կամ 9.8 մլրդ դրամ (տարեկան անկումը` 6.1%): Դրամական և դրան համարժեք միջոցների մասնաբաժինն ընդհանուր ակտիվներում կազմել է 1.05% կամ 463,5 մլն. դրամ (տարվա անկումը` 43,8%):
Ըստ Ռենկինգի, ակտիվների գծով առաջին տեղում է «Ռոսգոսստրախ Արմենիա» ընկերությունը - 12.9 մլրդ. դրամ (տարեկան աճը`11,6%): Այնուհետև հաջորդում են` «ԻՆԳՈ Արմենիան» - 12.6 մլրդ.դրամ (տարեկան աճը`15,8%), «Նաիրի Ինշուրանսը» - 4,8 մլրդ դրամ (տարվա անկումը` 17,5%), «ՌԵՍՈ» - 4.7 մլրդ դրամ (տարեկան անկումը`46%), «ԱՐՄԵՆԻԱ ինշուրանսը» - 4 մլրդ.դրամ (տարեկան աճը`15.2%), «Սիլ Ինշուրանսը» - 3.2 մլրդ.դրամ (տարվա աճը` 3.6%), ինչպես նաև «Գարանտ Ինշուրանսը» - 1,9 մլրդ դրամ (տարվա անկումը` 28.1%): Վերջինիս վերաբերյալ տվյալներն այլևս չեն լինի ապահովագրական ընկերությունների Ռենկինգում, քանի որ այն միավորվել է «Ռոսգոսստրախ Արմենիա» ընկերության հետ:
Նշենք, որ Հայաստանի ապահովագրական ընկերություններն իրենց գործունեությունն իրականացնում են ապահովագրական 16 դասերով: Բոլոր 16 դասերի լիցենզիա ունի «Ինգո Արմենիա» ընկերությունը, «Ռոսգոսստրախ Արմենիան» ունի 15-դասերի լիցենզիա: (Դոլարի հաշվարկային փոխարժեքը 30.09.2014 դրությամբ կազմել է 407,6 դրամ/դոլար:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները