Երեքշաբթի, 13 Հունվարի 2015 16:54

ԿԲ պատժեց խուճապ առաջացնողներին և արժութային սպեկուլյանտներին

ԱրմԻնֆո. ՀՀ Կենտրոնական բանկը պատժել է շուկայում խուճապ առաջացնողներին և արժութային սպեկուլյանտներին, բայց դրանով ստուգումները չեն ավարտվել, քանի որ 2015 թվականի համար նույնպես կազմվել է արժույթի փոխանակման 178 կետերի ցանկ: Ըստ ՀՀ Կենտրոնական բանկից ԱրմԻնֆո գործակալությանը տրամադրված տվյալների, դրանց շարքում ներգրավված են խոշոր սուպերմարկետներում, առևտրի կենտրոններում և հյուրանոցային համալիրներում գտնվող փոխանակման կետեր: Ընդ որում, փոխանակման կետերը կստուգվեն ոչ միայն գործունեության չափանիշնեիի խախտման, այլ նաև գործող ստանդարտներին և նորմատիվներին համապատասխանության առումով:

2014 թվականի նոյեմբեր-դեկտեմբեր ամիսներին կատարված 170 ստուգումների արդյունքում խախտումներ են արձանագրվել 16 բանկերում և 12 փոխանակման կետերում: Եվ եթե առաջինները նախազգուշացվեցին և ենթարկվեցին տուգանքների, ապա վերջինների շարքում ոմանք նույնիսկ զրկվեցին լիցենզիայից: Կիրառված տուգանքների շնորհիվ պետբյուջեի օգտին գանձվեց մոտ 40 մլն.դրամ: Միևնույն ժամանակ, ֆինանսական 23 կազմակերպություն ստացավ նախազգուշացում` հետագայում նման խախտումներ չկատարելու պահանջով, իսկ փոխանակման երեք կետերի լիցենզիաները ետ կանչվեցին:

ԿԲ նախազգուշացնում է, որ արժույթի շուկայում տեղի ունեցող վերջին իրադարձությունների հետ կապված վարչական վարույթները կարող են կրել շարունակական բնույթ: Բանկերի և փոխանակման կետերի կողմից կատարված նման խախտումները կքննարկվեն ՀՀ ԿԲ լիցենզավորման և վերահսկողության Հանձնաժողովում:

Հիշեցնենք, որ Հայաստանի արտարժույթի մանրածախ շուկայում դրամը դոլարի նկատմամբ հոկտեմբերի 17-ից մինչև դեկտեմբերի 17-ը ներառյալ արժեզրկվել է 45%, այնուհետև, դեկտեմբերի 18-20-ն արժեվորվել 25%, իսկ դեկտեմբերի 22-ին կրկին սկսել է արժեզրկվել: Մասնավորապես, դեկտեմբերի 30-ին դրամի փոխարչժեքը դոլարի նկատմամբ կազմել է 474.00 դրամ/դոլար, եվրոն` 583.00 դրամ / եվրո, ռուսական ռուբլին` 8.5 դրամ /ռուբլի: Համեմատության համար նշենք, որ դեկտեմբերի 20-ին մանրածախ շուկայում այդ փոխարժեքները համապատասխանաբար կազմել են` 455 դրամ / դոլար, 555 դրամ /եվրո և 7.8 դրամ / ռուբլի, դեկտեմբերի 17-ի`570 /դոլարի, 712 դրամ /եվրոյի և 8,6 մլրդ դրամ / ռուբլու համեմատ: Բանկերի օպտիմալ փոխարժեքները հունվարի 13-ին կազմել է` դոլարի համար – առավելագույն առքը - 475 դրամ / դոլար իսկ նվազագույն վաճառքը - 479 դրամ / դոլար, եվրոյի համար` առավելագույն առքը - 563 դրամ / եվրո, նվազագույն վաճառքը - 565 դրամ /եվրո և ռուբլու համար` առավելագույն առքը – 7.55 դրամ / ռուբլի և նվազագույն վաճառքը - 8.72 դրամ / ռուբլի:

ՆԱՍԴԱՔ ՕԷՄԷՔՍ Արմենիա ֆոնդային բորսայում հունիսից մինչև դեկտեմբերի 27-ը ներառյալ կատարված արտարժութային գործարքների ծավալը կազմել է 405.1 մլն.դոլար, իսկ փոխարժեքը 407.14 դրամ/դոլարից ցատկել է մինչև 560 դրամ / դոլար, որից հետո իջել մինչև 442.44 դրամ /դոլար, իսկ դեկտեմբերի 27-ին աճել է մինչև 470.00 դրամ /դոլար: Այդ ծավալներից, ի դեպ, 117 մլն.դոլարի գործարքները տեղի են ունեցել միայն նոյեմբերին: Արտարժույթի միջբանկային շուկան դեկտեմբերի 1-5-ը ցուցադրեց աննախադեպ բարձր ցուցանիշ` 59.3 մլն դոլար, որից հետո, սկսած դեկտեմբերի 8-ից, սկսվել են Կենտրոնական բանկի ամենօրյա միջամտությունները դեկտեմբերի 8-27-ը ընդհանուր հաշվով վաճառելով 54.7 մլն.դոլար: Ընդ որում, արժութային ներարկումները նախատեսվում էին մինչև 2014 թվականի ավարտը, նախնական սահմանված պրական 6 մլն.դոարն աստիճանաբար նվազեցնելով: Ի դեպ, դեկտեմբերի 8-12-ը վաճառվել է օրական 6 մլն.դոլար, դեկտեմբերի 15-17-ը` օրական 4 մլն.դոլար, դեկտեմբերի 20-ին վաճառել է 1.7 մլն. դոլար, դեկտեմբերի 22-ին`1 մլն.դոլար, իսկ տարվա վերջին շաբաթվա ընթացքում` օրական 2 մլն.դոլար: 2015 թվականի հունվարի 12-ին և 13-ին բորսայում արժութային գործարքեր չեն իրականացվել, իսկ միջբանկային շուկայում բանկերի կողմից ընդհանուր հյաշվով կատարվել է 2.2 մլն. դոլարի գործարքներ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

ԿԲ պատժեց խուճապ առաջացնողներին և արժութային սպեկուլյանտներին