Ուրբաթ, 30 Հունվարի 2015 20:40

Վերակառուցման և Զարգացման Եվրոպական Բանկի ՀՀ դրամով արտահայտված պարտատոմսերի երկրորդ թողարկումը տեղաբաշխվեց ՆԱՍԴԱՔ Արմենիայում

ԱրմԻնֆո. 2015թ.-ի հունվարի 30-ին ՆԱՍԴԱՔ Արմենիայում տեղի է ունեցել Վերակառուցման և Զարգացման Եվրոպական Բանկի ՀՀ դրամով արտահայտված արժեկտրոնային պարտատոմսերի (EBRDB2) 2-րդ թողարկման տեղաբաշխումը:

Ինչպես ԱրմԻնֆո գործակալությանը տեղեկացվել է Բորսայի մամուլի ծառայությունից, ընկերության կողմից տեղաբաշխման ներկայացված 2 մլրդ ՀՀ դրամ ընդհանուր ծավալով արժեկտրոնային պարտատոմսերը հաջողությամբ տեղաբաշխվել են բորսայական տեղաբաշխման հարթակի միջոցով: Ներկայացված գնման հայտերի ընդհանուր ծավալը կազմել է 2.908 մլրդ ՀՀ դրամ, իսկ աճուրդի ընթացքում ձևավորված արժեկտրոնի կտրման եկամտաբերությունը՝ 17 %: Որպես տեղաբաշխող հանդես է եկել «Ամերիաբանկ» ՓԲԸ-ն, իսկ որպես գնորդ տեղաբաշխմանը մասնակցել է Բորսայի 5 անդամ:
Հիշեցնենք, որ ընկերության պարտատոմսերի առաջին թողարկումը (EBRDB1) ներկայումս ցուցակված է Բորսայի պարտատոմսերի հիմնական ցուցակում (Abond), որի մարումը նախատեսված է 2015թ.-ի փետրվարի 2-ին:

Հիշեցնենք, որ ՎԶԵԲ 2 մլրդ.դրամի դրամային արժեկտրոնային պարտատոմսերի առաջին թողարկմումը տեղի էր ունեցել 2014 թվականի փետրվարին, որոնք շրջանառվում են Abond հարթակում, EBRDB2 բորսայական ծածկագրով: Մարման ժամկետն ավարտվում է 2015 թվականի փետրվարի 2-ին:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	-0.02
USD	382.65	-0.07
EUR	442.76	-1.39
GBP	502.42	-1.81
CAD	273.11	-1.10
JPY	24.83	-0.03
CNY	53.79	-0.02
CHF	477.00	-1.40

Նորություններ

Վերակառուցման և Զարգացման Եվրոպական Բանկի ՀՀ դրամով արտահայտված պարտատոմսերի երկրորդ թողարկումը տեղաբաշխվեց ՆԱՍԴԱՔ Արմենիայում