Ուրբաթ, 13 Մարտի 2015 19:34
Հայաստանի ապահովագրական ընկերությունների կուտակված շահույթը 2014 թվականին աճել է 5.5 անգամ
ԱրմԻնֆո. Հայաստանի ապահովագրական ընկերությունների կուտակված շահույթը 2014 թվականի արդյունքներով կազմել է 1,834 մլրդ դրամ, 2013 թվականի 331,8 մլրդ դրամի փոխարեն, տարեկան կտրվածքով աճելով 5,5 անգամ, իսկ 2014-ի IV եռամսյակում` հայ ապահովագրողների կուտակված շահույթը նվազել է 5.5%:
Ըստ ԱրմԻնֆո գործակալության` Հայաստանի ապահովագրական ընկերությունների Ռենկինգի, 2014 թվականը շահույթով է եզրափակել վեց ընկերություններից չորսը: Առաջին տեղում է, կուտակված շահույթով, «ԱՐՄԵՆԻԱ ԻՆՇՈՒՐԱՆՍ» ընկերությունը - 1,913 մլրդ դրամ, տարեկան աճը` 26.2%, իսկ միայն չորրորդ եռամսյակում` 6.2%: Երկրորդ տեղում է «Նաիրի Ինշուրանս»-ը - 723,4 մլն դրամ, տարեկան անկումը` 19%, իսկ հաշվետու եռամսյակի աճը` 14.5%: Երրորդ տեղում է «ԻՆԳՈ Արմենիա» ընկերությունը - 149.8 մլն դրամ, նախորդ տարվա 249,5 մլն.դրամ վնասի փոխարեն (եռամսյակի անկումը` 64,4%): Չորրորդ տեղում է «Ռոսգոսստրախ Արմենիա» ընկերությունը - 75.5 մլն.դրամ, տարեկան և եռամսյակային աճը`2-3 անգամ, դուս գալով վնասներից: 2014 թվականի արդյունքներով «Սիլ Ինշուրանս» ընկերության կուտակված վնասը կազմել է 421 մլն դրամ, իսկ «ՌԵՍՈ» ընկերությանը` 607 մլն դրամ:
Ըստ աղբյուրի, ապահովագրական ընկերություների սեփական կապիտալը 2014 թվականի վերջին կազմել է 14,6 մլրդ դրամ, տարեկան աճը` 14,7%, իսկ IV եռամսյակի անկումը` 3,7% (մասնաբաժինը պասիվներում` 35.9%): Սեփական կապիտալի կառուցվածքում կանոնադրական կապիտալը կազմել է 86.4% կամ 12,6 մլրդ դրամ, իսկ կուտակված շահույթի մասնաբաժինը`12.6%: Սեփական կապիտալի չափերով առաջին տեղում է «Ռոսգոսստրախ Արմենիա» ընկերությունը`4.523 մլրդ.դրամ (տարեկան աճը`77.1%, իսկ IV եռամսյակում` 3.3%), երկրորդ տեղում է «ԱՐՄԵՆԻԱ ԻՆՇՈՒՐԱՆՍ» -ը`2,953 մլրդ.դրամ (տարեկան աճը` 15,9%, IV եռամսյակում`4%): Երրորդ տեղում է «ԻՆԳՈ Արմենիան»`2,484 մլրդ դրամ (տարեկան անկումը`10.8%, չորրորդ եռամսյակում` 23.9%): Այուհետև հաջորդում են`«Նաիրի Ինշուրանսը»`2,076 մլրդ դրամ (տարեկան անկումը`5%, IV եռամսյակի աճը`7.9%), «ՍԻԼ ԻՆՇՈՒՐԱՆՍԸ»`1,299 մլրդ.դրամ (տարեկան անկումը` 10.8%, միայն չորրորդ եռամսյակում`5%) և «ՌԵՍՈ» ընկերոթյունը` 1.263 մլրդ դրամ (տարեկան աճը` 5.8%, իսկ IV եռամսյակի անկումը` 8.6%): Ընկերությունների ընդհանուր ընթացիկ պարտավորությունները կազմել են 26 մլրդ դրամ կամ ընդհանուր պարտավորությունների 64%-ը, տարեկան անկումը` 16,6%, եռամսյակի անկումը` 3.9%: Ընթացիկ պարտավորություններում ընթացիկ րեդիտորական պարտավորությունները կազմել են 14.7% կամ 3,829 մլրդ դրամ, տարեկան աճը`0.1%, եռամսյակի աճը`86%: Ապահովագրական պահուստների մասնաբաժինը ընթացիկ պարտավորություններում կազմել է 13.3% կամ 3,462 մլրդ դրամ: Այս ցուցանիշը տարվա ընթացքում նվազել է 26,8%, իսկ եռամսյակում` 14%: Ապահովագրական պահուստների չափերով երեք առաջատարներն են` «Ռոսգոսստրախ Արմենիա» -ն`1,324 մլրդ դրամ (տարեկան անկումը`33.9%, չորրորդ եռամսյակում` 24.4%), «Ինգո Արմենիան»` 708,2 մլն դրամ (տարեկան աճը`4,6%, IV եռամսյակի աճը`2%), «Նաիրի Ինշուրանսը»`705,8 մլն դրամ (տարեկան անկումը`18,7%, եռամսյակի անկումը` 6.4%): Այնուհետև հաջորդում են` «ՌԵՍՈ» -ն` 261 մլն.դրամ (տարեկան անկումը`63.9%, եռամսյակում` 16%), «Սիլ Ինշուրանսը»`236,2 մլն.դրամ (տարեկան աճը` 3.9%, եռամսյակում` 11.1%), «ԱՐՄԵՆԻԱ ԻՆՇՈՒՐԱՆՍԸ»`226.5 մլն. դրամ (տարեկան անկումը`1.5%, եռամսյակի անկումը`9.2%):
Նշենք, որ Հայաստանի ապահովագրական ընկերությունները գործունեություն են ծավալում ապահովագրական 16 դասերով: Բոլոր 16 դասերի լիցենզիա ունի «ԻՆԳՈ ԱՐՄԵՆԻԱ» ապահովագրական ընկերությունը (միակն է, որն աշխատում է ջրային տրանսպորտի ապահովագրության դասում), որին հաջորդում է «ՌՈՍԳՈՍՍՏՐԱԽ ԱՐՄԵՆԻԱՆ»` 15-դասերով (վարկային ռիսկերի ապահովագրության դասով զբաղվող միակ ընկերությունը): (Դոլարի հաշվարկային փոխարժեքը 31.12/14 - 474,97 դրամ / $):
Հանքարդյունաբերությունը շարունակում է մնալ Հայաստանի մարզերի սոցիալական հենարանը. հետազոտություն
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները