Ուրբաթ, 13 Մարտի 2015 20:22

Հայաստանի ապահովագրական ընկերությունների զուտ շահույթը 2014 թվականին կազմել է 2,026 մլրդ.դրամ, նախորդ տարվա վնասի փոխարեն

ԱրմԻնֆո. Հայաստանի ապահովագրական ընկերությունների զուտ շահույթը 2014 թվականին կազմել է 2,026 մլրդ.դրամ, 2013 թվականի 705,6 մլն.դրամ վնասի փոխարեն: 2014 թվականի 4-րդ եռամսյակում Հայաստանի ապահովագրական ընկերությունների զուտ շահույթը կազմել է 1,316 մլն.դրամ, 3-րդ եռամսյակի համեմատ կրճատվելով 99,8%:

Ըստ ԱրմԻնֆո գործակալության` Հայաստանի ապահովագրական ընկերությունների Ռենկինգի, տարվա զուտ շահույթի չափերով առաջին տեղում է «Ռոսգոսստրախ Արմենիան»`959,1 մլն.դրամ, նախորդ տարվա 508,6 մլն.դրամ վնասի փոխարեն, (2014 թվականի 4-րդ եռամսյակում այս ընկերության զուտ շահույթը կազմել է 212 մլն դրամ): Երկրորդ տեղում է «ԱՐՄԵՆԻԱ ԻՆՇՈՒՐԱՆՍ» ընկերությունը`405,1 մլն.դրամ, տարեկան աճը`2 անգամ (զուտ շահույթը չորրորդ եռամսյակում կազմել է 112.3 մլն դրամ): Երրորդ տեղում է «Ինգո Արմենիա» ընկերությունը` 399.3 մլն.դրամ, նախորդ տարվա 548,2 մլն.դրամ վնասի փոխարեն (4-րդ եռամսյակում ընկերությունն արձանագրել է 271,1 մլն. դրամի վնաս):

Այնուհետև հաջորդում են` «Նաիրի Ինշուրանսը»` որի զուտ շահույթը կազմել է 305,1 մլն դրամ, տարեկան կտրվածքով կրճատվելով` 40.7% (4-րդ եռամսյակում զուտ շահույթը կազմել է 9,143 մլրդ դրամ): «ՌԵՍՈ» ընկերության զուտ շահույթը 2014 թվականին կազմել է 111.6 մլն.դրամ, 2013-ի 267,8 մլն.դրամ նասի փոխարեն (4-րդ եռամսյակում վնասը կազմել է 76.5 մլն.դրամ): Վեցերորդ տեղում է «Սիլ Ինշուրանսը»` 154.4 մլն դրամ վնասով, բացասական ցուցանիշը տարեկան կտրվածքով խորացնելով 66,7%. (4-րդ եռամսյակում ընկերության վնասը կազմել է 66.9 մլն.դրամ):

Ըստ աղբյուրի, ապահովագրական պրեմիաների ընդհանուր ծավալը տարեկան կտրվածքով կրճատվել է 13,3%, մինչև 29.5 մլրդ դրամ: մինչդեռ, ապահովագրական հատուցումների ընդհանուր ծավալն աճել է 15,2%, մինչև 21.5 մլրդ դրամ: Միայն 4-րդ եռամսյակում ընկերությունների ապահովագրական պրեմիաների ծավալներն աճել են միայն 0.2%, մինչև 6.959 մլրդ.դրամ, իսկ հատուցումները նվազել են 12,5%, մինչև 3,7 մլրդ դրամ:

Նշենք, որ Հայաստանի ապահովագրական ընկերությունները գործունեություն են ծավալում ապահովագրական 16 դասերով: Բոլոր 16 դասերի լիցենզիա ունի «ԻՆԳՈ ԱՐՄԵՆԻԱ» ապահովագրական ընկերությունը (միակն է, որն աշխատում է ջրային տրանսպորտի ապահովագրության դասում), որին հաջորդում է «ՌՈՍԳՈՍՍՏՐԱԽ ԱՐՄԵՆԻԱՆ»` 15-դասերով (վարկային ռիսկերի ապահովագրության դասով զբաղվող միակ ընկերությունը): (Դոլարի հաշվարկային փոխարժեքը 31.12/14 - 474,97 դրամ / $):

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Հայաստանի ապահովագրական ընկերությունների զուտ շահույթը 2014 թվականին կազմել է 2,026 մլրդ.դրամ, նախորդ տարվա վնասի փոխարեն