Հինգշաբթի, 19 Մարտի 2015 20:59
Հայաստանի ապահովագրական համակարգում աշխատավարձերը տարեկան արտահայտությամբ կրճատվել են 2,8%, իսկ աշխատակիցների թիվը` 4,2%
ԱրմԻնֆո. Հայաստանի ապահովագրական համակարգոի, ամսական միջին աշխատավարձը 2014 թվականի արդյունքներով կազմել է 273,5 հազ.դրամ ($ 576), տարեկան կտրվածքով նվազելով 2.8%: Իսկ աշխատակիցների թիվը կրճատվել է 4,2% և կազմել 1149 մարդ:
Ըստ ԱրմԻնֆո գործակալության` Հայաստանի ապահովագրական ընկերությունների Ռենկինգի, Հայաստանի ապահովագրական վեց ընկերություններից աշխատավարձի բարձրացում է տեղի ունեցել երկուսում: Ամենամեծ չափերով աշխատավարձերը բարձրացվել են «ՍԻԼ ԻՆՇՈՒՐԱՆՍ» ընկերությունում - 32.6% մինչև 188.5 հազ.դրամ, իսկ աշխատողների թիվը կրճատվել է 7,7%, մինչև 204 աշխատող: «Ռոսգոսստրախ Արմենիա» ընկերությունում աշխատավարձը բարձրացվել է 23,1%, մինչև 364.1 հազ.դրամ, իսկ աշխատողների թիվն աճել է 3,3%, մինչև 344 աշխատակից:
Մյուս ընկերություններում աշխատավարձերը նվազել են, մասնավորապես, «Նաիրի Ինշուրանս» - 50%, մինչև 134.3 հազ.դրամ, իսկ աշխատակիցների թիվն ավելացել է 0,6%, մինչև 165: «ՌԵՍՈ» ընկերությունում միջին աշխատավարձը նվազել է 12,9%, մինչև 647,8 հազ.դրամ, իսկ աշխատողների թիվը նվազել է 26,1%, մինչև 102 աշխատակից: «ԱՐՄԵՆԻԱ ԻՆՇՈՒՐԱՆՍ» - միջին ամսական աշխատավարձը նվազել է 11.6%, մինչև 248.6 հազ.դրամ, իսկ աշխատողների թիվը հունվարի 1-ի դրությամբ կազմել է 85 աշխատակից, տարեկան անկումը` 6,6%: «Ինգո Արմենիա» ընկերությունում միջին աշխատավարձը կրճատվել է 11%, մինչև 278 հազ.դրամ իսկ անձնակազմը նվազել է 1.2%, մինչև 249 աշխատակից:
Ըստ աղբյուրի, ամենամեծ թվով աշխատողներ ավանդաբար արձանագրվել է «Ռոսգոսստրախ Արմենիա» ընկերությունում (344), իսկ ամենաքիչը` «ԱՐՄԵՆԻԱ ԻՆՇՈՒՐԱՆՍ» ընկերությունում (85): Ամենաբարձր աշխատավարձն արձանագրվել է «ՌԵՍՈ» ընկերությունում (372.8 հազ.դրամ կամ $ 785), իսկ ամենացածր միջին աշխատավարձը` «Նաիրի Ինշուրանս» ընկերությունում (134.3 հազ.դրամ, կամ $ 283):
Աշխատավարձին և դրան հավասարեցված վճարներին ուղղված ծախսերը տարեկան կտրվածքով նվազել են 6.8%, մինչև 3,8 մլրդ.դրամ կամ ընդհանուր վարչական ծախսերի 52.9%-ը: Աշխատավարձի ֆոնդի գծով ավանդաբար առաջատարն է «Ռոսգոսստրախ Արմենիա» ընկերությունը - 1,5 մլրդ.դրամ, երկրորդ տեղում է «Ինգո Արմենիան» - 830,5 մլն. դրամ, երրորդ տեղում է «ՍԻԼ ԻՆՇՈՒՐԱՆՍ» ընկերությունը - 461,3 մլն.դրամ: Այնուհետև հաջորդում են` «ՌԵՍՈ»-ն - 456,3 մլն դրամ, «Նաիրի Ինշուրանսը» - 266 մլն դրամ և «Արմենիա Ինշուրանսը» - 253,6 մլն դրամ (Դոլարի հաշվարկային փոխարժեքը 12.31.2014 թ.դրությամբ կազմել է 474,97 դրամ / $):
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները