Երկուշաբթի, 23 Մարտի 2015 13:04
ՎՏԲ-Հայաստան Բանկը Ամերիաբանկի հետ համատեղ ֆինանսավորել է «Green House» ջերմոցային համալիրի կառուցումը
ԱրմԻնֆո. ՎՏԲ-Հայաստան Բանկը Ամերիաբանկի հետ համատեղ ֆինանսավորել է «Green House» ժամանակակից էներգախնայող ջերմոցային համալիրի կառուցումը, որի բացումը տեղի ունեցավ մարտի 21-ին ՀՀ Արարատի մարզի Շահումյան գյուղում:
Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, հանդիսավոր արարարողությանը ներկա էին ՀՀ նախագահ Սերժ Սարգսյանը, Հայաստանում Ռուսաստանի, Ֆրանսիայի դեսպանները, Իտալիայի դեսպանի ժամանակավոր պաշտոնակատարը, ՎՏԲ-Հայաստան Բանկի ղեկավարությունը, երկրի բիզնես շրջանակների ներկայացուցիչներ:
Green House-ը Հայաստանի խոշորագույն ջերմոցային համալիրներից է, որն ունի 30 հա տարածք: Ժամանակակից տեխնոլոգիաներով հագեցած ջերմոցներում բողկի արտադրություն է իրագործվելու: Նախագծի իրականացմանը նպաստում են մեղմ կլիմայական պայմանները, ձմռանը բանջարեղենի աճեցման հնարավորությունը` առանց թանկարժեք սարքավորումների օգնությամբ արհեստական լուսավորման: Ընկերությունը պլանավորում է ապահովել արտադրանքով հայկական շուկան և արտադրանքի մեծ ծավալ արտահանել Ռուսաստանի Դաշնություն:
Ջերմոցային տնտեսության շահագործման արդյունքում Շահումյան գյուղում, ինչպես նաև Արարատի մարզի այլ գյուղերում բացվել են նոր աշխատատեղեր: Այս պահին արտադրական գործընթացում ներառված է ավելի քան 70 մարդ:
«Հայաստանը գրավիչ ներդրումային հարթակ է գյուղարդյունաբերական նախագծերի իրականացման համար, քանի որ գոյություն ունեն կառավարության նախաձեռնած ծրագրեր, որոնք մասնավորապես ազատում են սարքավորումների ու ջերմոցային կոնստրուկցիաների ներկրման մաքսատուրքից: Համալիրի բացումը կնպաստի ոչ միայն երկրի ջերմոցային ոլորտի զարգացմանը, այլ նաև շրջանի բնակչության զբաղվածությանը: ՎՏԲ-Հայաստան Բանկն ունի ջերմոցային տնտեսությունների ֆինանսավորման լավ փորձ, և մենք հուսով ենք, որ նմանատիպ նախագծեր այսուհետ նույնպես շատ կլինեն»,- նշել է ՎՏԲ-Հայաստան Բանկի Գլխավոր տնօրեն-Տնօրինության նախագահ Յու. Գուսևը:
Ըստ ԱրմԻնֆո գործակալության` Հայաստանի Բանկային համակարգի ֆինանսական վարկանիշների, ՎՏԲ-Հայաստան Բանկը տնտեսության վարկավորման գծով գտնվոըն է Հայստանի լավագույն բանկերի եռյակում: Այնպես, 2015 թվականի հունվարի 1-ի դրությամբ բանկի կորպորատիվ վարկային պորտֆելը կազմել է 163 մլրդ դրամ (բանկի վարկային ներդրումների ընդհանուր ծավալի ավելի քան 61% - ը), տարեկան աճը`23%, իսկ միայն չորրորդ եռամսյակում`22%: Բանկի կորպորատիվ վարկային պորտֆելի 22% -ը կազմել են արդյունաբերական ոլորտի ներդրումները, 21,5%-ը`առևտրի, ավելի քան 10%-ը` շինարարության և 9% - ը` գյուղատնտեսության ոլորտների ներդրումները: ՓՄՁ ոլորտի վարկավորման ծավալով Բանկը հանդիսանում է շուկայի առաջատարը` 121.9 մլրդ դրամ ծավալով, տարեկան աճը`2 անգամ, եռամսյակի աճը` 20,3%: Շինարարության և գյուղատնտեսության վարկավորման ծավալներով բանկում զբաղեցնում է երրորդ տեղը, առևտրի ոլորտի վարկավորումով` հինգերորդ տեղը, արդյունաբերության ոլորտի` երկրորդ տեղը: Բանկի ակտիվների կառուցվածքում վարկային ներդրումների մասնաբաժինը կազմել է ավելի քան 70% կամ 266,5 մլրդ դրամ, տարեկան աճը`17,3%, իսկ եռամսյակային աճը`12,7%:
Նշենք, որ «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ԲԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ բանկն ունի ամենալայն մասնաճյուղային ցանցը ողջ երկրում` 67 մասնաճյուղ:
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները