ՌԵՍՈապահովագրական ընկերության ղեկավար Սամվել Գրիգորյանը գտնում է, որ ապահովագրական շուկան խթանում են պարտադիր ապահովագրության տեսակները, որոնք մարդկանց սովորեցնում են ճիշտ ընկալել ապահովագրությունը, ինչի արդյունքում բարձրանում է նաև կամավոր ապահովագրության տեսակների սպառումը:
«Համենայն դեպս, պահանջարկի աճն առկա է: Օրինակ, եթե խոսենք ԿԱՍԿՈ-ի մասին, ապա այստեղ հարցը վերաբերվում է առաջնահերթություններին, որոնց փոփոխությունը բխում է ինչպես ԱՊՊԱ զարգացումից, այնպես էլ պարտադիր բժշկական ապահովագրությունից: Ռուսաստանում կամ Եվրոպայում ավտոմեքենա գնելը և ապահովագրություն չունենալը նոնսենս է, դա նույնն է, որ տուն գնեք և դռան վրա կողպեք չդնեք: Մենք նույնպես աստիճանաբար ընթանում ենք այդ ճանապարհով»,-նշել է նա ԱրմԻնֆո գործակալության հետ զրույցում:
Ս.Գրիգորյանը գտնում է նաև, որ ապահովագրական կամավոր տեսակներից ամենից մեծ ներուժն ունի բժշկական ապահովագրությունը: Ներուժի առումով հաջորդ տեսակը նա համարում է անշարժ գույքի ապահովագրությունը: «Հաշվի առնելով մեր իրականոթյունը, մարդիկ գույք են գնում հիփոթեքով, ինչի հսմսր բանկերը վարկեր են տրամադրելիս պահանջում են ապահովագրել այդ գույքը: Սակայն, ցավոք, երբ հիփոթեքային վարկը մարվում է, անշարժ գույքի սեփականատերն ապահովագրության պայմանագիրը չի երկարաձգում, բայց դրա անհրաժեշտությունը նա սկսում է հասկանալ միայն այն բանից հետո, երբ տեղի է ունենում հրդեհ, կամ մեկ այլ պատահար: Դրա պահանջարկը ձևավորվում է շթղայաձև, ԱՊՊԱ-ից, առողջության ապահովագրությունից, ԿԱՍԿՈ-ից հետո»,-գտնում է տնօրենը:
Նրա կարծիքով, կորպորատիվ ապահովագրության մեջ անշարժ գույքի ապահովագրությունից բացի արդիական է նաև բեռնափոխադրումների ապահովագրությունը: «Այս տեսակի պահանջվածությունն աճում է, եթե հաշվի առնենք ԵՏՄ-ին Հայաստանի միանալը, քանի որ այն կդառնա բիզնեսը վարելու պարտադիր պայման, որովհետև ներկայիս պայմաներում ամեն ինչ հնարավոր է – սկսած պատահականություններից և վերջացրած կանխատեսված վնաս պատճառելու դեպքերից»,-նշել է Ս.Գրիգորյանը:
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |