Հայաստանում բանկային մասնավոր տրանսֆերտները 2015 թ. հունվար-փետրվարին կրճատվել են 46%, Ռուսաստանից եկող փոխանցումների 54% անկման հետևանքով

Հայաստանի բանկային համակարգով Հայաստան ուղղվող մասնավոր դրամական փոխանցումների ծավալը 2015 թվականի հունվար-փետրվարին կրճատվել է 46%, ինչը հիմնականում պայմանավորված է եղել Ռուսաստանից ուղղվող մասնավոր տրանսֆերտների 54% անկումով: Ընդ որում, Հայաստան հոսող ֆիզիկական անձանց դրամական փոխանցումների ծավալներում Ռուսաստանի մասնաբաժինը կազմում է 57%:

Ըստ ՀՀ Կենտրոնական բանկի հրապարակած ամենամսյա տեղեկագրի, զգալի անկում է արձանագրվել նաև ԱՄՆ-ից ուղղվող դրամական փոխանցումների գծով` 39%, որոնք կազմում են Հայաստան հոսող ֆիզիկական անձանց դրամական փոխանցումների ընդհանուր ծավա%ի 14%-ը:

Միևնույն ժամանակ, Հայաստանի բանկային համակարգի միջոցով մասնավոր տրանսֆերտների արտահոսքն աճել է 86%, ինչը պայմանավորված էր փոխանցումների արտահոսքով դեպի` Գերմանիա - 14 անգամ, ԱՄՆ - 5 անգամ, Իսպանիա - 4.5 անգամ, Թուրքիա - 3,5 անգամ, ԱՄԷ - և Չինաստան - 3 անգամ, իսկ մինչդեռ արտահոսքը դեպի Ռուսաստանի նվազել է 6.7%:

Ըստ աղբյուրի, Հայաստան հոսող ֆիզիկական անձանց բանկային փոխանցումների կառուցվածում ոչ կոմերցիոն բնույթի փոխանցումները կազմում են 78%, որոնք հունվար-փետրվարին կրճատվել են 46,5%: Տարեկան կտրվածքով այս ցուցանիշը նվազել է 40.4%, կազմելով 2015-ի ապրիլի 1-ին`122.4 մլն.դոլար: Հայաստան ուղղվող մասնավոր տրանսֆերտների ընդհանուր ծավալներում Ռուսաստանի բաժինը կազմել է 70%, հունվար-փետրվարին նվազելով 51%, իսկ տարեկան կտրվածքով`գրեթե 2 անգամ, կազմելով 2015-ի մարտի 1-ին` 84.9 մլն.դոլար: Միացյալ Նահանգների ստացվել ֆիզիկական անձանց ոչ առևտրային փոխանցումների  ընդհանուր ներհոսքի 12%-ը, հունվար-փետրվարին նվազելով 32%, տարեկան աճը` 20%, մինչև 15.9 մլն դոլար:

Միևնույն ժամանակ, ֆիզիկական անձանց ոչ առևտրային փոխանցումների արտահոսքը Հայաստանից հունվար-փետրվարին կրճատվել է 17%, ինչը պայմանավորված է եղել դեպի Ռուսաստան տրանսֆերտների 19% կրճատումով, որի մասնաբաժինը կազմում է 71%: Տարեկան կտրվածքով ոչ առևտրային փոխանցումները դեպի արտասահմանյան երկրներ նվազել են 12%, մինչև 44,3 մլն.դոլար, ինչն արդյունքում, Միացյալ Նահանգներ, Ուկրաինա, Գերմանիա, Չինաստան, Թուրքիա, Ֆրանսիա փոխանցումները կրճատվել են 2 անգամ, իսկ դեպի ՄԱԷ` 3 անգամ: Դրան հակառակ, դեպի ՌԴ դրամական փոխանցումները, որոնք կազմում են 69% կամ 30.3 մլն.դոլար, տարեկան կտրվածքով աճել են 9%:

Նշենք, որ ՀՀ Կենտրոնական բանկն առաջին եռամսյակի դրամավարկային քաղաքականության ծրագիրով կանխատեսել էր դոլարային արտահայտությամբ ֆիզիկական անձանց դրամական փոխանցումների 30% կրճատում և ռուսական ռուբլով դրամական փոխանցումների դանդաղում: