Հայաստանի ապահովագրական ընկերությունների կողմից իրականացված ապահովագրական հատուցումների ընդհանուր ծավալը 2015 թվականի առաջին եռամսյակում կազմել է 3,237 մլրդ.դրամ (թվերը վերցված են ապահովագրողների հաշվետվություններից` ըստ Հ ԿԲ ստանդարտների): Ապահովագրական հատուցումները տարեկան կտրվածքով նվազել են 40.9%: Միևնույն ժամանակ, ապահովագրական պրեմիաները տարեկան կտրվածքով կրճատվել են 8,8%, կազմելով 9,416 մլրդ. դրամ:
Ըստ ԱրմԻնֆո գործակալության` Հայաստանի ապահովագրական ընկերությունների Ռենկինգի, հատուցումների ծավալների անկում է արձանագրվել բոլոր ընկերություններում: Մասնավորապես, «Նաիրի Ինշուրանս» - 62.4%, «ՌԵՍՈ» - ի 57,3%, «Ռոսգոսստրախ-Արմենիա» - 46.4%, «Արմենիա Ինշուրանս» 21.6%, «Սիլ Ինշուրանս»-15,8%, ԻՆԳՈ Արմենիա» - 7.1%:
Ըստ Ռենկինգի, ապահովագրական հատուցումների ամենամեծ ծավալն ավանդաբար ապահովել է «Ռոսգոսստրախ-Արմենիան» - 1,136 մլրդ.դրամ (որն առաջինն է նաև պրեմաիների ծավալով): Երկրորդ տեղում է «ԻՆԳՈ Արմենիան» -806,6 մլն դրամ, երրորդն է «Նաիրի Ինշուրանսը» -421,7 մլն դրամ: Այնուհետև հաջորդում են` «Սիլ Ինշուրանսը» - 407,7 մլն դրամ, «ՌԵՍՈ» ընկերությունը - 273,3 մլն դրամ և «Արմենիա Ինշուրանսը» - 191,7 մլն դրամ:
Ամենամեծ ծավալով հատուցումներն իրականացվել են ԱՊՊԱ հատվածում` 67.7% կամ 2,192 մլրդ դրամ, տարեկան կտրվածքով նվազելով 16.7%: Բժշկական ապահովագրական հատվածում - 662 մլն ՀՀ դրամ, տարեկան անկումը` 46.8%: ԿԱՍԿՈ հատվածում - 278,9 մլն.դրամ կամ հատուցումների ընդհանուր ծավալի 8.6%-ը, տարեկան անկումը` 26%: Մյուս դասերով ապահովագրական հատուցումների ծավալը կազմել է մոտ 100 միլիոն դրամ:
Առաջին եռամսյակում Հայաստանի ապահովագրական ընկերություններն ընդհանուր հաշվով արձանագրել են 32 հազար ապահովագրական պատահար: Ամենամեծ թվով պատահարներն արձանագրվել են բժշկական ապահովագրության հատվածում - 20.649 պատահար, իսկ ԱՊՊԱ գծով - 10.421 ապահովագրական պատահար: ԿԱՍԿՈ գծով արձանագրվել է 560 պատահար: Նշենք, որ ապահովագրական շուկայում գործում է պարտադիր ապահովագրությնա 2 տեսակ` ԱՊՊԱ-ն և բյուջետային աշխատողների բժշկական ապահովագրությունը:
Հարկ է նշել, որ Հայաստանի ապահովագրական ընկերույթունները գործում են ապահովագրական 17 դասերում: Ապահովագրական 16 դասի լիցենզիա ունի «ԻՆԳՈ Արմենիա» ընկերությունը, որին հաջորդում է «Ռոսգոսստրախ Արմենիա» ընկերույթունը - 15 դասերի ապահովագրության լիցենզիա (վարկային ռիսկերի ապահովագրույթուն իրականացնող միակ ընկերոթյունը). (Դոլարի փոխարժեքը 31.03.2015 թ.դրությամբ կազմել է 471.13 դրամ/դոլար):