Անելիք Բանկը շուկա է դուրս բերել Visa Platinum պրեմիում դասի քարտատեսակը

Անելիք Բանկը զարգացնում է իր քարտային պրոդուկտները և ներկայանում է նոր` Visa Platinum պրեմիում դասի քարտով, որի քարտապանները հնարավորություն ունեն օգտվել սպասարկման բազմաթիվ առավելություններից` աշխարհի տարբեր երկրներում և օգտվել արտերկրի առևտրի և սպասարկման կետերի կողմից առաջարկվող բազմաթիվ զեղչերից: Այս մասին ԱրմԻնֆո գործակալությանը տեղեկացվել է Բանկի մամուլի ծառայությունից:

«Անելիք Բանկի Visa Platinum պրեմիում դասի քարտատեսակն իր մեջ ներառում է հատուկ արտոնությունների մի ամբողջ փաթեթ` ուղևորությունների,  հանգստի, ռեստորաններից օգտվելու և գնումների համար։ Visa Platinum քարտի հետ տրամադրվող Priority Pass քարտերն ապահովում են մուտք աշխարհի 100 երկրների օդանավակայաններում տեղակայված ավելի քան 600 VIP սրահներ։ Տվյալ քարտի միջոցով հնարավոր է ամրագրել հյուրանոցային համարներ 130 երկրների հյուրանոցներում, որտեղ ամրագրումները հնարավոր է կատարել ինչպես 12 ամիս առաջ, այնպես էլ վերջին րոպեին»,- ասել է «Անելիք Բանկ» ՓԲԸ-ի Հասարակության հետ կապերի պատասխանատու Աստղիկ Մարտիրոսյանը և տեղեկացրել, որ սա Բանկի հաճախորդներին տրամադրվող հարմարավետության և շահավետության հերթական դրսևորումն է:

«Visa Platinum քարտապանը կարող է ուղղակի կատարել հյուրանոցային համարի ամրագրում http://www.hotelclub.com/visa/en կայքում և ստանալ զեղչեր աշխարհի 50.000-ից ավելի հյուրանոցներում»,- նշել է Ա, Մարտիրոսյանը: Լրացուցիչ տեղեկությունների համար կարող եք այցելել http://www.anelik.am/ էլեկտրոնային կայք:

Ըստ ԱրմԻնֆո գործակալության` «Հայաստանի բանկերը քարտային բիզնեսում» վերլուծական տեղեկագրի, Անելիք Բանկի ակտիվ քարտերի թիվը 2015 թվականի ապրիլի 1-ին կազմել է ավելի քան 47 հազար, որից ավելի քան 20 հազարը եղել է Visa քարտեր, ավելի քան 19 հազարը` ArCa քարտեր, իսկ մնացած մոտ 7 հազարը` MasterCard համակարգի քարտեր: Պլաստիկ գործարքների ծավալը 2014 թվականին կազմել է մոտ 32 մլրդ.դրամ (տարեկան աճը` 60%), որի ավելի քան 89%-ը կազմել են բանկոմատային տրանսակցիաները (տարեկան աճը`մոտ 2 անգամ): Այդ օրվա դրությամբ բանկն ունեցել է 59 բանկոմատ (49-ը` Երևանում) և 371 սեփական POS-տերմինալներ: Անելիք Բանկը հայաստանյան բանկերից առաջինն էր, որն սկսեց միաժամանակ աշխատել երկու միջազգային` Visa և MasterCard համակարգերի հետ, միևնույն ժամանակ ակտիվորեն փողարկելով և սպասարկելով տեղական ArCa քարտերը: Բանկը շուկայում գործարկել է այնպիսի հետաքրքիր նախագծեր, ինչպես`VISA ANELIK Classic, «Անելիք ՌՈՒ» (զրոյական միջնորդավճարով դրամական փոխանցումներ ԱՊՀ և մերձբալթյան երկրների հետ), ԱՆԵԼԻՔ ԲԱՆԿ MasterCard GOLD PRIVILEGE MAN / LADY (ՌԵՍՈ-ի ապահովագրությունով և ակումբային ու զեղչային քարտերի բոլոր առավելություններով), քարտային վարկային միջոցներ - «Պարզ-արագ Ավտո», «Տոնական», «Հարսանեկան», ուսանողական էքսպրես վարկավորման համար -  «ԱՆԵԼԻՔ ԲԱՆԿ BOOM ENERGY VISA Classic», ինչպես նաև «Հոգատար» նախագիծը կենսաթոշակառուների, ուսանողների և դասախոսների համար նախագծերն են:

Նշենք նաև, որ 2009 թվականի փետրվարից Անելիք Բանկի բաժնետերն է լիբանանյան CreditBank- S.A.L.-ը, 51% բաժնեմասով, որը 2013 թվականի IV եռամսյակում դարձավ բանիկ միակ սեփականատերը, հասցնելով 100%-ի: Մոսկովյան «AnelikRu" - ն 2012 թ. դեկտեմբերին նույնպես օտարվածել էր Անելիք բանկից, հետագայում նույնպես սեփականության իրավունքը փոխանցելով լիբանանյան Credit Bank- S.A.L.-ին: