Հայաստանի բանկային համակարգը վարկավորման ծավալներն ավելացնում է տնտեսության գրեթե բոլոր հիմնական ոլորտներում

Հայաստանի բանկային համակարգը տարեկան կտրվածքով ավելացրել է տնտեսության վարկավորման ծավաները, ընդ որում, տնտեսության գրեթե բոլոր հիմնական ոլորտներում: Ըստ ՀՀ ԿԲ տվյալների, բանկերի միագումար ընդհանուր վարկային պորտֆելը տնտեսությունում աճել է 12,2%, 2015 թվականի մայիսի 1-ին կազմելով 1.445 տրլն.դրամ: Իսկ ապրիլին այդ ցուցանիշի աճը կազմել էր 1.2%:

Առևտրի վարկավորումը, որը վարկային ընդհանուր կորպորատիվ պորտֆելում կազմել է 25.7%, վերջին մեկ տարվա ընթացքում ավելացել է 7.3%, ապրիլին` 2,3%, մինչև 371.7 մլրդ դրամ: Մեծածախ առևտրի վարկավորման աճը մեկ տարում կազմել է 11,2%, մեկ ամսում` 2%, մինչև 194 մլրդ.դրամ, իսկ մանրածախը, համապատասխանաբար` 6.1% և 0.9%, մինչև 165,5 մլրդ դրամ:

Վերամշակման նոլորտին ուղղված վարկերը մեկ տարում աճել են 6.4%, իսկ ապրիլին` 1,6%, մինչև 191.6 մլրդ.դրամ (ընդհանուր կորպորատիվ պորտֆելի 13.3%-ը): Այստեղ աճի տեմպերով առաջատարն է ծխախոտի արդյունաբերությունը, որը տարեկան արտահայտությամբ կազմել է 67.6%, ամսական կտրվածքով` 62.2%, կազմելով 2,1 մլրդ դրամ:

Ցարկավորումը սննդի արդյունաբերության ոլորտում տարեկան կտրվածքով նվազել է 8,5%, մինչև 53 մլրդ դրամ: Ապրիլին այն արձանագրել 2,2% աճ: Տարվա ընթացքում  զգալիորեն նվազել է մրգերի և բանջարեղենի պահածոյացման ոլորտի վարկավորումը` 40,4%, մինչև 6,8 մլրդ.դրամ (ամսվա աճը`0.6%): Անկում է արձանագրվել նաև  հացաբուլկեղենի վարկավորման ոլորտում` 25.3%, մինչև 13 մլրդ.դրամ (աճը` 10.3%):

Միևնույն ժամանակ, կաթնամթերքի վարկավորման ոլորտի ծավալն աճել է 47.8%, մինչև 13.7 մլրդ դրամ (ապրիլի անկումը` 0.8%), իսկ մսի մշակման և պահածոյացման ոլորտի վարկերն աճել են 25.6%, մինչև 9.7 մլրդ.դրամ (ամսվա անկումը`0.8%): Զգալիորեն աճել է նաև դեղագործության ոլորտի վարկավորման ծավալը` 49.4%, մինչև 1,2 դրամ (ամսական անկումը`6,1%): Հյութերի արդյունաբերության ոլորտում վարկերի ծավալն աճել է 33.4%, մինչև 50.6 մլրդ դրամ (ապրիլին` 0.6%):

Ֆյուղատնտեսության ոլորտում վարկավորման աճը կազմել է 25.1%, մինչև 166,3 մլրդ.դրամ (ամսական աճը` 3,5%), ընդ որում, բուսաբուծության ոլորտում աճը կազմել է 41.5%, մինչև 80.3 մլրդ.դրամ (ամսվա աճը` 5.9%), իսկ անասնաբուծության ոլորտում` 8.4%, մինչև 55.7 մլրդ դրամ:

Էլեկտրաէներգիայի և գազի մատակարարման ոլորտում վարկերը մեկ տարում աճել են 8.1%, մինչև 141.8 մլրդ.դրամ (ապրիլի աճը`0,7%), այդ թվում, էլեկտրաէներգիայի արտադրության և բաշխման ոլորտում աճը կազմել է 6.3%, մինչև 102.6 մլրդ դրամ (ամսական անկումը` 1,1%):

Շինարարության ոլորտում վարկերի ծավալն աճել է տարվա կտրվածքով` 3.7% (ամսական աճը`1.9%), մինչև 116,9 մլրդ դրամ: Տարեկան աճը շինարարական վարկավորման ոլորտում հիմնականում ապահովվել է ճանապարհաշինության ֆինանսավորման հաշվին, որի աճը կազմել է 30.9%, մինչև 20.4 մլրդ դրամ, մինչդեռ, բնակարանային շինարարության ոլորտում վարկերը նույն ժամանակահատվածում նվազել են 18.1%, մինչև 72,3 մլրդ.դրամ: Ապրիլին ճանապարհաշինության վարկավորման աճը կազմել է 3.8%, իսկ բնակարանային շինարարության աճը` 2.1%:

Լեռնահումքային ոլորտում վարկավորումը մեկ տարում աճել է 22,3% (ապրիլի աճը`2,1%), մինչև 58.4 մլրդ դրամ: Մետաղական հանքանյութի արդյունահանման վարկավորումը նվազել է մեկ տարում` 2,7%, իսկ միայն ապրիլին աճել է 9%, մինչև 26,3 մլրդ դրամ:

Վարկավորումը ֆինանսական հատվածում մեկ տարում նվազել է 0,9%, մինչև 87 մլրդ. դրամ (ամսական անկումը`9.7%): Դրա կառուցվածքում, միջբանկային վարկերը կազմել են 45.7 մլրդ դրամ (տարվա աճը` 5,8%, ամսվա անկումը`5.9%), ներդրումային ընկերություններին տրամադրված վարկերը կազմել են 20.9 մլրդ դրամ, (տարեկան անկումը`12.7%, ամսական աճը`1.2%): (ՀՀ դրամի փոխարժեքը 04.30.2015 թ. դրությամբ կազմել է 476,42 դրամ/դոլար):