ՎՏԲ-Հայաստան Բանկը Visa ընկերության հետ քարտից քարտ փոխանցման 2-րդ համատեղ ակցիայի արդյունքում արձանագրել է 1.5 անգամ աճ

ՎՏԲ-Հայաստան Բանկն ամփոփեց իր բանկոմատների միջոցով քարտից քարտ փոխանցումների թվով երկրորդ ակցիայի արդյունքները, որն անց էր կացվում Visa ընկերության հետ համատեղ սույն թվականի ապրիլի 1-ից մայիսի 31-ը: Այս մասին ԱրմԻնֆո գործակալությանը տեղեկացվել է Բանկի մամուլի ծառայությունից:

Համաձայն ակցիայի պայմանների` ՎՏԲ-Հայաստան Բանկի բոլոր Visa քարտապանները նշված ժամանակահատվածում հնարավորություն ունեին կատարելու 3 անվճար փոխանցում ՎՏԲ-Հայաստան Բանկի ցանկացած Visa քարտից ՎՏԲ-Հայաստան Բանկի կամ ցանկացած տեղական բանկի Visa քարտին բանկի 157 բանկոմատների միջոցով:

Աղբյուրի համաձայն, քարտից քարտ փոխանցումները կատարվում են շուրջօրյա, իսկ փոխանցված գումարը հասանելի է ստացողին հաշված վայրկյանների ընթացքում: Հաճախորդը կարող է չսահմանափակվել ՎՏԲ-Հայաստան Բանկի աշխատանքային ժամերով և մասնաճյուղերի տեղակայմամբ և կատարել քարտից քարտ փոխանցումներ բանկի ոչ աշխատանքային օրերին և ժամերին: Այս ակցիայի արդյունքում քարտից քարտ փոխանցումների ծավալը առաջին ակցիայի արդյունքների համեմատ աճել է մեկուկես անգամ: Փոխանցումները կարելի էր կատարել ՀՀ դրամով, ՌԴ ռուբլով, ԱՄՆ դոլարով և եվրոյով:

Ակցիայի շրջանակից դուրս ՎՏԲ-Հայաստան Բանկի բանկոմատներով քարտից քարտ փոխանցման համար միջնորդավճարը կազմում է 0.2%-1.5%` կախված քարտի տեսակից:

Նմանատիպ փոխանցումներ ՎՏԲ-Հայաստան Բանկի քարտերին կարելի է կատարել նաև Հայաստանի, Վրաստանի և ԱՊՀ երկրների այլ բանկերի կողմից թողարկված քարտերից: 

Բանկոմատների միջոցով «Քարտից քարտ» ծառայության մասին առավել մանրամասն տեղեկատվություն կարելի է ստանալ ՎՏԲ-Հայաստան Բանկի www.vtb.am կայքի «Վճարային քարտեր» բաժնում:

Ըստ ԱրմԻնֆո գործակալության` «Հայաստանի բանկերի քարտային բիզնեսում» վերլուծական տեղեկագրի, ՎՏԲ-Հայաստան Բանկն իր ակտիվ քարտերի թվով 2015 թվականի ապրիլի 1-ի դրությամբ հանդիսանում է շոկայի առաջատարը` ավելի քան 401 հազար քարտ, տարեկան աճը`24%, որից գրեթե 385 հազ. Քարտ Visa համակարգի քարտեր են (այդ թվում`88 հազար կենսաթոշակային քարտ), որով նույնպես առաջատարն է: Բանկը MasterCard համակարգի անդամ դարձավ մոտ 2 տարի առաջ, և մինչև 2015-ի ապրիլը կարողացավ թողարկել ավելի քան 16 հազար քարտ, տեղ զբաղեցնելով առաջատարների տասնյակում: Պլաստիկ գործարքների ծավալով նույնպես բանկն առաջինն է շուկայում` ավելի քան 186 մլրդ դրամ (2014 թ), տարեկան աճը` 33%: 2015-ի ապրիլի 1-ի դրությամբ բանկն ուներ 298 սեփական POS- տերմինալներ և 157 բանկոմատ: Մինչև 2013 թվականը ՎՏԲ-Հայաստան Բանկը ողարկում և սպասարկում էր միայն միջազգային Visa քարտեր, որից հետո, նույն տարվա սեպտեմբերին դարձավ MasterCard միջազգային վճարային համակարգի անդամ, ձեռնամուխ լինելով նաև Cirrus / Maestro, MasterCard Standard և MasterCard Gold քարտերի թողարկմանն ու սպասարկմանը: Բացի այդ, բանկը նաև սպասարկում է տեղական ArCa քարտեր: Բանկն ունի իր սեփական պրոցեսինգը:

Նշենք, որ ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ԲԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ բանկն ունի ամենալայն մասնաճյուղային ցանցը ողջ երկրում` 67 մասնաճյուղ: