ԱՐԱՐԱՏԲԱՆԿԻ արժեկտրոնային դրամային անվանական պարտատոմսերի 7-րդ թողարկումը ցուցակվել է «ՆԱՍԴԱՔ ՕԷՄԷՔՍ ԱՐՄԵՆԻԱ» ֆոնդային բորսայում և ներգրավվել բորսայական Bbond երկրորդային ցուցակում: Այս մասին ԱրմԻնֆո գործակալությանը տեղեկացվել է Բորսայի մամուլի ծառայությունից:
Նշված պարտատոմսրի բորսայում կշրջանառվեն ARBKB7 հապավումով:
Թողարկման շրջանակներում բանկը թողարկլ է 40 հազար պարտատոմս, յուրաքանչյուրը 10 հազար դրամ անվանական արժեքով, 3 տարի մարման ժամկետով և 13% տարեկան եկամտաբերությամբ:
Նշենք, որհունիսի 12-ին ԱՐԱՐԱՏԲԱՆԿԸհայտարարեց 2 մլն. դոլար ծավալով, 3 տարի շրջանառությամբ և 7.25% եկամտաբերությամբ դոլարային պարտատոմսերի 9-րդ թողարկման մասին: Նշված պարտատոմսերի 2-րդ տեղաբաշխումը կմեկնարկի 2015 թվականի հուլիսի 27-ին և կավարտվի 2018 թվականի հունիսի 26-ին: Պարտատոմսերը կարելի է ձեռք բերել այս տարվա հունիսի 15-ից 26-ը, բանկի գլխամասային գրասենյակում կամ ցանկացած մասնաճյուղում, իսկ հուլիսի 27-ից մինչև 2018 թվականի հունիսի 26-ը` երկրորդային շուկայում:
Հիշեցնենք, որ 2007 թվականին ԱՐԱՐԱՏԲԱՆԿՆ առաջին անգամ կորպորատիվ պարտատոմսերի շուկա էր դուրս եկել 250 մլն դրամ ծավալով: Առաջին թողարկման տարկան տարեկան եկամտաբերությունը կազմեց 8%, շրջանառությնա ժամկետը`1 տարի: Երկրորդ թողարկման շրջանակներում թողարկման ծավալը կազմեց 400 մլն դրամ, տարեկան եկամտաբերությունը` 9%, շրջանառության ժամկետը` 1.5 տարի: Երրորդ թողարկման ծավալը կազմեց 250 մլն դրամ, տարեկան եկամտաբերությունը` 10%, շրջանառության ժամկետը` 1.5 տարի: Չորրորդ թողարկման ծավալը` 250 մլն դրամ, եկամտաբերությունը` 12%: Հինգերորդ թողարկումն արտարժույթով էր (2012 թ.), որի ծավալը կազմեց 1 մլն դոլար, եկամտաբերությունը`9%: Վեցերորդ թողարկումը (2013), բանկը թողարկեց արտարժույթով, $ 1 մլն.ծավալով, 3 տարի ժամկետով, եկամտաբերությունը` 8.5%: Յոթերորդ թողարկումը (2013), թողարկվեց 400 մլն դրամ ծավալով, շրջանառության ժամկետը` 3 տարի, տարեկան եկամտաբերությունը`13%: Ութերորդ թողարկումն արտարժութային էր, ծավալը` $ 1 մլն, շրջանառության ժամկետը` 4 տարի, եկամտաբերությունը` 8%: Ներկայումս բորսայում շրջանառվում են ԱՐԱՐԱՏԲԱՆԿԻ հինգերորդ, վեցերորդ և ութերորդ արտարժութային թողարկումների և յոթերորդ դրամային թողարկման պարտատոմսերը:
Ըստ ԱրմԻնֆո գործակալության` Հայաստանի բանկերի ֆինանսական վարկանիշների, ԱՐԱՐԱՏԲԱՆԿԻ ակտիվները 2014 թ. աճել են 10.8% -ով և կազմել 138,8 մլրդ դրամ: Ակտիվների կառուցվածքում արժեթղթերին ուղղված միջոցները կազմել են մոտ 11% կամ ավելի քան 15 մլրդ դրամ, տարեկան աճը` 16%: 2014 թ.-ին տարեկան աճ է արձանագրվել նաև բանկի պարտավորությունների գծով - 10.8%, մինչև 117 մլրդ դրամ, ինչպես նաև ընդհանուր կապիտալի չափերով - 11%, մինչև 21,8 մլրդ դրամ: Բանկի զուտ շահույթը 2014 թվականի վերջին կազմել է 2.9 մլրդ դրամ, տարեկան անկումը` 4.4%: 2014-ի արդյունքներով բանկի ROA-ն և ROE-ն համապատասխանաբար կազմել է` 2.35% և 14,18%, տեղ զբաղցնելով առաջատարների հնգյակում: Ապրիլի 1-ին, բանկի ակտիվները կազմել են 132.3 մլրդ դրամ, տարեկան աճ` 0,4%: Դրանց կառուցվածքում արժեթղթերին ուղղված ներդրումները 2015-ի I եռամսյակում կազմել են 13% կամ 17 մլրդ.դրամ, տարեկան աճը` 30%, որի 12% աճը ձեռք է բերվել եռամսյակային կտրվածքով: Բանկի պարտավորությունները 2015-ի ապրիլի 1-ին կազմել են 110.5 մլրդ դրամ, տարեկան անկումը` 0,6%, իսկ ընդհանուր կապիտալը` 21.8 մլրդ.դրամ, տարեկան աճը` 6%: 2015 թվականի I եռամսյակը բանկը եզրափակել է 405,7 մլն դրամ զուտ շահույթով, տարեկան անկումը` 63.2%, իսկ եռամսյակային աճը` գրեթե 2 անգամ: ROA և ROE ցուցանիշներով բանկը 2015-ի առաջին եռամսյակում գտնվել է լավագույն տասնյակում, համապատասխանաբար ցուցադրելով 1.19% և 7,72% արդյունքներ:
Վերջին տեղեկությունների համաձայն, «ԱՐԱՐԱՏԲԱՆԿ»-ի մեծամասնական բաժնետերերն է «Ֆլեշ» ընկերությունը – 64.24%, ՎԶԵԲ-ը – 25%+1 բաժնետոմս և բելգիական Rural Impulse Fund II-ը – 10%: (ՀՀ դրամի հաշվարկային փոխարժեքը դոլարի նկատմամբ
12.31.2014 թ.դրությամբ կազմել է 474,97 դրամ/դոլար, իսկ 31.03.2015 թ.դրությամբ` 471,13 դրամ/դոլար):