ԱԿԲԱ-ԿՐԵԴԻՏ ԱԳՐԻԿՈԼ Բանկը և Visa ընկերությունը հայտարարել են payWave առանց կոնտակտի քարտերի թողարկման մասին

ԱԿԲԱ-ԿՐԵԴԻՏ ԱԳՐԻԿՈԼԲանկը և Visa ընկերությունը հայտարարեցին Հայաստանում Visa payWave քարտերի թողարկման և սպասարկման մեկնարկը: Ինչպես հունիսի 14-ին կայացած մամուլի ասուլիսում հայտարարել է ԱԿԲԱ-ԿՐԵԴԻՏ ԱԳՐԻԿՈԼԲանկի գլխավոր գործադիր տնօրեն Հակոբ Անդրեասյանը, բանկը հաճախորդներին առաջարկում է Visa payWave առանց կոնտակտի ինովացիոն քարտային պրոդուկտների շարք` Visa Student, Visa Classic և Visa Gold տեսակի քարտեր:

«Visa payWave քարտերով վճարներ կատարելը հնարավոր է առանց քարտը սպասարկող անձնակազմմի ներկայացնելու: Գնման դիմաց վճարում կատարելու համար անհրաժեշտ է ընդամենը քարտը մոտեցնել POS-տերմինալին: Visa payWave տեխնոլոգիայի կիրառումը հնարավորություն է տալիս գնումների դիմաց վճարել անենաարագ, անվտանգ և թեթև ձևերով, ինչը ձեռնտու է նաև առևտրի կետերին, քանի որ դա կանխում է հերթերի գոյացումը և հնարավորություն է տալիս սպասարկել մեծ թվով հաճախորդների»,-պարզաբանել է Հ.Անդրեասյանը, հավելելով, որ Visa առանց կոնտակտի քարտերի թողարկման և դրանց սպասարկման ցանց ստեղծելու նպատակով ԱԿԲԱ-ԿՐԵԴԻՏ ԱԳՐԻԿՈԼԲանկը համագործակցում է ֆրանսիական «Oberthur Technologies» և «Ingenico»հարահայտ ընկերությունների հետ:

Նրա խոսքով, 10 դրամը չգերազանցող գործարքներ իրականացնելու համար PIN-ծածկագրի հավաքումը և անդորրագրի ստորագրումը պարտադիր չէ: Ներկայումս բանկն առանց կոնտակտ POS-տերմինալներ է տեղադրել Երևան-Մոլ համալիրում, որտեղ առևտրի կետերի մեծ մասն արդեն վճարներն ընդունում են ԱԿԲԱ-ԿՐԵԴԻՏ ԱԳՐԻԿՈԼԲանկի Visa payWave քարտերի միջոցով, և մտադիր է մինչև տարեվերջ Երևանում տեղադրված առանց կոնտակտ տերմինալների թիվը հասցնել 150-ի: Առանց կոնտակտ POS-տերմինալները և քարտերն ունեն տարբերանշաններ: Տնօրենը հաղորդել է նաև, որ հուլիսի 15-ից մինչև օգոստոսի 31-ը բանկը 50% cashback կտրամադրի Visa payWaveքարտերով կատարված առաջին վճարային գործարքի համար: Visa Student, Visa Classic ևVisa Gold քարտերիքարտապանները կարող են մինչև այս տարվա հունիսի 30-ն իրենց գործող քարտերն անվճար փոխարինել Visa payWaveքարտերով:

«Visa payWave-ը– վճարային քարտերի տեխնոլոգիական զարգացման նոր մակարդակ է, որը կոչված է թեթևացնելու մարդկանց առօրյան, կրճատվել քարտային գործարքների ժամանակը: Ներկայումս Հայաստանում քարտապանների մեծ մասը քարտերն օգտագործում է միայն մեծ գնումների դիմաց վճարելու ժամանակ, իսկ մանր գնումների դիմաց գերադասում են վճարել կանխիկ: Մենք մտադիր ենք փոխել այդ մոտեցումը և քարտերը դարձնել ամենօրյա օգտագործող վճարային գործիք»,-ընդգծել է Հ.Անդրեասյանը:

Նա տեղեկացրել է այս տարի բանկը մտադիր է Երևանում տեղադրել մեծ թվով առանց կոնտակտ տերմինալներ, շարունակելով զարգացնել այդ հատվածը: Ներկայումս

 Visa payWaveթողարկված քարտերի թիվը հասնում է 1 հազարի: Հետագա թողարկումը կախված կլինի պահանջարկից:

«Visa ընկերությունը մշտապես ձգտում է սպառողին առաջարկել վճարումներ իրականացնելու տեխնոլոգիապես ժամանակակից տարբերակներ, ինչպես նաև խթանում է անկանխիկ վճարումների իրականացումը: Մեր փորձը ցույց է տալիս, որ Visa payWave ոչ կոնտակտային վճարումների համակարգը կարող է օգնել, որպեսզի շուկայում անկանխիկ վճարումներն էլ ավելի մեծ տարածում գտնեն, քանի որ այս տեխնոլոգիան հանդիսանում է վճարման նոր եղանակ, որը շատ արագ է, հեշտ և հարմար, որն էլ հաճախորդներին ստիպում է ավելի հաճախ օգտվել Visa payWave քարտերից՝ ի համեմատ ավանդական մագնիսական կամ չիպային համակարգով թողարկված քարտերի: Մենք հուսով ենք, որ Visa payWave-ով քարտային վճարումներ կիրականացվեն մանրածախ առևտրի այնպիսի ոլորտներում, որտեղ դեռ գերակայում է կանխիկ եղանակով վճարումները, օրինակ՝ մինիմարկետներ, հիպերմարկետներ, բենզալցակայաններ, արագ սննդի կետեր, առևտրի կենտրոններ և տաքսի ծառայություններ»,-նշել է Visa ընկերության կովկասյան տարածաշրջանի ղեկավար Իրինա Կամխաձեն:

Ըստ ԱրմԻնֆո գործակալության` «Հայկական բանկերի քարտային բիզնեսում» վերլուծական տեղեկագրի, ակտիվ քարտերի թվով ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԸ 2015 թվականի ապրիլի 1-ի դրությամբ գտնվում է առաջատարների եռյակում - 177 հազար քարտ, տարեկան աճը` 13%, չորսամյա աճը` մոտ 2 անգամ: Դրանց 58% - ը տեղական ArCa քարտեր են, 32% - ը` Visa և 10% - ը` MasterCard համակարգի քարտեր: Տարեկան կտրվածքով Visa ակտիվ քարտերի թիվն ավելացել է 22%, իսկ չորս տարվա ընթացքում` 55%: Պլաստիկ գործարքների ծավալը 2014 թ. կազմել է ավելի քան 166 մլրդ դրամ (տարեկան աճը 20%, չորս տարվա աճը` գրեթե 2 անգամ), և այս ցուցանիշով նույնպես բանկը գնտվում է առաջատարների եռյակում: Դրամց կառուցվածքում բանկոմատներով գործարքները կազմել են 78%: Սեփական POS-տերմինալների թվով ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԸ հանդիսանում է շուկայի առաջատարը (1152 տերմինալ):

Նշենք, որ «ԱԿԲԱ ԿՐԵԴԻՏ ԱԳՐԻԿՈԼ ԲԱՆԿԸ» Հայաստանում գործում է 1995 թվականից, սկզբում որպես Գյուղացիական փոխօգնության կոոպերատիվ բանկ: 2006 թվականից բանկի մեծամասանական բաժնետերը դարձավ  եվրոպական խոշորագույն բանկային` Credit Agricole S.A. խումբը, 15.56% բաժնեմասով, որին հաջորդում է «Sacam International» բաժնետիրական ընկերությունը (Credit Agricole S.A. խմբի անդամ) - 12,44%: Բացի այդ, բանկի կապիտալին մասնակցում են նաև Գյուղացիական փոխօգնության 10 մարզային միություններ: Մասնաճյուղերի, ինչպես նաև մարզային մասնաճյուղերի, ցանցով բանկը երկրորդն է հանրապետությունում – 56 մասնաճյուղ, որոնց մեծ մասը գտնվում է մարզերում (41 մասնաճյուղ), իր ներկայությունն ապահովելով Հայաստանի բոլոր մարզերում: ԱԿԲԱ-Կրեդիտ Ագրիկոլ Բանկը հիմնական հաշվեկշռային ցուցանիշներով 2014 թ-ին իր դիրքերն ամրապնդել է լավագույնների հնգյակում: