Հայաստանի դրամական զանգվածը մայիսին ավելացել է 2.6%, հիմնականում դոլարային ավանդների աճի հաշվին

Հայաստանի դրամական զանգվածը 2015 թվականի հունիսի 1-ին կազմել է 1.679 տրլն. դրամ, մայիսին ավելանալով 2,6%: Տարեկան կտրվածքով Հայաստանի դրամական զանգվածն աճել է 6,6%: Հիշեցնենք, որ դրամական զանգվածի 2015-ի ապրիլին ավելացել էր 2,7%, 2014-ի մայիսի 1-ի ցուցանիշի համեմատ նվազելով 3.7%: Այս ցուցանիշի մայիսի տվյալները դռ չեն հրապարակվել:

Ըստ ՀՀ Ազգային վիճակագրական ծառայության տվյալների, դրամական նզանգվածի մայիսյան աճը հիմնականում պայմանավորված էր դոլարային ավանդների 4.4% աճով (տարեկան աճը`19%), մինչև 896 մլրդ դրամ (դրամական զանգվածի 52.5%-ը), ինչպես նաև կանխիկ դրամաշրջանառության 3.3% աճով (տարեկան անկումը` 8,5%), մինչև 312,8 մլրդ դրամ (դրամական զանգվածի 18,6%-ը): Միևնույն ժամանակ, դրամային ավանդները մեկ ամսում նվազել են 0,2% (տարեկան անկումը`1,9%), մինչև 470 մլրդ.դրամ (դրամական զանգվածի 28%-ը):

Դրամային ավանդների կառուցվածքում ցպահանջ ավանդները մայիսին աճել են 1,9% (տարեկան անկումը` 4,3%), մինչև 182.9 մլրդ դրամ: Ժամկետային դրամային ավանդները մկ ամսում նվազել են 1,4% (տարեկան անկումը` 0,3%), մինչև 287,2 մլրդ դրամ: Արտարժութային ավանդների վերաբերյալ տեղեկատվույթունը դեռ չի հրատարակվել:

Զուտ արտաքին ակտիվները հունիսի 1-ին, պահպանել են մինուսային` 376.2 մլրդ դրամ մակարդակը, մայիսին կրճատվելով 8,9%, իսկ տարեկան առումով մինուսի 68.4% խորացումով:

Ներքին ակտիվները մայիսին ավելացել են 0,3% (տարվա աճը`14.3%), մինչև 2.055 տրլն. դրամ: (ՀՀ դրամի փոխարժեքը դոլարի նկատմամբ 31.05.2015 թ.դրությմամբ կազմել է 478,54 դրամ/դոլար):