Հայաստանի բանկերի հաճախորդների բազան 2015 թվականի ապրիլին էապես չի փոխվել, իսկ տարեկան աճը կազմել է 12.7%

Հայաստանի բանկային համակարգի հաճախորդների բազան 2015 թվականի մայիսի 1-ին կազմված է եղել 2 202 642 ֆիզիկական և  78 781 իրավաբանական անձանցից: Ըստ ՀՀ Ազգային վիճակագրական ծառայության տվյալների, ընդհանուր հաշվով 2 281 423 հաճախորդներ Հայաստանի բանկերում ունեցել են 4 017 244 հաշիվներ, որոնցից 3 842 150 –ը պատկանել են ֆիզիկական, իսկ 175 094-ը իրավաբանական անձանց:

Ըստ աղբյուրի, ապրիլին Հայաստանի բանկերի հաճախորդային բազան ավելացել է 0,5% կամ 11 840 հաճախորդով: Տարեկան կտրվածքով աճը կազմել է 12,7%: Ընդ որում,  բանկային հաշիվների թիվն ապրիլին աճել է 1%, իսկ վերջին մեկ տարում` 16.6%: