Հայաստանի բանկերում ավանդները մայիսին աճել են 2.4%, հիմնականում` արտարժութային բաղադրիչի հաշվին

Հայկական բանկերի կողմից ներգրավված ավանդների ծավալը 2015 թվականի մայիսին աճել է 2.4%, հունիսի 1-ին կազմելով 1.801 տրլն դրամ, տարեկան աճը` 10.4%:

Ըստ ՀՀ Ազգային վիճակագրական ծառայության տվյալների, մայիսի աճը հիմնականում ապահովել են արտարժույթով ավանդները: Արտարժութային ավանդները մեկ ամսում 3%, մինչև 1,267 տրլն.դրամ, իսկ դրամային ավանդները` 0,9%, մինչև 533,7 մլրդ դրամ: Արտարժութային ավանդների մասնաբաժինը բանկային ընդհանուր ավանդների կառուցվածքում ավանդաբար գերակշռում է` 70.4% և 29.6% համամասնությամբ: Տարեկան աճը պայմանավորված է արտարժույթով ավանդների 12.8% և դրամով ավանդների`5.7% աճով:

Աղբյուրի ամաձայն, բանկերի կողմից ներգրավված միջոցների կառուցվածքում ռեզիդենտների մասնաբաժինը կազմել է 76.5% կամ 1,378 տրլն.դրամ, մայիսի աճը`2,6%, իսկ տարեկան աճը`12,4%: Ոչ ռեզիդենտների մասնաբաժինը կազմլ է 23.5% կամ 422,8 մլրդ դրամ, ամսվա աճը`1.7% տարեկան կտրվածքով`4,5%:

Ռեզիդնտների ավանդների կառուցվածքում ցպահանջ ավանդները կազմել են 29.4% կամ 404,8 մլրդ դրամ, իսկ ժամկետային ավանդները`70.6% կամ 973,4 մլրդ դրամ: Առաջինը մայիսի աճել է 7.4%, տարեկան աճը` 8.5%, իսկ երկրորդը, համապատասխանաբար` 0.7% և 12,2%:

Բնակչության ավանդները Հայաստանի բանկերում հունիսի 1-ին կազմել են 926.6 մլրդ. դրամ, մայիսի աճը`1.7%, տարեկան կտրվածքով աճը`9,6%:

Ըստ վիճակագրության, դրամային ավանդների տոկոսադրույքները մայիսին կազմել են 15.26%, ապրիլի` 13.26% -ի և նախորդ տարվա` 10.18%-ի փոխարեն: (ՀՀ դրամի փոխարժեքը 31.05.2015թ.դրությամբ կազմել է 478,54 դրամ/դոլար):