Ucom-ի հետ Orange խմբի նախնական պայմանավորվածության համաձայն, «Orange-Armeniaե բրենդը կգոյատևի ևս 12 ամիս

Ucom-ի հետ Orange խմբի նախնական պայմանավորվածության համաձայն, «Orange-Armeniaե  բրենդը կգոյատևի ևս 12 ամիս, որից հետո նոր սեփականտերը որոշում կկայացնի վերաբրենդավորում անցկացնելու կամ չանցկացնելու վերաբերյալ: Այդ մասին հայտարարել է Orange-Armenia ընկերության գլխավոր տնօրեն Ֆրանսիս Ժելիբտերը` հուլիսի 22-ին կայացած մամուլի ասուլիսում, որը հրավիրվել էր Orange-Armenia-ի բաժնետոմսերի 100%-ի վաճառքի շուրջ Ucom-ի և Orange խմբի միջև բանակցությունների մեկնարկի մասին պաշտոնապես հայտարարելու նպատակով:

2007 թվականին հիմնադրված Ucom ընկերությունը գերիշխող դիրք ունի Հայաստանի IP հեռուստատեսության շուկայում, և մոտ մեկ տարի առաջ ընկերությունը ձեռք բերեց բջջային օպերատորի ծառայություններ տրամադրելու լիցենզիա և, նույնիսկ, իր վրա գրանցեց «011ե կոդը: 2013 թվականին արդեն իսկ ձեռք էր բերել շարժական կապի 4G տեխնոլոգիայով ծառայությունների մատուցման թույլտվություն և 2016 թվականից պլանավորում է մատուցել բարձրակարգ ծառայություններ LTE սերնդի կապուղիներով: Ucom ընկերությունը Հայաստանում 2009 թվականից սկսած կառուցել է գերժամանակակից օպտիկամանրաթելային ցանց, որը հնարավորություն է տալիս մեկ կապուղով մատուցել երեք ծառայություններ՝ ինտերնետ, հեռուստատեսային ծառայություն և հեռախոսակապ: 2015թ. հունիսի դրությամբ ընկերությունն ունի ավելի քան 100 000 բաժանորդ և 800-ից ավելի աշխատակից:  Համագործակցելով համաշխարհային գերհզոր ընկերությունների հետ` Ucom-ը կարողացել է իր հաստատուն դիրքը գրավել Հայաստանի հեռահաղորդակցման շուկայում:  Ucom ընկերությունն աֆիլացված պատկանում է Հայաստանի խոշորագույն օլիգարխներից մեկին` ֆինանսների նախարար Գագիկ Խաչատրյանին:

Շուկայի անկախ դիտորդների կարծիքով, ֆրանսիական ընկերության հեռանալը Հայաստանից էապես կհարվածի երկրի ներդրումային դիրքին, քանի որ, մասնագետների տվյալներով, Orange-Armenia-ն գտնվում էր ոչ այնքան բարենպաստ մրցակցային պայմաններում, ինչի առնչությամբ նրա շահութաբերությունն անմխիթար վիճակում էր:

ԱրմԻնֆո ԼԳ պատրաստած «Հայաստանի առևետրասպասարկման ձեռնարկությունների ռենքինգիե տվյալներով, 2013 թվականի արդյունքներով Orange-Armenia ընկերության վնասը կազմել է 3,8 մլրդ դրամ, իսկ կուտակված վնասը` 12.4 մլրդ դրամ: Orange-Armenia-ի արդյունավետության և շահութաբերության գործակիցները 2013 թվականի արդյունքներով արձանագրվել է բացասական մակարդակում. ROI - 8%, ROEL - 10%, EBITA - 16,8%: Իսկ Ucom ընկերության զուտ շահույթը 2013 թվականի արդյունքներով կազմել է 884.2 մլն դրամ` գրեթե  7 անգամ տարեկան աճով (բացասական մակարդակից), ինչը դրական մակարդակլի է հասցրել արդյունավետության և շահութաբերության գործակիցները. ROI - 3,4%, ROEL - 5,4%, EBITA - 10%: Orange Armenia-ն Հայաստանի շուկայում աշխատում է 2009 թվականի նոյեմբեի 5-ից, իսկ Ucom-ը հիմնադրվել է 2007 թվականին: