Հայաստանի իշխանությունները շարունակում են ավիափոխադրումների օպտիմալացման ուղղությամբ խորհրդատվությունները

ԱրմԻնֆո. Հայաստանի իշխանությունները շարունակում են ավիափոխադրումների օպտիմալացման ուղղությամբ խորհրդատվությունները: Օգոստոսի 3-ին ՀՀ էկոնոմիկայի նախարարի տեղակալ Սերգեյ Ավետիսյանն ընդունել է ՀՀ-ում գործող ավիաընկերությունների ներկայացուցիչներին: Քննարկվել են ավիաընկերությունների կողմից իրականացվող գիշերային չվերթների տեղափոխման հնարավորությունները:

Ինչպես ԱրմԻնֆո գործակալությանը տեղեկացվել է գերատեսչության մամուլի ծառայությունից, ավիաընկերությունների ներկայացուցիչները գիշերային չվերթների իրականացումը հիմնավորել են տարանցիկ երթևեկության համար հարմարավետ միակցումներով` պնդելով, որ ժամերի տեղափոխման դեպքում տարանցիկ ուղևորները ստիպված կլինեն օդանավակայաններում երկար սպասել մյուս չվերթներին` ճամփորդությունը շարունակելու համար:

Արդյունքում, որպես հնարավոր լուծում, ուղևորների հարմարավետ ճափորդության ապահովման նպատակով քննարկվել է լրացուցիչ հաճախականությամբ ցերեկային չվերթների իրականացման հնարավորությունը, ինչն ավիաընկերությունների ներկայացուցիչները կքննարկեն գլխամասային գրասենյակների հետ: Անկախ դիտորդները գտնում են, որ ավիաընկերությունների ներկայացուցիչները խորամանկում են, քանի որ անհասկանալի է, եթե նրանք նման ձևով կարող են ապահովել ուղևորահոսքը, ապա գիշերային չվերթները կսկսեն փոխադրել ավելի քիչ թվով ուղևորների:

Հարկ է նշել, որ Հայաստանում գործող ացիաընկերությունները գործնականում չեն իրակացնում տրանզիտային ուղևորափոխադրումներ, իսկ «Զվարթնոց» օդանավականաը տրանզիտային հաբ չի հանդիսանում:

Հանդիպմանը մասնակցել են «Արմենիա Միջազգային Օդանավակայաններ» ՓԲԸ գլխավոր մենեջերի տեղակալ Անդրանիկ Շխյանը, ՀՀ ԿԱ քաղաքացիական ավիացիայի գլխավոր վարչության և Տնտեսական մրցակցության պաշտպանության պետական հանձնաժողովի ներկայացուցիչներ:

Իսկ ավելի վաղ, Հայաստանում գործող ավիաընկերությունների ներկայացուցիչները ՔԱԳՎ-ում տեղի ունեցած խորհրդակցության ընթացքում հայտարարել էին տոմսերի գների իջեցման հետ կապված պրոբլեմների մասին, ինչպես նաև հոռետեսորեն վերաբերվել գիշերային չվերթները ցերեկայինով փոխարինելու ուղղությամբ ՔԱԳՎ առաջարկներին:

Նշենք, որ Հայաստանում մեկնարկել է, այսպես կոչված, «բաց երկրքի քաղաքականության» կոշտ քննադատությունը, որը, փաստորեն, շուկայից դուրս մղեց օտարերկրյա ավիաընկերություններին: Շուկան, ազգային ընկերությունների բացակայության պայմաներում, աստիճանաբար մոնոպոլացվում է մի շարք ռուսական և ուկրաինական ընկերությունների կողմից: Արդյունքում, տոմսերի գների կտրուկ իջեցումից հետո աստիճանաբար կրկին տեղի է ունենում գների բարձրացում: Ավելին, բազմաթիվ ընկերություններ Երևան թռչելիս օգտվում է գիշերային չվերթներից, ինչը դժվարություններ է ստեղծում ուղևորահոսքերին: Ավելին, բարձր սակագների պատճառով բազմաթիվ հայ ուղևորներ գերադասում են օգտվել Վրաստանի ավիածառայություններից: Այս հարցերը վերջերս քննարկվեցին ՀՀ վարչապետի մոտ, ով ներկաներին հաձնարարեց ավելի խորն ուսումնասիրել այդ խնդիրները: