Անելիք Բանկը մանրածախ վարկավորման աճի տեմպերի գծով դարձավ առաջատարը

Արմինֆո. Անելիք Բանկը մանրածախ վարկավորման աճի տեմպերի գծով դարձավ Հայաստանի բանկային համակարգի առաջատարը, 2015 թվականի հուլիսի 1-ի տվյալներով:

Ըստ ԱրմԻնֆո գործակալության` Հայաստանի բանկերի ֆինանսական վարկանիշի, 2015 թվականի հուլիսի 1-ի դրությամբ Անելիք Բանկը մեծացրել է վարկային պորտֆելը 61.5% (միջին շուկայական աճը`10,7%), առաջ անցնելով շուկայի մյուս մասնակիցներից: Դա բանկին հնարավորություն տվեց մեկ տարում բարելավել իր ցուցանիշները, իսկ մանրածախ վարկավորման ծավալով տեղ գրավել առաջատարների տասնյակում, հետագա առաջխաղացման բարձր հնարավորություններով:

Արդյունքում, բանկի տոկոսային եկամուտները տարեկան կտրվածքով աճել են 47%, իսկ ոչ-տոկոսային եկամուտը` 56%: Ընդ որում, վերջիններիղ աճը հիմնականում խթանեց քարտերի սպասարկմումից ստացված եկամուտների բարձր դինամիկան, տարեկան կտրվածքով աճը` 49%: Այս ամենը բանկին հնարավորություն տվեցին 43%-ով մեծացնել ընդհանուր եկամուտները: Անելիք բանկի ակտիվների կառուցվածքում վարկային պորտֆելը 2015-ի հուլիսի 1-ին կազմել է 71% կամ 62,1 մլրդ դրամ, տարեկան կտրվածքով վարկային ներդրումներն աճել են 31% (ըստ տեմպերի չորրորդ տեղը, միջին շուկայական 11% աճի պայմաներում): Բանկի մանրածախ վարկային պորտֆելը նույն օրվա դրությամբ կազմել է 29 մլրդ դրամ (ընդհանուր վարկային ներդրումների 46.7%):

Ինչպես վերջերս ԱրմԻնֆո-ին հաղորդել էր Բանկի Վարչության նախագահ Ներսես Կարամանուկյանը, Անելիք Բանկը մտադիր է շարունակել ակտիվորեն զարգացնել մանրածախ վարկավորման հատվածը, մեծացնելով իր վարկային պորտֆելը: Նա հավելել է, որ մինչև 2015-ի III եռամսյակի վերջը բանկի կապիտալը հերթական անգամ կհամալրվի 2 մլրդ դրամով, ուղղակի ներդրման ճանապարհով, բանկի միանձնյա սեփականատեր լիբանանյան Credit Bank- S.A.L.-ի կողմից: Վերջին մոտ մեկուկես տարում բանկի ընդհանուր կապիտալը կբերվի նորմատիվային նոր ստանդարտին, որը կազմում է 30 մլրդ դրամ և ուժի մեջ է մտնում 2017-ի հունվարի 1-ից, հավելել է նա: Բանկը նպատակաուղղված կերպով աշխատում է նաև կուտակած վնասը զրոյացնելու և շահութաբեր դառնալու ուղղությամբ: Կարամանուկյանը ենթադրում է, որ դրական ֆինանսական արդյունք բանկը կարող է արձանագրել արդեն ընթացիկ տարում:

Բանկի զարգացման նոր տեսլականը և նոր ռազմավարությունը նախանշվել էին դեռ 2013 թվականի IV եռամսյակում, ղեկավարության փոփոխությունից անմիջապես հետո: Նորացված ռազմավարական ծրագիրում հատուկ դեղ է հատկացված մանրածախի զարգացմանը: Այդ ժամանակ բանկը կասկած չուներ, որ մանրածախ ծառայությունների տրամադրման ոլորտում նոր ու հետաքրքիր, ինչես նաև ձեռնտու բանկային ծառայությունների և վարկային պրոդուկտների միջոցով կկարողանա հետաքրքրել պոտենցիալ հաճախորդին: Այդ վստահությունն էլ, սկզբունքորեն, հաստատվեց վերջին  տարվա ընթացքում, երբ «Պարզ-Արագ» հեղինակային նախագծի շրջանակներում մեկը մյուսի հետևից սկսվեցին ներդրվել պահանջված ու մատչելի վարկային նոր մանրածախ պրոդուկտներ: Այս ոլորտում բանկին օգնեց նրա մայր կառույցը, որը Լիբանանում առանձնանում է բանկային մանրածախի զարգացման բարձր դինամիկայով: Նա ունի մանրածախ ծառայությունների մատուցման մեծ փորձ, որը հիմնված է ամենաժամանակակից ծրագրային ապահովման վրա:

«Պարզ-Արագ» վարկային փաթեթը մեկնարկեց 2013 թ.վերջին, և մինչև 2015 թվականը Անելիք Բանկի զինանոցում արդեն կային մի քանի ներդրված և հաջողությամբ գործող մանրածախ վարկային պրոդուկտներ: Դրանք են` «Հարսանեկան», «Տոնական», «Արագ +» «Պար-Արագ Ավտո», «Պարզ-Արագ Պրոգրես», «Տուրիստական» (տուրիստական փաթեթ ձեռք բերելու համար), «Պարզ-Արագ» գործարար վարկը, «Պարզ-Արագ» ՓՄՁ-ների համար, որոնց մի մասը քարտային վարկեր են: 2015 թ. նույն փաթեթի շրջանակներում բանկը ներդրեց «Պարզ-Արագ Ունիվերսալ» քարտային վարկեր և շրջանառու վարկային գիծը: Ըստ Հայաստանի բանկերի ֆինանսական վարկանիշի, 2015-ի հուլիսի 1-ի դրությամբ  Անելիք Բանկի ընդհանուր կապիտալի տարեկան կտրվածքով աճել է 12%, մինչև 13,7 մլրդ դրամ: Ակտիվներն աճել են 27% (միջին շուկայական աճը` 12%), մինչև 87,8 մլրդ դրամ, ընդհանուր պարտավորությունները` 30% (միջին շուկայական աճը` 14%), մինչև 74.1 մլրդ դրամ: Վերջիններիս կառուցվածքում մոտ 58% կամ 42.6 մլրդ դրամ են կազմել ժամկետային ավանդները որից 88%-ը հանդիսանում են ֆիզիկական անձանց միջոցները: Ժամկետային ավանդների տարեկան աճով բանկն առաջատարն է - 31.4% (միջին շուկայական աճը` 9.5%): 2009 թվականի Անելիք Բանկի բաժնետերը դարձավ լիբանանյան CreditBank- SAL-ը, այն ժամանակ կապիտալին 51% մասնակցությամբ, իսկ 2013-ի չորրորդ եռամսյակում դարձավ Անելիք Բանկի միանձնյա սեփականատերը, մեծացնելով իր մասնաբաժինը` 89,95% -ից մինչև 100%: Մոսկովյան ԴԲ «AnelikRu» -ն 2012 թ. դեկտեմբերին օտարվեց Անելիք Բանկից, իսկ հետագայում սեփականության իրավունքը լիբանանյան Credit Bank SAL-ին փոխանցելու իրավունքով:

Ըստ ԱրմԻնֆո գործակալության` «Հայաստանի բանկերը քարտային բիզնեսում» վերլուծական տեղեկագրի, Անելիք Բանկի ակտիվ քարտերի թիվը 2015 թվականի ապրիլի 1-ին կազմել է ավելի քան 47 հազար, որից ավելի քան 20 հազարը եղել են Visa քարտերը, ավելի քան 19 հազարը`ArCa, իսկ մնացած մոտ 7 հազարը`MasterCard քարտերը: Պլաստիկ գործարքների ծավալը 2014 թ. կազմել է շուրջ 32 մլրդ դրամ (տարեկան աճը` 60%), որից ավելի քան 89%-ը կազմել են բանկոմատային գործարքները (տարեկան աճը` գրեթե 2 անգամ): Նույն ամսաթվով բանկն ունի 59 բանկոմատ (49-ը Երևանում) և 371 սեփական POS- տերմինալ: Անելիք Բանկն առաջինն էր հայկական բանկերից, որը միաժամանակ սկսեց աշխատել երկու միջազգային քարտերով`Visa և MasterCard, միևնույն ժամանակ ակտիվորեն թողարկելով և սպասարկելով ArCa քարտերը: Բանկը շուկա է դուրս բերել այսպիսի հետաքրքիր քարտային նախագծեր, ինչպես`VISA ANELIK Classic ԴԲ», «Անելիք ՌՈՒ» (զրոյական միջնորդավճարով դրամական փոխանցումներ իրականացնելու հնարավորություն ԱՊՀ երկրների և մերձբալթյան երկրների միջև), ANELIK BANK MasterCard GOLD PRIVILEGE MAN/LADY (ՌԵՍՈ ապահովագրական ընկերության հետ համատեղ, ակումբային և զեղչային քարտերի բոլոր առավելություններով) ուսանողական քարտային Էքսպրեսը - ANELIK BANK BOOM ENERGY VISA Classic, «Հոգատար» քարտը նախագիծը թոշակառուների, ուսանողների և բուհերի դասախոսների համար, ինչպես նաև մի քանի այլ վարկային պրոդուկտ, «Պարզ-Արագ» փաթեթի շրջանակներում: