ԱԿԲԱ-ԿՐԵԴԻՏ ԱԳՐԻԿՈԼ Բանկը հաճախորդների համար մշակել է ACBA Mobile և Phone Banking բջջային հավելվածները

Արմինֆո. ԱԿԲԱ-ԿՐԵԴԻՏ ԱԳՐԻԿՈԼ Բանկը  գործարկել է ACBA Mobile հավելվածը, iOS և Android օպերացիոն համակարգերով աշխատող սարքերի համար: Բանկը ֆիզիկական անձ հանդիսացող հաճախորդների համար ներդրել է Phone Banking բջջային հավելվածը, որը թույլ է տալիս կարճ ժամկետներում և առանց բանկ այցելելու կատարել զանազան բանկային գործարքներ: Նոր հավելվածների պաշտոնական շնորհանդեսը տեղի ունեցավ սեպտեմբերի 16-ին:

«Այսօրվա մեր ներկայացվող երկու բանկային արտադրանքները, ոչ միայն մեր, այլև արտասահմանյան գործընկերների կողմից բավականին բարձր են գնահատվել՝ մատչելիության, հարմարավետության և անվտանգության առումով և հատկապես դուր կգան ինովացիոն տեխնոլոգիաների սիրահարներին»,- ասել է միջոցառման ժամանակ ԱԿԲԱ-ԿՐԵԴԻՏ ԱԳՐԻԿՈԼ Բանկի Գլխավոր գործադիր տնօրեն Հակոբ Անդրեասյանը:

ԱԿԲԱ-ԿՐԵԴԻՏ ԱԳՐԻԿՈԼ Բանկը  հաճախորդներին հնարավորություն է տալիս կառավարել բանկային հաշիվները` ցանկացած պահի և ցանկացած վայրում, օգտագործելով ինտերնետ-կապ ունեցող պլանշետ կամ բջջային հեռախոս: Մասնավորապես, ԱԿԲԱ-ԿՐԵԴԻՏ ԱԳՐԻԿՈԼ Բանկի հաճախորդը կարող է միջոցներն իր հաշվից փոխանցել ինչպես նույն բանկի հաճախորդի, այնպես էլ հայկական մեկ այլ բանկի հաճախորդի հաշվին: Հաճախորդը կարող է համալրել նաև ավանդը, իրականացնել կոմունալ վճարներ և արտարժույթի փոխանակում, ինչպես նաև բանկի հետ կատարել հաղորդակցությունների փոխանակում, բանկի հանդեպ պարտավորությունների և ընթացիկ վճարումների վերաբերյալ ստանալ մանրամասն տեղակատվություն: Օգտատերերը, անկախ նրանից, հանդիսանում են ԱԿԲԱ-ԿՐԵԴԻՏ ԱԳՐԻԿՈԼ Բանկի հաճախորդը, թե ոչ, կարող են քարտեզի վրա տեսնել բանկի մոտակա բանկոմատների և մասնաճյուղերի տեղակայությունը, ինչպես նաև հետևել բանկի կողմից արտարժույթների փոխարժեքների սահմանմանը:

ACBA Mobile հավելվածից օգտվելու համար անհրաժեշտ է App Store-ից կամ Google play-ից ներբեռնել ACBA Mobile հավելվածը, իսկ այն ակտիվացնելու համար դիմել սպասարկող մասնաճյուղին: Ֆիզիկական անձ հանդիսացող հաճախորդների համար ծառայությունը սեպտեմբերի 16-ից մինչև հոկտեմբերի 30-ը կլինի անվճար:

Phone Banking ծառայությունը ԱԿԲԱ-ԿՐԵԴԻՏ ԱԳՐԻԿՈԼ Բանկի հաճախորդին հնարավորություն է տալիս միջոցները փոխանցել ինչպես նույն բանկի, այնպես էլ հայկական մեկ այլ բանկի ընթացիկ, քարտային և ավանդային հաշիվներին, կատարել կոմունալ վճարներ, ձևակերպել և փակել վճարային հանձնարարագրերը, բացել, փակել կամ համալրել ավանդային հաշիվները, բացել մեկ այլ արժույթով ընթացիկ հաշիվ, կատարել արժույթի փոխանակում, փոխել գործարքների սահմանաչափը, լրացնել վարկային հայտեր, ինչպես նաև դեսպանության համար անհրաժեշտ տեղեկանքներ:

Phone Banking ծառայությունն իրականացվում է միայն հաճախորդի իդենտիֆիկացումից հետո, օգտագործելով անվտանգության եռաչափ համակարգը: Գործարքների իրականացումն արտացոլվում է հաշվի քաղվածքներում: Հաճախորդներըն ստանում են նաև հաղորդագրություններ, որտեղ մասնրամասն նկարագրվում են իրականացված գործարքները: Phone Banking ծառայությունից օգտվելու համար անհրաժեշտ է բանկի ցանկացած մասնաճյուղում կնքել համապատասխան պայմանագիր: Սեպտեմբերի 16-ից մինչև հոկտեմբերի 30-ը դիմած հաճախորդների ծառայությունը կտրամադրվի անվճար:

Նշենք, որ «ԱԿԲԱ ԿՐԵԴԻՏ ԱԳՐԻԿՈԼ ԲԱՆԿԸ» Հայաստանում գործում է 1995 թվականից, սկզբում որպես Գյուղացիական փոխօգնության կոոպերատիվ բանկ: 2006 թվականից բանկի մեծամասանական բաժնետերը դարձավ  եվրոպական խոշորագույն բանկային` Credit Agricole S.A. խումբը, 15.56% բաժնեմասով, որին հաջորդում է «Sacam International» բաժնետիրական ընկերությունը (Credit Agricole S.A. խմբի անդամ) - 12,44%: Բացի այդ, բանկի կապիտալին մասնակցում են նաև Գյուղացիական փոխօգնության 10 մարզային միություններ: Մասնաճյուղերի, ինչպես նաև մարզային մասնաճյուղերի, ցանցով բանկը երկրորդն է հանրապետությունում – 56 մասնաճյուղ, որոնց մեծ մասը գտնվում է մարզերում (41 մասնաճյուղ), իր ներկայությունն ապահովելով Հայաստանի բոլոր մարզերում: ԱԿԲԱ-Կրեդիտ Ագրիկոլ Բանկը հիմնական հաշվեկշռային ցուցանիշներով 2014 թ-ին իր դիրքերն ամրապնդել է լավագույնների հնգյակում: