ՎՏԲ-Հայաստան Բանկն առաջարկում է ՙՍպառողական նպատակներով վարկերի գնում՚ ծառայությունը

Արմինֆո. ՎՏԲ-Հայաստան Բանկն իր հաճախորդներին առաջարկում է ՙՍպառողական նպատակներով վարկերի գնում՚ ծառայությունը, որը հնարավորություն է ընձեռում ՎՏԲ-Հայաստան Բանկի կողմից ստացված միասնական վարկի գումարով մարել այլ բանկում/բանկերում կամ վարկային կազմակերպություններում առկա մեկ կամ մի քանի վարկեր՝ այդպիսով օպտիմալացնելով մի քանի վարկերի ամենամսյա վճարումները և, միգուցե, ստանալով այլ բանկերում/ՈՒՎԿ-ներում առկա վարկերի գումարից ավելի մեծ գումար:

Ինչպես ԱրմԻնֆո-ին հայտնել են բանկի մամուլի ծառայությունում, վարկերի գնման ծառայությունը Ձեզ թույլ կտա ունենալ վարկի մարման միասնական ժամանակացույց և կատարել վճարումներ Ձեզ հարմար օրը՝ ՀՀ ողջ տարածքում գտնվող Բանկի 65 մասնաճյուղերի, 1500-ից ավելի ՏելՍել վճարային տերմինալների, ինչպես նաև Ինտերնետ Բանկինգ համակարգի միջոցով:

Ծրագրի գլխավոր նպատակն է օգնել հաճախորդներին կառավարել իրենց վարկերը: Ծրագրի  շնորհիվ հնարավոր է՝ նվազեցնել ամենամսյա վարկային վճարումները, ստանալ լրացուցիչ  դրամական միջոցներ, նվազեցնել վարկի տոկոսադրույքը, միավորել մի քանի վարկեր մեկ վարկում:

Վարկի/վարկերի գնումն իրականացվում է հաճախորդին ՎՏԲ-Հայաստան Բանկի անգրավ վարկի տրամադրման միջոցով: Տարեկան տոկոսադրույքը, առավելագույն սահմանաչափը, ժամկետները և այլ պայմանները սահմանվում են համապատասխան պրոդուկտի գործող պայմանների համաձայն:

Վարկը տրամադրվում է միանվագ՝ այլ բանկերում/ՈւՎԿ-ներում հաճախորդի պարտավորությունները մարելու նպատակով գումարը այլ բանկերի/ՈւՎԿ-ների վարկային հաշվին  փոխանցմամբ: Այն դեպքում, երբ ՎՏԲ-Հայաստան Բանկի կողմից տրամադրված վարկի գումարը գերազանցում է այլ բանկերում/ՈւՎԿ-ներում առկա վարկերի գումարը, ապա վարկի չօգտագործված մասը մնում է հաճախորդի հաշվեհամարին:

ՙՍպառողական նպատակներով վարկերի գնում՚ ծառայության մասին ավելի մանրամասն տեղեկություն կարելի է ստանալ՝ այցելելով ՎՏԲ-Հայաստան Բանկի ցանկացած մասնաճյուղ կամ զանգահարելով ՎՏԲ-Հայաստան Բանկի Միասնական տեղեկատու` 87-87 հեռախոսահամարով:

«ՎՏԲ-Հայաստան Բանկե ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկե ԲԲԸ հանդիսանում է «ՎՏԲ-Հայաստան Բանկե ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ բանկն ունի ամենալայն մասնաճյուղային ցանցը ողջ երկրում` 67 մասնաճյուղ: