Կենտրոնական բանկի 22.2 մլն դոլարի հերթական խոշոր ներխուժումը, այնուամենայնիվ, դրդեց դրամի արժեվորման

Արմինֆո. Արտարժույթի շուկայում Հայաստանի կենտրոնական բանկի հերթական խոշոր միջամտությունը, այնուամենայնիվ, հանգեցրեց դրամի արժեվորման: Ընթացիկ շաբաթվա վերջին օրը ԿԲ հանդես եկավ 22.2 մլն դոլար ծավալի հերթական խոշոր ներխուժմամբ արտատրժույթի միջբանկային շուկայում.  սեպտեմբերի 15-19-ը 1 դոլարի նկատմամբ դրամի փոխարժեքը 485,5 դրամից հասել է մինչև 482 դրամ: Նույն ժամանակահատվածում  NASDAQ OMX Armenia բորսայում արտարժութային գործարքների ծավալը կրճատվել է գրեթե 16 անգամ, զգալիորեն զիջելով արտարժույթի միջբանկային շուկայի ծավալին, որն ավելացել է ավելի քան 5 անգամ (հաշվի առնելով ԿԲ ներխուժումը): Արդյունքում` դրամը, որ հուլիսին դոլարի նկատմամբ արժեզրկվել էր 474-ից մինչև 478,3 դրամ/1դոլար, և օգոստոսի 24-ին հասել էր 485,5 դրամ/1դոլարի, օգոստոսի վերջին աննշան արժեվորվել էր մինչև 484 դրամ/1դոլար (օգոստոսի 28-ին ԿԲ խոշոր ներխուժման շնորհիվ), սակայն սեպտեմբերին կրկին սկսել էր արժեզրկվել մինչև 485,5 դրամ/1դոլար` մինչև սեպտեմբերի 11-ը, ինչից հետո միայն ԿԲ սեպտեմբերի 19-ի խոշոր ներխուժումից հետո դրամն սկսել է արժեվորվել` ձևավորվելով 482 դրամ/1դոլարի մակարդակում:

Ինչպես ԱրմԻնֆո-ին հաղորդեցին Կենտրոնական բանկի մամուլի ծառայությունից, սեպտեմբերի 15-19-ը ներառյալ NASDAQ OMX Armenia բորսայի արտարժութային հարթակում կատարվել է 300 հազար դոլարի գործարք, միջին փոխարժեքը ձևավորելով 480,25 դրամ/1դոլարի մակարդակում: Ընդ որում բանկերը բորսայում ակտվ են եղել միայն հինգշաբթի (սեպտեմբերի 17-ին): Իսկ արտարժույթի միջբանկային շուկան հաշվետու շաբաթվա ընթացքոտւմ արձանագրել է 22.2 մլն դոլարի ծավալ, միջին փոխարժեքը ձևավորելով 482,22 դրամ/1դոլարի մակարդակում, և այդ արժեվորումը տեղի է ունեցել ԿԲ  միջամտության շնորհիվ: Այս շաբաթ արձանագրվել էր դրամի արժեզրկում, ինչը բեկվել է միայն շաբաթվա վերջին օրը, երբ շուկայում ներխուժում է իրականացրել ԿԲ: Հիշեցնենք, որ ԿԲ նախորդ խոշոր ներխուժումը տեղի էր ունեց ել օգոստոսի 28-ին` 95 մլն դոլար:

Աղբյուրի համաձայն, ներբանկային արտարժութային շուկայում (հաճախորդների հետ գործարքները) սեպտեմբերի15-19-ը բանկերը գնել են 91.1 մլն դոլար (շաբաթվա ընթացքում 67% աճ) 481,27 դրամ/1դոլար միջին փոխարժեքով, վաճառվել է 86.6 մլն դոլար (մեկ շաբաթում 38% աճ) 482,55 դրամ/1դոլար միջին փոխարժեքով: Նույն ժամանակահատվածում արտարժույթի ներբանկային շուկայում բանկերը գնել են 12.4 մլն եվրո (մեկ շաբաթում 55% աճ) 542,97 դրամ/1եվրո միջին փոխարժեքով, վաճառվել է 10.8 մլն եվրո (մեկ շաբաթում 8% աճ) 547,35 դրամ/1եվրո միջին փոխարժեքով: Արտարժույթի ներբանկային շուկայում տվյալ ժամանակահատվածում բանկերը գնել են 1.1 մլրդ ռուբլի (մեկ շաբաթում 31% աճ) 7,16 դրամ/1ռուբլի միջին փոխարժեքով և վաճառել են 256.3 մլն ռուբլի (մեկ շաբաթում 0,1% աճ) 7,34 դրամ/1ռուբլի միջին փոխրաժեքով:

Անցած շաբաթ (սպետեմբերի 7-13) Հայաստանի բանկերը տրամադրել են 36 մլրդ դրամի և 37.5 մլն դոլարի վարկեր: Նախորդ շաբաթվա համեմատ (օգոստոսի 31-ից մինչև սեպտեմբերի 6-ը) դրամով տրամադրված վարկերի ծավալը կրճատվել է 3%-ով, իսկ դոլարով տրամադրված վարկերինը` 7,6%-ով:

Հիշեցնենք, որ 2014 թվականի վերջին ամիսներին Հայաստանի արժույթի շուկայում դիտվեց փոխարժեքի կտրուկ աճ, հատելով 570 դրամ/դոլարի սահմանագիծը: Հայաստանի արտարժույթի մանրածախ շուկայում դրամը դոլարի նկատմամբ հոկտեմբերից մինչև դեկտեմբերի 17-ը ներառյալ արժեզրկվեց 45%, այնուհետև, դեկտեմբերի 18-20-ն արժեվորվեց 25%, իսկ դեկտեմբերի 22-ին կրկին սկսեց արժեզրկվել: Դեկտեմբերի 27-ին դրամի փոխարժեքը դոլարի նկատմամբ կազմեց 470 դրամ/դոլար, եվրոն` 574 դրամ / եվրո, ռուսական ռուբլին` 8.7 դրամ /ռուբլի: Բորսայում մեկ տարում իրականացվել է 744.5 մլն. դոլարի արտարժութային գործարք, ընդ որում, ամսական ծավալներով աչքի է ընկել նոյեմբերը (117 մլն.դոլար): Տարվա ընթացքում բորսայում արտարժույթի փոխարժեքը 407.14 դրամ/դոլարից ցատկեց մինչև 560 դրամ/դոլար, դեկտեմբերի 27-ին իջնելով մինչև 470 դրամ/դոլար: 2014 թվականին ՀՀ դրամը ԱՄՆ դոլարի նկատմամբ ընդհանուր հաշվով արժեզրկվեց 40%, հաշվի առնելով դեկտեմբերի 17-ի` 570 դրամ առավելագույն և հուլիսի` 406 դրամ նվազագույն սահմանաչափերը: 2015 թվականի առաջին կիսամյակում Հայաստանի արտարժույթի մանրածախ շուկայում դրամի փոխարժեքը դոլարի նկատմամբ 477 դրամից իջավ մինչև 473 դրամ/դոլար, եվրոյի նկատմամբ` 571.5 դրամից մինչև 528 դրամ/եվրո, իսկ ռուբլու նկատմամբ` 8.2 դրամից աճեց մինչև 8.6 դրամ/ռուբլի: Սակայն, հուլիսից դրամն սկսեց արժեզրկվել, հուլիսի 31-ին ԱՄՆ դոլարի նկատմամբ արձանագրելով 478.3 դրամ/դոլար միջին փոխարժեք, միաժամանակ եվրոյի և ռուսական ռուբլու նկատմամբ արժեվորվելով համապատասխանաբար` 524 դրամ/եվրո և 8.0 դրամ/ռուբլի մակարդակներոմ: Օգոստոսին, չնայած օգոստոսի 28-ին ԿԲ կատարած միջամտությանը, դրամի արժեզրկման տրենդը շարունակվեց, օգոստոսի 31-ին դոլարի նկատմամբ կազմելով 484 դրամ/դոլար փոխարժեք, եվրոյի նկատմամբ` 544.3 դրամ/եվրո, իսկ ռուսական ռուբլու նկատմամբ` 7.4 դրամ/ռուբլի փոխարժեք: Սեպտեմբերին դրամի վեր ընթացող տրենդը շարունակվեց, բեկվելով միայն սեպտեմբերի 19-ին` ԿԲ խոշոր ներխուժումից հետո, մասնավորապես,  դոլարի նկատմամբ ձևավորվեց 482 դրամ/դոլար, եվրոյի նկատամբ` 541 դրամ/եվրո, իսկ ռուբլու նկատմամբ` 7.2 դրամ/ռուբլի միջին փոխարժեք: