ՙԱմառը ՎՏԲ-ի հետ՚ հերթական մարկեթինգային ակցիայի արդյունքում 70%շով ավելացել է ՎՏԲ-Հայաստան Բանկի Visa քարտերով անկանխիկ շրջանառությունը

Արմինֆո. ՙԱմառը ՎՏԲ-ի հետ՚ հերթական մարկեթինգային ակցիայի ընթացքում ՎՏԲ-Հայաստան Բանկի Visa քարտերով անկանխիկ գործարքների քանակն աճել է 70%-ով նախորդ տարվա նույն ժամանակաշրջանի համեմատ: Ինչպես ԱրմԻնֆո-ին հաղորդել են բանկի գովազդի և հասարակայնության հետ կապերի բաժնից, ՙԱմառը ՎՏԲ-ի հետ՚ արշավն անց էր կացվում ՎՏԲ-Հայաստան Բանկի Visa քարտապանների միջև 2015թ. հունիսի 15-ից մինչև սեպտեմբերի 15-ը ընկած ժամանակահատվածում:

Ակցիային մասնակցեցին ՎՏԲ-Հայաստան Բանկի այն Visa քարտապանները, ովքեր նշված ժամանակահատվածում ՀՀ տարածքում կամ նրա սահմաններից դուրս կատարել են գնումների և ծառայությունների դիմաց վճարումներ (այդ թվում` ինտերնետ-գնումներ) ՎՏԲ-Հայաստան Բանկի Visa քարտի միջոցով` 300 000 դրամից ավելի գումարի չափով: Մրցանակների խաղարկությունը կայացավ 2015 թ. հոկտեմբերի 10-ին ժամը 18:50 ՙԿենտրոն՚ հեռուստաընկերության ուղիղ եթերում: Հաղթողները ընտրվեցին անվանական քարտերի պատահական խաղարկության միջոցով: Այս անգամ խաղարկվեց 10 դրամային մրցանակ` ձևակերպված Visa քարտերում` յուրաքանչյուրը 500 000 դրամ արժողությամբ: Խաղարկության երջանիկ հաղթողներ դարձան` Դավիթ Վարդանյանը, Մինաս Ալթունյանը, Նազիկ Գևորգյանը, Զարուհին Հովսեփյանը, Ֆելիքս Սարգսյանը, Հայկ Հովսեփյանը, Կարեն Մաթևոսյաը, Սոնան Ավագյանը, Սոֆիա Սիմոնյանը  և Արթուր Մաշինյանը:

ՙՎՏԲ-Հայաստան Բանկը և Visa ընկերությունը ամփոփեցին ՙԱմառը ՎՏԲ-ի հետ՚ հերթական արշավի արդյունքները, որն ուղղված էր անկանխիկ վճարումների մասսայականացմանը: Այս, արդեն բազմակի անգամ անցկացվող ակցիայի արդյունքները վկայում են ՎՏԲ-Հայաստան Բանկի Visa քարտերի նկատմամբ հետաքրքրության կայուն աճի մասին: Ավելի շատ մարդիկ, ովքեր գնահատում են իրենց ժամանակը և հարմարավետությունը, օգտվում են վճարումների անկանխիկ համակարգից: Մենք շնորհավորում ենք ՙԱմառը ՎՏԲ-ի հետ՚ ակցիայի հաղթողներին և մաղթում ենք բոլոր մասնակիցներին հաջողություններ հետագա խաղարկություններում՚, - ասել է ՙՎՏԲ-Հայաստան Բանկ՚ ՓԲԸ գլխավոր տնօրեն-տնօրինության նախագահ Յուրի Գուսևը:

ՙVisa ընկերությունն ուրախ է աջակցել ՎՏԲ-Հայաստան Բանկին Հայաստանում անկանխիկ վճարումների զարգացման նպաստմանը և աջակցել դրանց ակտիվ օգտագործմանը Visa քարտապանների շրջանում: Անկասկած, ՙԱմառը ՎՏԲ-ի հետ՚ ակցիան ՎՏԲ-Հայաստան Բանկի և Visa Ընկերության հետ համատեղ ամենահաջողած նախաձեռնություններից է, որին օրեցօր մասնակցում են ավելի շատ քարտապաններ: Մենք ցանկանում ենք Visa քարտապաններին հաջող գնումներ` Visa-ի հետ և շնորհավորում ենք ՙԱմառը ՎՏԲ-ի հետ -2015՚ ակցայի հաղթողներին», - ասել է Կովկասյան տարածաշրջանի երկրներում  Visa տարածաշրջանային մենեջեր Իրինա Կամխաձեն:

ԱրմԻնֆո լրատվական գործակալության պատրաստած «Հայաստանի բանկերը քարտային բիզնեսում» վերլուծական ամփոփագրի տվյալներով, ՎՏԲ-Հայաստան Բանկը պահպանում է առաջատար դիրքերն ըստ ակտիվ քարտերի քանակի, որոնց թիվը 2015 թվականի ապրիլի 1-ի դրությամբ անցել է 401 հազարից, մեկ տարում ավելանալով 24%-ով, դրանցից գրեթե 385 հազարը Visa քարտեր են (այդ թվում 88 հազարից ավելի կենսաթոշակկային քարտեր), որոնց գծով նույնպես պահպանում է առաջատար դիրքերը: Մոտ 2 տարի առաջ  դառնալով MasterCard անդամ` բանկը մինչև 2015 թվականի ապրիլը հասցրել է  թողարկել այդ համակրագի ավելի քան 16 հազար քարտ` տեղ գրավելով առաջատար տասնյակում: Պլաստիկ գործարքների ծավալով նույնպես բանկն առաջատար դիրք է զբաղեցնում,  2014 թվականին ավելի քան 186 մլրդ դրամ` 33% տարեկան աճով:  2015 թվականի ապրիլի 1-ի դրությամբ բանկն ունի սեփական 298 POS- տերմինալ և 157 բանկոմատ: Մինչև 2013 թվականը ՎՏԲ-Հայաստան Բանկը թողարկել և սպասարկել է  միայն միջազգային Visa քարտեր, ինչից հետո նույն տարվա սեպտեմբերից, դառնալով MasterCard միջազգային վճարային համակարգի սկզբունքային անդամ, ձեռնամուխ է եղել Cirrus/Maestro, MasterCard Standard և MasterCard Gold թողարկմանն ու սպասարկմանը: Դրան զուգընթաց բանկն սպասարկում է տեղական ArCa քարտեր: Բանկն ունի սեփական պրոցեսինգը:

 ՙՎՏԲ-Հայաստան Բանկ՚ ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: ՙՎՏԲ Բանկ՚ ԲԲԸ հանդիսանում է ՙՎՏԲ-Հայաստան Բանկ՚ ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ բանկն ունի ամենալայն մասնաճյուղային ցանցը ողջ երկրում` 67 մասնաճյուղ: