Բորսան և արտարժույթի միջբանկային շուկան կտրուկ նվազեցրին ծավալները, որից հետո իսկույն նկատվեց դրամի արժեզրկում

Ինչպես ԱրմԻնֆո-ին հաղորդեցին ՀՀ ԿԲ մամուլի ծառայությունից,  հոկտեմբեի 12-16-ը ներառյալ NASDAQ OMX Armenia բորսայի արտարժութային հարթակում կատարվել է 1.550 մլն դոլարի գործարք` ձևավորելով 474.26 դրամ/1 դոլարի մակարդակի միջին փոխարժեք: Ընդ որում բանկերը բորսայում ակտիվ էին շաբաթվա առաջին կեսին: Իսկ արտարժույթի միջբանկային շուկան հաշվետու շաբաթվա ընթացքում  արձանագրեց 5.1 մլն դոլար ծավալ` ձևավորելով 473,48 դրամ/1 դոլարի մակարդակի միջին փոխարժեք: Բորսայում և արտարժույթի միջբանկային շուկայում ակտիվության անկման հետևանքով դրամն սկսեց արժեզրկվել: Ընթացիկ շաբաթ, ինչպես նաև նախորդ շաբաթ, Կենտրոնական բանկը միջամտոթյուններ չի կատարել: Նշենք, որ ԿԲ նախկին միջամտություների տեղի ունեցան հոկտեմբերի 2-ին – մոտ 6 մլն դոլար, սեպտեմբերի 19-ին - 22.2 մլն դոլար և  օգոստոսի 28-ին - 95 մլն դոլար:

 

Աղբյուրի համաձայն, արտարժույթի ներբանկային շուկայում (գործարքներ հաճախորդների հետ) հոկտեմբերի 12-16-ը բանկերը գնել են 66.4 մլն դոլար (շաբաթվա աճը`15.9% անկում),  472.75 դրամ/1 դոլար միջին փոխարժեքով, և վաճառվել է 77.5 մլն դոլար (շաբաթվա անկումը` 12%), 474.38 դրամ/1 դոլար միջին փոխարժեքով: Նույն ժամանակահատվածում արտարժույթի ներբանկային շուկայում բանկերը գնել են 6.7 մլն եվրո (շաբաթվա աճը` 15.5%), 536.48 դրամ/1 եվրո միջին փոխարժեքով, և վաճառել են 7.7 մլն եվրո (շաբվա անկումը`30%), 542.36 դրամ/1 եվրո միջին փոխարժեքով: Բանկերը գնել են նաև 1.3 մլրդ ռուբլի (շաբաթվա անկումը`15.6%), 7,60 դրամ/1 ռուբլի միջին փոխարժեքով, և վաճառել են 266 մլն ռուբլի (շաբաթվա անկումը` 19%), 7,72 դրամ/1 ռուբլի միջին փոխարժեքով:

 

Նախորդ շաբաթ (հոկտեմբերի 5-11-ը) Հայաստանի բանկերը տրամադրել են 65.4 մլրդ դրամի և 72.6 մլն դոլարի վարկեր: Նախորդող շաբաթվա համեմատ (սեպտեմբերի 28-ից հոկտեմբերի 4-ը), դրամով  տրամադրված վարկերի ծավալը կրճատվել է 49%, իսկ դոլարով տրամադրված վարկերինը`66.4%:

 

Հիշեցնենք, որ 2014 թվականի վերջին ամիսներին Հայաստանի արտարժույթի շուկայում դիտվում էր արտարժույթի փոխարժեքի կտրուկ աճ, հատելով 570 դրամ մեկ դոլարի դիմաց սահմանագիծը: Արտարժույթի մանրածախ շուկայում դրամը դոլարի նկատմամբ հոկտեմբերից մինչև դեկտեմբերի 17-ի ներառյալ սկսեց արժեզրկվել, գրեթե 45%-ով, իսկ 2014 թվականի, ընդհանրապես, 40%-ով (հաշվի առնելով դեկտեմբերի 17-ի` 570 դրամ/դոլար առավելագույն շեմը և հուլիսի` 406 դրամ/դոլար նվազագույն շեմտ): Արտարժույթի բորսայական հարթակում 2014 թվականին իրականացված արտարժույթով գործարքների ընդհանուր ծավալը կազմել է 744.5 մլն.դոլար, ընդ որում, ամսական կտրվածքով ծավալներով աչքի է ընկել նոյեմբերը (117 մլն.դոլար): Տարվա ընթացքում բորսայական փոխարժեքը 407.14-ից թռավ մինչև 560 դրամ/դոլար ցուցանիշ (դեկտեմբերի 17-ին, աճելով 22% -ով): 2015 թվականի 9 ամիսներին արտարժույթի մանրածախ շուկայում դրամը դոլարի նկատմամբ ամրապնդվեց` 477 մինչև 473 դրամ/դոլար փոխարժեք, եվրոյի նկատմամբ` 571,5-ից մինչև 532 դրամ / եվրո, իսկ ռուսական ռուբլու նկատմամբ` 8.2-ից մինչև 7.2 դրամ/ռուբլի փոխարժեք: Հոկտեմբերի 16-ին դրամը դոլարի նկատմամբ արժեզրկվեց մինչև 474 դրամ /դոլար, եվրոյի նկատմամբ` 538 դրամ / եվրո, իսկ ռուսական ռուբլու նկատմամբ` 7.8 դրամ/ռուբլի մակարդակներ: