Հինգշաբթի, 29 Հոկտեմբերի 2015 19:16

Արմինֆո.  Հայաստանը 10 կետով բարելավել է իր դիրքերը Համաշխարհային բանկի «Doing-Business-2016» վարկանիշում (Բիզնեսի վարման բարենպաստ պայմաններ), 189 երկրների շարքում զբաղեցնելով 35-րդ տեղը: Ընդհանուր առմամբ, Հայաստանը բարելավել է իր դիրքը 10 կետով և երկրորդ տարին անընդմեջ «Doing Business»-ի առաջատարն է ԱՊՀ երկրների շարքում: Այս մասին հոկտեմբերի 29-ին կայացած ճեպազրույցում հայտարարել է ՀՀ էկոնոմիկայի նախարար Կարեն Ճշմարիտյանը:

 

Նախարարի խոսքով, Doing-Business ամենամյա զեկույցը գնահատում է այն կարգավորումները, որոնք ուղղակիորեն ազդում են գործարար միջավայրի վրա` հնարավորություն տալով իրականացնել միջերկրային համեմատություններ հետազոտված 189 երկրների միջև հետևյալ 10 ոլորտներում`ընկերությունների հիմնում, շինարարական թույլտվությունների ստացում, սեփականության գրանցում, վարկերի ստացում, էլեկտրականության միացում, ներդրողների պաշտպանություն, հարկերի վճարում, արտաքին առևտուր, պայմանագրերի կիրարկում, սնանկության ճանաչում:

 

Ըստ նախարարի, դիրքերի բարելավման հիմքում ընկած են` բարեփոխումները երեք ուղղություններով, մասնավորապես, շինարարության թույլտվության հեշտացում

բարեփոխումները սահմանային առևտրի ուղղությամբ. Եվրասիական տնտեսական միությանն անդամակցելու արդյունքում Հայաստանը կրճատել է Ռուսաստանի Դաշնության հետ առևտրի փաստաթղթային ու սահմանային ընթացակարգերի ժամանակն ու ծախսերը, պայմանագրերի կատարման հեշտացումը: «Շինարարական թույլտվությունների ստացում» ցուցանիշով Հայաստանն իր դիրքը բարելավվել է 10 կետով, արտաքին առևտրի գծով` 29 կետով: Ներկրման համար պահանջվող ժամանակը 50 ժամից նվազել է՝ մոտավորապես կազմելով 3 ժամ: Բիզնեսի գրանցման գծով Հայաստանը 5-րդ տեղում է, իսկ սեփականության գրանցման գծով` 14 տեղում:

 

Բիզնեսի վարման մյուս ինդիկատորներով, ըստ նախարարի, տիրում է հետևյալ պատկերը: Ձեռնարկությունների գրանցում (նախորդ տարվա համեմատ փոփոխությունը` – 2 դիրքով), շինարարության թույլտվություն +10 դիրքով, էլեկտրաէներգիային միանալը` +3 դիրքով, սեփականության գրանցումը` առանց փոփոխությունների, վարկերի ստացումը` -6 դիրքով, փոքր ներդրումների պաշտպանություն` -3 դիրքով, հարկում` առանց փոփոխությունների, արտաքին առևտուր` +29 դիրքով, պայմանագրերի կատարման ապահովում` +8 դիրքով և սնանկության ճանաչում` -2 դիրքով: Նախարարն ամփոփել է, որ հետազոտությունը բավականին արժանահավատ է ու կարևոր ներդրողներ ներգրավելու համար:

 

Հիշեցնենք, որ 2014 թվականին Հայաստանն այս վարկանիշում 45-րդ տեղում էր, բարելավելով իր դիրքերը 4 կետով: Բիզնեսի գրանցման գծով Հայաստանը 4-րդ տեղում էր, շինարարության թույլտվության գծով` 81 տեղում, էլեկտրականությանը միանալու գծով` 131 տեղում, արտաքին առևտրի իրականացումը հեշտացնելու գծով` 110 տեղում, իսկ հարկային վարչարարության որակի գծով` 41 տեղում:

 

Doing-Business նախագիծն իրականացվում է 2002 թվականից: Այն նվիրված է ազգային փոքր և միջին ձեռնարկությունների գործունեությանը և նորմատիվային ակտերի գնահատմանը, որոնք կարգավորում են այդ գործունեության ողջ ցիկլը: Doing-Business-ի հետազոտման մեթոդաբանությունը և վերլուծության տիպային մոդելը միակ գործիքն է, որը կիրառվում է զանազան երկրներում, ձեռնարկությունների գծով պետության նորմատիվային գործունեությունը գնահատելու համար: Նախագիծը թույլ է տալիս օբյեկտիվորեն գնահատել նորմա-իրավական ակտերը, որոնք կարգավորում են ձեռնարկատիրական գործունեությունը, դրանց ապահովումը 189 երկրներում, ինչպես նաև ենթաազգային և տարածաշրջանային մակարդակի առանձին քաղաքներում: Ինչպես հաղորդում է նախագծի կայքը, Doing-Business վարկանիշը երկրներին մղում է ավելի արդյունավետ կարգավորման, բարեփոխումների իրականացման համար ապահովում չափիչ կողմնորոշիչներ և որպես ռեսուրս ծառայում գիտնականների, լրագրողների, հետազոտողների և այլ անձանց համար, որոնք հետաքրքրված են յուրաքանչյուր երկրի գործարար մթնոլորտով: Բացի այդ, Doing-Business նախագիծն առաջարկում է ընդլայնված ենթաազգային զեկույցներ, որոնցում տրվում է տվյալ երկրի կամ քաղաքի ձեռնարկատիրական գործունեության և բարեփոխումների վերաբերյալ սպառիչ վերլուծություն: Այդ զեկույցները տվյալներ են պարունակում բիզնեսի վարման թեթևության մասին, յուրաքանչյուր տարածաշրջանի վարկանիշի և բարեփոխումների մասին, որոնք խորհուրդ են տրվում իրականացնել գնահատականները բարձրացնելու համար, ընդ որում` յուրաքանչյուր թեմատիկ կատեգորիաների գծով, որոնց վերաբերվում են ցուցանիշների բաղադրիչները: