Հայկական բանկերի ավանդների մոտ 97%-ը գտնվում է ավանդների երաշխավորման նոր շեմի սահմանում

Արմինֆո. Հայկական բանկերի ավանդների 97%-ը գտնվում է ավանդների երաշխավորման նոր շեմի սահմանում: Այս մասին նոյեմբերի 10-ին, մի շարք ֆինանսական օրենքների փոփոխությունների և լրացումների նախաձեռնությամբ ելույթ ունենալով ՀՀ խորհրդարանում, հայտարարել է ՀՀ Կենտրոնական բանկի նախագահ Արթուր Ջավադյանը:

Նա նշել է, որ վերջին 7 տարիների ընթացքում, ավանդների ընդհանուր գումարը Հայաստանի բանկերում աճել է 4.3 անգամ, մինչև 1,7 տրլն դրամ, որից 1.1 տրլն.դրամը ֆիզիկական անձանց միջոցներն են: Համեմատության համար նա նշել է, որ յոթ տարի առաջ ավանդների ծավալը բանկերում կազմել է ընդամենը 398 մլրդ դրամ:

Ինչպես վերջերս ԱրմԻնֆո գործակալության թղթակցին տեղեկացրել էր Ավանդների երաշխավորման հիմնադրամի տնօրեն Հերմինե Հարությունյանը, հայկական բանկերի վերջին 10 տարիների ընթացքում ֆիզիկական անձանց ավանդների ծավալն աճել է 10 անգամ, մինչև 1,086 տրլն դրամ, իսկ ավանդատուների թիվը` 6 անգամ, մինչև 1,749 մլն: Նա հավելել է, երաշխավորված ավանդների չափի մեծացման հետ մեկտեղ (դրամով ավանդների համար` մինչև 10 մլն դրամ, իսկ դոլարայինի համար`մինչև 5 մլն դրամ), բանկերի կողմից Հիմնադրամին վճարվող վճարների չափը և պարբերականությունը կմնան անփոփոխ, եռամսյակի ընթացքում ներգրավված ավանդների 0.05% չափով: «Ֆիզիկական անձանց երաշխավորված ավանդների շեմի բարձրացումը դրական ազդեցություն կունենա Հայաստանի բանկային համակարգի վրա, քանի որ դա կարող է էլ ավելի բարձրացնել իրենց խնայողությունները բանկերում պահելու ներդրողների պատրաստակամությունը, ընդ որում, նրանք արդեն կարող են բանկերին վստահել ավելի խոշոր գումարներե, - վստահեցրել է Հ.Հարությունյանը:

Իսկ Բանկերի միության փոխնախագահ Սեյրան Սարգսյանն էլ իր հերթին է հավաստել ԱրմԻնֆո-ի թղթակցին. «Երաշխավորված ավանդների շեմի բարձրացումը ռիսկեր չի առաջացնում թե ֆիզիկական, և թե ֆինանսական կառույցների համար: Դա միայն վյկայում է այն մասին, որ Հիմնադրամն այսօր հնարավորություն ունի տրամադրել նման երաշխիքներ: Դրա հետ մեկտեղ, շեմի բարձրացումն ավելի կբարձրացնի բանկերի նկատմամբ վստահությունը, նպաստելով ավանդների ներգրավման աճին: Եթե առաջ ավանդատուները խոշոր խնայողությունները պահում էին մի քանի բանկերում, ապա այսօր կարող են այդ խնայողությունները պահել մեկ կամ երկու «բանկային տոպրակներումե, ինչը զգալիորեն կպարզեցնի խնայողությունների կառավարման գործընթացըե: Նշենք, որ երաշխավորված ավանդների շեմը բարձրացվել է ավելի քան 2 անգամ, մասնավորապես, դրամով ավանդների համար` մինչև 10 մլն դրամ, իսկ դոլարային ավանդների համար` մինչև 5 մլն դրամ: 2015 թվականի հոկտեմբերի 26-ին ՀՀ ԱԺ համապատասխան փոփոխոթյուներ և լրացոմներ կատարեց «ֆիզիկական անձանց բանկային ավանդների հատուցումը երաշխավորելու մասինե օրենքում:

Հիշեցնենք, որ 2009 թ համեմատ ժամկետային ավանդներն աճել է գրեթե 4 անգամ, ինչը պայմանավորված է 2009-ի մարտի 3-ին տեղի ունեցած` դրամի 22% արժեզրկումով, որի արդյունքում դրամով ավանդների ծավալը զգալիորեն աճեց: Այս գործոններով կարելի է բացատրել նաև այդ ցուցանիշի դինամիկայի բարելավումը 2014-ի IV եռամսյակում, երբ դիտվեց դրամի կտրուկ արժեզրկում (40%), որն, ամենայն հավանականությամբ, բարձարցրեց նաև դրամով ավանդների ծավալները: Տարբերությունը կայանում է միայն նրանում, որ հիպերարժեզրկման պատճառները տարբեր էին, քանի որ 2009-ին դա պայմանավորված էր Կենտրոնական բանկի` լողացող փոխարժեքի քաղաքականությանն անցնելով, իսկ 2014-ին` ռուսական ռուբլու կտրուկ փլուզոմով: