Արմինֆո. Միությանն անդամակցվելուց անմիջապես հետո Հայաստանն ուներ որոշակի էական դժվարություններ, կապված ոչ միայն ազգային արժույթի արժեզրկման, այլ նաև ԱԱՀ վերադարձի մեխանիզմի, ինչպես նաև «Վերին Լարս» անցակետի ցածր թողունակության հետ: Բայց պրոբլեմներն աստիճանաբար լուծվում են: Այս մասին նոյեմբերի 13-ին Օրենբույգում, Եվրասկական տնտեսական 5-րդ ֆորումի լիագումար նիստում, հայտարարել է Եվրասիական տնտեսական հանձնաժողովի անդամ (նախարար) Արա Նռանյանը:
Ինչպես տեղեկացնում է ԵՏԽ մամուլի ծառայությունը, խոսելով ԵԱՏՄ պլաններից ու հեռանկարներից, նա տեղեկացրել է, որ ԵՏԽ-ն ակտիվորեն զբաղված է ԱԱՀ մեխանիզմի պարզեցմամբ: «Ինտեգրացման գործընթացին միանալը Հայաստանին բերեց ոչ քիչ դրական արդյունքներ` աճեց գյուղմթերքների արտահանման ծավալը դեպի Միության երկրներ, հատկապես ՌԴ, ձևավորվեց բարենպաստ ներդրումային մթնոլորտ, բարձրացավ Հայաստանի նկատմամբ տուրիստների հետաքրքրությունը»,-հայտարարել է Նռանյանը:
