Արմինֆո. Ընթացիկ շաբաթ ՀՀ դրամի արժեզրկման նշաններն ուժգնացան: Ինչպես նախորդ շաբաթ, այս շաբաթ նույնպես բորսան դատարկ էր, իսկ արտարժույթի միջբանկային շուկան ցուցադրում էր փոքր ծավալներ, ինչն էլ դրամը զսպեց արժեզրկումից: Սակայն, ուրբաթ օրը տեղի ունեցած Կենտրոնական բանկի միջամտությունը, միջբանկում, ընդ որում, խոշոր ներակրումով (19.6 մլն.դոլար), կանգնեցրեց դրամի արժեզրկումը: Այսպես, նոյեմբերի 9.13-ը NASDAQ OMX Armenia-ում արտարժութային գործարքներ չեն արձանագրվել, մինչդեռ արտարժույթի միջբանկային շուկայի ծավալներն աճեցին 3.5 անգամ (ԿԲ միջամտության հետ միասին): Արդյունքում` դրամի փոխարժեքը նոյեմբերի առաջին շաբաթում աճեց` 484 դրամից մինչև 478 դրամ/դոլար, երկրորդ շաբաթվա վերջում հասավ 483 դրամ/դոլարի սահմանագծին, նոյեմբերի 13-ին կանգ առնելով այդ մակարդակում:
Ինչպես ԱրմԻնֆո-ին հաղորդեցին ՀՀ ԿԲ մամուլի ծառայությունից, նոյեմբերի 9-13-ը ներառյալ NASDAQ OMX Armenia բորսայի արտարժութային հարթակում գործարքներ չեն կատարվել: Իսկ արտարժույթի միջբանկային շուկան հաշվետու շաբաթվա ընթացքում արձանագրեց 19.61 մլն դոլար ծավալ` ձևավորելով 482.64 դրամ/դոլար մակարդակի միջին փոխարժեք: Դատելով միջբանկային շուկայի համեմատաբար խոշոր ծավալներից (ուրբաթ), այս շաբաթը նույնպես չանցավ առանց Կենտրոնական բանկի միջամտության:
Նշենք, որ ԿԲ նախկին միջամտություների տեղի էին ունեցել հոկտեմբերի 2-ին–մոտ 6 մլն դոլար, սեպտեմբերի 19-ին-22.2 մլն դոլար և օգոստոսի 28-ին - 95 մլն դոլար:
Աղբյուրի համաձայն, արտարժույթի ներբանկային շուկայում (գործարքներ հաճախորդների հետ) նոյեմբերի 9-13-ը բանկերը գնել են 66.5 մլն դոլար (շաբաթվա աճը`6%), 479.98 դրամ/ դոլար միջին փոխարժեքով, և վաճառվել է 73.7 մլն դոլար (շաբաթվա աճը` 12%), 482.61 դրամ/ դոլար միջին փոխարժեքով: Նույն ժամանակահատվածում արտարժույթի ներբանկային շուկայում բանկերը գնել են 4.4 մլն եվրո (շաբաթվա անկումը` 25%), 515.11 դրամ/ եվրո միջին փոխարժեքով, և վաճառել է 13 մլն եվրո (շաբաթվա անկումը`23%), 519.99 դրամ/1 եվրո միջին փոխարժեքով: Բանկերը գնել են նաև 905.5 մլն ռուբլի (շաբաթվա անկումը`8%), 7,37 դրամ/ ռուբլի միջին փոխարժեքով, և վաճառել են 365 մլն ռուբլի (շաբաթվա աճը` 28.1%), 7,53 դրամ/1 ռուբլի միջին փոխարժեքով:
Նախորդ շաբաթ (նոյեմբերի 2-8-ը) Հայաստանի բանկերը տրամադրել են 40.8 մլրդ դրամի և 27.4 մլն դոլարի վարկեր: Դրան նախորդող շաբաթվա համեմատ (հոկտեմբերի 26-ից նոյեմբերի 1-ը), դրամով տրամադրված վարկերի ծավալը կրճատվել է 17%, իսկ դոլարով տրամադրված վարկերինը`54.3%:
Հիշեցնենք, որ 2014 թվականի վերջին ամիսներին Հայաստանի արտարժույթի շուկայում դիտվում էր արտարժույթի փոխարժեքի կտրուկ աճ, հատելով 570 դրամ մեկ դոլարի դիմաց սահմանագիծը: Արտարժույթի մանրածախ շուկայում դրամը դոլարի նկատմամբ հոկտեմբերից մինչև դեկտեմբերի 17-ի ներառյալ սկսեց արժեզրկվել, գրեթե 45%-ով, իսկ 2014 թվականի, ընդհանրապես, 40%-ով (հաշվի առնելով դեկտեմբերի 17-ի` 570 դրամ/դոլար առավելագույն շեմը և հուլիսի` 406 դրամ/դոլար նվազագույն շեմը): Արտարժույթի բորսայական հարթակում 2014 թվականին իրականացված արտարժույթով գործարքների ընդհանուր ծավալը կազմել է 744.5 մլն.դոլար, ընդ որում, ամսական կտրվածքով ծավալներով աչքի է ընկել նոյեմբերը (117 մլն.դոլար): Տարվա ընթացքում բորսայական փոխարժեքը 407.14-ից թռավ մինչև 560 դրամ/դոլար ցուցանիշ (դեկտեմբերի 17-ին աճելով 22%): 2015 թվականի 9 ամիսներին արտարժույթի մանրածախ շուկայում դրամը դոլարի նկատմամբ ամրապնդվեց ձևավորելով` 477-ից մինչև 473 դրամ/դոլար փոխարժեք, եվրոյի նկատմամբ` 571,5-ից մինչև 532 դրամ / եվրո, իսկ ռուսական ռուբլու նկատմամբ` 8.2-ից մինչև 7.2 դրամ/ռուբլի փոխարժեք: Հոկտեմբերին դրամը «լողում էր», մերթ ամրապնդվելով, մերթ թուլանալով, հոկտեմբերի 30-ին դոլարի նկատմամբ ձևավորելով 473 դրամ /դոլար փոխարժեք, եվրոյի նկատմամբ` 520 դրամ / եվրո, իսկ ռուսական ռուբլու նկատմամբ` 7.5 դրամ/ռուբլի փոխարժեքներ: Նոյեմբերից դրամը կրկին սկսեց դրսևորել արժեզրկման նշաններ, դոլարի նկատմամբ արժեզրկվելով մինչև 483 դրամ/դոլար մակարդակ, եվրոյի նկատմամբ` մինչև 520 դրամ/եվրո, իսկ ռուսական ռուբլու նկատմամբ` մինչև 7.3 դրամ/ռուբլի մակարդակ:
