ՎՏԲ-Հայաստան Բանկի Տեղեկատվական կենտրոնն օրական միջին հաշվով սպասարկում է մոտ 3000 մուտքային և ելքային զանգ

Արմինֆո. ՎՏԲ-Հայաստան Բանկի Տեղեկատվական կենտրոնը հաճախորդների հետ շփման թրակյալ և արդյունավետ միջոց է, որն օրական միջին հաշվով սպասարկում է մոտ 3000 մուտքային և ելքային զանգ: Ինչպես ԱրմԻնֆո գործակալությանը տեղեկացվել է «ՎՏԲ-Հայաստան Բանկ» ՓԲԸ Գովազդի եւ հասարակայնության հետ կապերի բաժնից, բիզնեսի տարբեր ուղղություններով այդ քանակակության զանգերի սպասարկումն անհնար կլիներ առանց պրոֆեսիոնալ թիմի: Աշխատակազմը տարիների ընթացքում աճել է`մինչև 20 բարձր որակավորում ունեցող աշխատակիցների, իսկ ամսական կտրվածքով փաստացի վաճառքների քանակը կազմում է մոտ 1700 տարբեր պրոդուկտ/ծառայություն:

Ժամանակակից տեխնոլոգիաների զարգացման շնորհիվ բանկային ծառայություններից օգտվելը դառնում է առավել պարզ և հարմար: Դեռևս 2011 թվականին, գիտակցելով հաճախորդների հարմարավետ սպասարկման կարևորությունը,  ՎՏԲ-Հայաստան Բանկն, առաջիններից մեկը Հայաստանում, ստեղծեց սեփական Տեղեկատվական կենտրոն` նորագույն տեխնոլոգիաների կիրառմամբ: Օրինակ, ՎՏԲ-Հայաստան Բանկի պրոդուկտների և ծառայությունների մասին տեղեկանալու  համար բավական էր զանգահարել Տեղեկատվական կենտրոն և ստանալ փորձառու ու բարեհամբյուր մասնագետի խորհրդատվությունը: Տեղեկատվություն ստանալուց բացի հաճախորդներին հնարավորություն է ընձեռվել նաև պրոդուկտները/ծառայությունները ձևակերպել  հեռակառավարման միջոցով Տեղեկատվական կենտրոնի աշխատակիցների օգնությամբ:

ՎՏԲ-Հայաստան Բանկի Տեղեկատվական կենտրոնի միջոցով հնարավոր է տեղեկանալ Բանկի գործունեության, առաջարկվող պրոդուկտների և ծառայությունների մասին: Բացի այդ, Տեղեկատվական կենտրոնի հեռախոսավարները հաճախորդին  կարող են տրամադրել նրա անձնական հաշիվների, վարկերի, քարտերի մասին տեղեկատվություն՝ հաշվեկշիռ, հերթական վճարման ամսաթիվը և այլն: ՎՏԲ-Հայաստան Բանկի Տեղեկատվական կենտրոնն իրականացնում է նաև գործարքային սպասարկում, բոլոր դրամական փոխանցումների համակարգերի միջոցով ստացված գումարները հաշվեգրելով Բանկի գործող քարտերին: Մասնավորապես, կատարվում է գործարքների իրականացում Հաճախորդների բոլոր այն հաշիվներով, որոնք միացված են  «եռախոս բանկինգ» ծառայությանը`հաճախորդի զանգի և համապատասխան նույնականացման գործընթացն անցնելու հիման վրա, կատարվում է նաև պլաստիկ քարտերի բացում:

Բանկի տեղեկատվական կենտրոնը հաճախորդների հետ համագործակցում է հաղորդակցման 5 ուղիներով` հեռախոսազանգեր, Skype – նամակներ և տեսազանգեր,

Էլեկտրոնային փոստ, զանգեր 010 560708 հեռախոսահամարին և քարտերի հաշվեկշռի մասին ավտոմատ տեղեկատվություն, Ֆեյսբուք (օնլայն խորհրդատվություն և պատասխաններ հաճախորդների հարցերին):

Տեղեկատվական կենտրոնի որոշ ծառայություններ տրամարվում են շուրջօրյա, մասնավորապես, ՎՏԲ-Հայաստան Բանկի քարտապանները շուրջօրյա կարող են ստանալ իրենց քարտային հաշիվների հաշվեկշիռների կամ քարտերի սպասարկմանը վերաբերվող տեղեկատվություն, զանգահարելով 010 560708 հեռախոսահամարին:

ՎՏԲ-Հայաստան Բանկի Տեղեկատվական կենտրոն կարելի է զանգահարել 87-87 հեռախոսահամարով: Բջջային հեռախոսահամարից զանգը վճարովի է, իսկ քաղաքային համարից՝ անվճար: Բանկի օպերատորներն աշխատում են երկուշաբթիից մինչև ուրբաթ՝ ժամը 09:00-20:00-ը, իսկ շաբաթ օրը՝ ժամը 10:00-17:00-ը, պրոֆեսիոնալ և գրագետ ձևով կպատասխանելով հաճախորդներին, նրանց նախընտրած լեզվով`հայերեն կամ ռուսերեն, տրված հարցին շուրջ տրամադրելով որակյալ օգնություն:

Նշենք, որ «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ՀԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկայումս բանկն ունի մասնաճյուղային ամենալայն ցանցը Հայաստանում` 67 մասնաճյուղ: