Հայաստանի արտաքին պարտքը 2015 թվականի նոյեմբերի 1-ին հատել է 4.1 մլրդ.դոլարի սահմանագիծը

Արմինֆո.  Հայաստանի ներքին պարտքի 9.6% և արտաքին պարտքի 8% աճը երկրի ընդհանուր պետական պարտքը մեծացրեցին 8.2%-ով: Ընդ որում, արտաքին պարտքի մեջ կառավարության և Կենտրոնական բանկի պարտավորությունները հաշվետու ժամանակահատվածում աճեցին 8%, իսկ ներքին պարտքի մեջ զգալիորեն մեծացան հայկական եվրոբոնդերով պարտավորությունները` մոտ 2 անգամ: Մեկ տարի առաջ, 2014 թվականի հունվար-հոկտեմբերին, արտաքին պարտքը կրճատվեց 2.8%, ներքին պարտքն աճեց 7.9%, ինչի հետևանքով երկրի ընդհանուր պարտքը կրճատվեց 1.2%: Ըստ ՀՀ ֆինանսների նախարարության նախնական տվյալների, որոնք ԱրմԻնֆո գործակալությանն են տրամադրվել ՀՀ Ազգային վիճակագրական ծառայությունից, Հայաստանի ընդհանուր պետպարտքը 2015 թվականի նոյեմբերի 1-ին կազմել է 2.282 տրլն.դրամ կամ 4.827 մլրդ.դոլար, որտեղ արտաքին պարտքը կազմել է 85.1% - 1.941 տրլն.դրամ կամ 4.105 մլրդ.դոլար, իսկ ներքին պարտքը` 14.9% - 341.5 մլրդ.դրամ կամ 722.2 մլն.դոլար:

Արտաքին պարտքի կառուցվածքում կառավարության պարտավորությունները կազմել են 3,628 մլրդ.դոլար, իսկ Կենտրոնական բանկինը` 477.231 մլն դոլար: Ընթացիկ տարվա 10 ամիսների ընթացքում ՀՀ կառավարության և կենտրոնական բանկի մասնաբաժինները երկրի արտռաքին պարտքի կառուցվեծքում գրեթե չեն փոխվել, համապատասխանաբար կազմելով` 88.4% և 11.6% (նախորդ տարվա 88% և 12.1% համեմատ): Իսկ ներքին պարտքի կառուցվածքում պետական պարտատոմսերի մասնաբաժինը 2015 թվականի 10 ամիսների ընթացքում 92,8% -ից նվազել է մինչև 88.4% (նախորդ տարվա 93,7% համեմատ), բացարձակ մեծության` 4,3% աճով, մինչև 301,9 մլրդ. դրամ (638.5 մլն. դոլար), իսկ հայկական եվրաբոնդերի մասնաբաժինն 6,2% -ից աճել է մինչև 11% (նախորդ տարվա 5.2% համեմատ), բացարձակ արժեքի գրեթե կրկնակի աճով, մինչև 37.7 մլրդ դրամ (79,7 մլն.դոլար), առևտրի վարկերի մասնաբաժինը 0,6% -ից նվազել է մինչև 0,3% (նախորդ տարվա 0.8% համեմատ), բացարձակ արժեքի 50.2% անկումով, մինչև 945,6 մլն. դրամ (2 մլն դոլար), իսկ մնացածը կազմել են երաշխիքները, որոնց մասնաբաժինը մնացել է 0,3% մակարդակում, բացարձակ արժեքի 6.2% անկումով, մինչև 956 մլն. դրամ (2.02 մլն դոլար):

Միայն հոկտեմբերին Հայաստանի արտաքին պարտքն աճել է 0,3% -ով (սեպտեմբերի 1.6% անկման փոխարեն), իսկ ներքին պարտքն ավելացել է 1.5% (սեպտեմբերի 1,6% փոխարեն), ինչի հետևանքով ընդհանուր պարտքն աճել է 0.3% (սեպտեմբերի դեմ 1,1% անկման փոխարեն): Մեկ տարի առաջ, 2014-ի հոկտեմբերին, արտաքին պարտքն աճել էր 1% (սեպտեմբերի 2.6% անկման համեմատ), իսկ ներքին պարտքը` 1,8% (սեպտեմբերիի 3.2% աճի փոխարեն), արդյունքում, ընդհանուր պետական պարտքն աճել էր 1,2% (սեպտեմբերի 1,7% անկման փոխարեն): (ՀՀ դրամի միջին հաշվարկային փոխարժեքը, ըստ Կենտրոնական բանկի, 2015 թվականի հոկտեմբերի 30-ին կազմել է 472.78 դրամ /դոլար, 2014 թվականի հոյկտեմբերի` 411.26 դրամ/դոլարի փոխարեն):

Ըստ ՀՀ կառավարութան կանխատեսումների, Հայաստանի պետական ​​պարտքի աճը` 2014-ի 4,442 մլրդ դոլարից մինչև 4.953 մլրդ.դոլարը, ամրագրված է 2015 թվականի բյուջեում: Արդյունքում, Հայաստանի պետական ​​պարտքի տարեկան աճը կկազմի 6%, իսկ երկու տարվա աճը`8%: 2015-ի բյուջեի նախագծով արտաքին պարտքի աճն ամրագրված է մինչև 4,129 մլրդ.դոլար (տարեկան աճը` 9%, երկու տարվա աճը`5,8%) 2014-ի 3,785 մլրդ.դոլարի և 2013-ի 3,904 մլրդ.դոլարի համեմատ: 2013-ից մինչև 2015 թվականը ներառյալ արտաքին պարտքն ընդհանուր պետական ​​պարտքի մեջ կկրճատվի` 85% -ից մինչև 83.4% (առայժմ գերազացում է 85% -ը. խմբ.): Արտաքին պարտքի կառուցվածքում Կենտրոնական բանկի մասնաբաժինը 2013-ին կազմել է 13%, 2014-ին` 11.6%, իսկ 2015-ին` կանխատեսվում է, որ կկազմի 12,2% ($ 505մլն): Հայաստանի ներքին պարտքը 2015-ին կհասնի 824 մլն.դոլարի կամ ընդհանուր պետական ​​պարտքի 16,6% - ին, 2014-ի համեմատ աճելով` 25,6%, իսկ 2013-ի համեմատ` 20.3%:

Հիշեցնենք, որ 2015 թվականի հունվարի 1-ին Հայաստանի ընդհանուր պարտքը կազմել է 2,109 տրիլիոն դրամ կամ $ 4.4 մլրդ (2013 - 1,9 տրլն դրամ): Դրա կառուցվածքում արտաքին պարտքը կազմել է 1.8 տրլն դրամ կամ 3.8 մլրդ.դոլար (2013-ին` 1.6 տրլն դրամ), իսկ ներքին պարտքը կազմել է 311,7 մլրդ դրամ կամ 656,3 մլն դոլար (2013-ին`277,7 մլրդ դրամ):