Արմինֆո. Դեկտեմբերի 8-ին Երևանում բացվել է «Ռոբոտների շքերթե ցուցահանդեսը, որն առաջին անգամ է ներկայացվում տարածաշրջանում: Հայաստանի մայրաքաղաքում ցուցահանդեսը ներկայացնում է «Ռոբոտների կորպորացիաե ռուսական ընկերությունը` Ամերիաբանկի անմիջական նախաձեռնությամբ: Ցուցահանդեսում ներկայացած են տարբեր երկրների ավելի քան 20 ինտերակտիվ ռոբոտ և հայկական ռոբոտատեխնիկայի լավագույն նմուշները: Ցուցահանդեսի ծրագիրը ներառում է պարող ռոբոտների շոու, կվադրո-կոպտերների գոտի, ռոբոտների լաբորատորիա, Lego ուղեղների գրոհ/ռոբոտների կառուցում, ռոբոտների ծրագրավորում, ռոբոշուկա: Ռոբոտների շարքում է անգլիական մարդանման Տեսպիան հանրահայտ ռոբոտը, որն աշխարհում ամենաժամանակակից և էմոցիոնալ ռոբոտներից մեկն է:
Ռոբոտը կարողանում է ոչ միայն շփվել մարդկանց հետ, ընդօրինակել շարժումները, երգել, պարել, ծիծաղել, լաց լինել, անգամ կարդալ Շեքսպիր, որի շնորհիվ շատ անգամ մասնակցել է ժամանակակից թատերական ներկայացումներին: Նա նույնիսկ 2014թ. CelBit ցուցահանդեսի հանդիսավոր արարողության բացմանը հանդես է եկել Գերմանիայի կանցլեր Անգելա Մերկելի և Մեծ Բրիտանիայի վարչապետ Դեվիդ Կամերոնի հետ:
Երևանում կհյուրընկալվեն նաև Պարո ճապոնական ռոբոտը, որը թույլ է տալիս հիվանդանոցներում և ծերանոցներում կենդանիների օգնությամբ կիրառել թերապիայի առավելությունները` ի օգուտ մարդկանց, ամերիկյան Բակսթեր ռոբոտը, որը կարողանում է կատարել պարզ արդյունաբերական առաջադրանքներ, ուկրաինական մատուցող ռոբոտ Յոշան, Հարավային Կորեայից Ռոբոֆուտբոլը և մի շարք այլ հետաքրիր ու տարբեր ֆունկցիոնալ հնարավորություններով ռոբոտներ:
Տեխնիկայի հրաշքներին ծանոթանալու էին եկել քաղաքապետ Տարոն Մարգարյանը, հայրենական ռոբոտատխենիկայի ոլորտի ականավոր գործիչներ, մշակույթի և արվեստի գործիչներ, միջոցառման գործընկերների ներկայացուցիչներ, ինչպես նաև «Ամերիաե ընկերությունների խմբի անձնակազմը: Պատվավոր հյուրերի թվում էին երեխաները, ովքեր կարողացան շփվել, խաղալ և լուսանկարվել կախարդական ռոբոտների հետ: Միջոցառման ընթացքում ելույթ է ունեցել «Մանկական եվրատեսիլ-2015ե-ում երկրորդ տեղը զբաղեցրած Միկա Վարոսյանը:
«Ցուցահանդեսի նպատակը աշխարհի ամենատարբեր ծայրերից բերված ռոբոտների միջոցով երեխաներին և մեծահասակներին ճարտարագիտական մտքի նվաճումներին, ռոբոտատեխնիկայի զարգացման վերջին միտումներին ծանոթացներն է: Միևնույն ժամանակ միջոցառումը բարեգործական բնույթի է: Հասույթի գերակշիռ մասը կուղղորդվի լեյկեմիայով հիվանդ երեխաների բուժմանըե, - նշել է «Ամերիաբանկե ՓԲԸ վարչության նախագահ, գլխավոր տնօրեն Արտակ Հանեսյանը: Նախագծի կարևորագույն խնդիրներից է ուսուցումը, ուստի և դրան հատուկ ուշադրություն է դարձվում նախագծի բոլոր մակարդակներում` մասնակից ռոբոտների ընտրության, ուղեկցվող միջոցառումների, էքսկուրսիաների և այլ հարցերում:
«Երևան Մմոլիե գլխավոր տնօրեն Վազրիկ Սեկոյանն, իր հերթին, նշել է, որ ուրախ է իր ավանդը ներմուծել նմնա նախաձեռնությանը, որը նպաստում է Հայաստանում ճարտարագիտության զարգացմանն ու նպատակաուղղված է լեյկեմիայով հիվանդ երեխաներին ֆինանսական աջակցկությանը:
Ինովացիոն իրադարձությունը կընթանա դեկտեմբերի 9-ից մինչև 2016թ. հունվարի 10-ը (հանգստյան օրեր` 2015թ. դեկտեմբերի 31 և 2016թ. հունվարի 1): Ցուցահանդեսը անցկացվում է «Երևան Մոլե առևտրի և զվարճանքի կենտրոնում: Ցուցադրասրահը ձևավորված գործարանային ոճով` ռոբոտաշինությյան համար համապատասխան միջավայրի ապահովման նպատակով: Դա ցուցահանդես այցելող երեխաներիմ հնարավորություն է ընձեռում ոչ միայն խաղալ ռոբոտների հետ, այլև ամսնակցել դրանց կառուցման և ծրագրավորման աշխատանքներին: Երեխաների համար նախատեսված են հատուկ սակագներով տոմսեր՝ 2200դր. աշխատանքային օրերին և 3300դր. ոչ աշխատանքային օրերին, իսկ մեծահասակների տոմսերը համապատասխանաբար կլինեն 2900դր. և 3900դր.: Կլինի նաև հատուկ սակագնային փաթեթ դպրոցական կոլեկտիվ այցերի համար:
«Ռոբոտների շքերթե-ն առաջին անգամ տեղի է ունեցել Մոսկվայում, 2014թ. և դարձել ամենահաջողված ցուցահանդեսային նախագիծը Ռուսաստանի ողջ պատմության մեջ: Այնուհետև ցուցահանդեսը հյուրընկալվել է Սոչիում, Կրասնոդարում, Սանկտ-Պետերբուրգում, Մինսկում և Եկատերինբուրգում` ունենալով գլխապտույտ հաջողություն:
Կարևորելով ցուցահանդեսի դերը հայաստանյան հանրության կյանքում` դրա կազմակերպման համար Ամերիաբանկը ներգրավել է իր մի շարք գործընկերներին:
«Ռոբոտների շքերթե ցուցահանդեսի կազմակերպման գլխավոր գործընկերներն են «Երևան Մոլե համալիրը և «Երևան Փրոդաքշնե ընկերությունը: «ԻՆԳՈ ԱՐՄԵՆԻԱե ԱՓԲԸ-ն հանդես է գալիս ռոբոտների ապահովագրությամբ, «Պանարմենիան Մեդիա Գրուպե ՓԲԸ-ն` ինֆորմացիոն աջակցությամբ: Ցուցահանդեսի կազմակերպման գործընկերներն են` «Արայե կենցաղային տեխնիկայի խանութների ցանցը, «Տեխնոլայֆե ՍՊԸ-ն, «Ռուսսկոյե ռադիոե և «Ռադիո Վանե ռադիոալիքները, «Մատիտե, «Creatoե, «The Twenty Twoե դիզայներական ընկերությունները, Թումո ստեղծարար տեխնոլոգիական կենտրոնը, «GАTե ընկերությունը, UITE-ն, «Այբե դպրոցը, «UNITY Productionե, «GAT Cuttingե ընկերությունները, ImYerevan.com ինտերնետային և cult.am մշակութային պորտալները, «Ասողիկե հրատարակչությունը:
«Ամերիաբանկե ՓԲԸ Հայաստանի դինամիկ զարգացող բանկերից է և դասվում է երկրի ամենակայուն և խոշոր ֆինանսական հաստատությունների շարքին: Այն Հայաստանում առաջին ներդրումային բանկն է և սկսած 2007թ-ից` տրամադրում է նորարարական բանկային ծառայությունների լայն տեսականի: «Ամերիաբանկե ՓԲԸ ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: Որպես բանկի բաժնետեր հանդես է գալիս «Ամերիա Գրուպ CY Ltdե-ն` կապիտալի 100% բաժնեմասով:
Փորձագետ․ Հայաստանը տարիներ շարունակ նավթամթերք է ներկրում Թուրքիայից
Հանքարդյունաբերությունը շարունակում է մնալ Հայաստանի մարզերի սոցիալական հենարանը. հետազոտություն
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները