Տուրիստական ներմուծման փոխարինում կամ ինչով է գրավում Հայաստանը ռուսաստանցի զբոսարջիկներին

 

Նրա խոսքով, դեռ մինչև պատժամիջոցային պատերազմը Հայաստանն աշխատել է ռուսական զբոսաշրջային ոլորտի ներկայացուցիչների հետ. պարբերաբար իրականացվել է ռուսաստանցի տուրօպերատորների ճանաչողական այցեր Հայաստան: Վերջին տարիների ընթացքում Ռուսաստանն առաջատար դիրքեր է զբաղեցրել Հայաստան զբոսաշրջիկների ներհոսքի առումով՝ Հայաստանի զբոսաշրջային արդյունաբերությունում ավելի քան 40% մասնաբաժնով, քանի որ ավանդաբար ռուսաստանցի զբասաշրջիկը հարմարավետ է զգում իրեն Հայաստանի տարածքում՝ չկան լեզվական արգելքներ, երկիրը հայտնի է իր հյուրընկալությամբ և խոհանոցով, նշել է նա: Ապրեսյանի խոսքով, ռուսական զբոսաշրջության բաժինը Հայաստան ժամանող զբոսաշրջիկների ընդհանուր զանգվածում 2013 թ. աճել է մինչև 45-46%՝ 2006-2007 թթ. 34-35%-ի փոխարեն: Բացի այդ, եթե 2006-2007 թթ. 18-35 տարեկան զբոսաշրջիկների թիվը կազմել է այցելուների ընդհանուր թվի 6%-ը, ապա արդեն 2013 թ. տվյալների համաձայն, նրանց թիվն աճել է մինչև 34%: Ինչ վերաբերում է առաջարկվող զբոսաշրջային ապրանքներին, Էկոնոմիկայի նախարարության ներկայացուցչի խոսքով, Հայաստանը զբոսաշրջիկներին առաջարկում է պատմամշակութային զբոսաշրջություն, ագրոտուրիզմ, արկածային, առողջարանային զբոսաշրջություն և տուրիզմի այլ տեսակներ: ՙՇատ զբոսաշրջիկներ մեր երկիր են գալիս՝ ավանդական տոներին ու փառատոններին մասնակցելու նպատակով՚,- հայտարարել է նա: 

 

ՀՀ Էկոնոմիկայի նախարարությունը, ինչպես հայտնել է Ապրեսյանը, խորհրդակցություններ է անցկացնում տարբեր գերատեսչությունների, մասնավոր հատվածի ներկայացուցիչների հետ՝ Սուրբ Ծննդյան տոների ընթացքում սննդի, առևտրի և զվարճանքների օբյեկտների, ինչպես նաև թանգարանների անխափան աշխատանքն ապահովելու նպատակով:

 

Ապրեսյանը համաձայն չէ հավաստմանը, որ Հայաստանի զբոսաշրջային արդյունաբերության ոլորտում մատուցվող ծառայությունների գինը և որակը համադրելի չեն: Ռուսական տուրօպերատորների վերջին հետազոտությունների համաձայն, գնային մատչելիությամբ Հայաստանը երրորդ տեղում է՝ զիջելով Բելառուսին և Չինաստանին. 4 մարդուց բաղկացած ընտանիքը կարող է իր հանգիստն անցկացնել Հայաստանում՝ ծախսելով օրական առնվազն 2500 ռուբլի մնալու համար, նշել է Ապրեսյանը: ՙԵս համաձայն եմ հավաստմանը, որ ամանորյա տոների ընթացքում շատերը նախընտրում են հանգստանալ Հայաստանում, քան արտերկրում, ինչի հետ էլ կապված է գների սեզոնային բարձրացումը: Բայց դա ամենևին չի նշանակում, որ Հայաստանում ծառայությունների գինը և որակը չեն համապատասխանում միմյանց, ինչի առնչությամբ ոլորտն իբր անմրցունակ է դառնում: Մեր հետազոտությունների համաձայն, չորս մարդուց կազմված ընտանիքը կարող է ամանորյա արձակուրդներն անցկացնել Հայաստանում՝ մեկ շաբաթվա համար ծախսելով միջինը $1000՝ առանց թռիչքը հաշվի առնելու՚,- բացատրել է Ապրեսյանը:

 

Նրա խոսքով, ընթացիկ տարում Ռուսաստանից արտագնա զբոսաշրջությունը նվազել է բոլոր ուղղություններով. տոկոսային հարաբերակցությամբ Հայաստանի ուղղությամբ ավելի քիչ, քան մնացած բոլոր ուղղություններով: Հայաստանից մեկնող զբոսաշրջիկների շրջանում հարցման արդյունքների համաձայն, 99%-ը դրական պատասխան է տվել ՙԿցանկանայի՞ք վերադառնալ Հայաստան, և արդյո՞ք խորհուրդ կտայիք ձեր ընկերներին և հարազատներին իրենց հանգիստն անցկացնել այդ երկրում՚ հարցին: ՙՈրպես արդյունք՝ 50% կրկնակի այցեր մեր երկիր՚,- ընդգծել է Ապրեսյանը: ՙԱմեն անգամ պատասխանելով ՙԻնչու՞ Հայաստան՚ հարցին՝ ասում եմ. ՙՈւզու՞մ եք իմանալ, թե ինչու բիբլիական Նոյն ընտրեց հայկական Արարատը՝ որպես իր տապանի հանգրվան: Եկեք և կիմանաք՚՚,-ամփոփել է Զբոսաշրջության զարգացման քաղաքականության վարչության պետը: