Տնտեսագետ. Բանկային ավանդների աճն ազդարարում է Հայաստանի ճգնաժամային տնտեսական վիճակի մասին

Արմինֆո. Հայաստանի բանկերի կողմից ներգրավված ավանդների ընդհանուր ծավալը 2015 թվականի հունվար-նոյեմբերին աճել է 125.4 մլրդ.դրամով, իսկ վարկավորումը կրճատվել է 88 մլրդ.դրամով: Տնտեսագետ Վիլեն Խաչատրյանի կարծիքով, ստեղծված իրավիճակը վկայում է Հայաստանում առկա ճգնաժամային տնտեսական վիճակի մասին, հետևաբար, բանկերը գտնվում են ռիսկայի գոտում:

«Ավանդների աճը կարելի է գնահատել ինչպես դրական, այնպես էլ բացասական գործոն, քանի որ, մի կողմից աճել են բնակչության խնայողությունները, իսկ մյուս կողմից` 125.4 մլրդ.դրամի չափով գումար չի ուղղվել տնտեսությանը, այլ սառեցվել է ավանդային հաշիվներում»,-նշել է Վ.Խաչատրյանը հունվարի 15-ին կայացած մամուլի ասուլիսում:

Ըստ ՀՀ Կենտրոնական բանկի տվյալների, Հայաստանի բանկերի կողմից ներգրավված ավանդների ընդհանուր ծավալը 2015 թվականի 11 ամիսներին աճել է 7,1% և կազմել 2.1 տրլն.դրամ, տարեկան կտրվածքով աճելով 8.9%: Վարկավորման ծավալները տարեսկզբի համեմատ նվազել են 4.1%, նախորդ տարվա 2.5% աճի փոխարեն: