Արմինֆո. Իրանի դեմ պատժամիջոցների չեղարկումը Հայաստանին արտահանման նոր շուկաներ կբացի, բայց թե որքանով Հայաստանը կշահի դրանից, կախված է միայն հայկական ապրանքների մրցունակությունից: Հունվարի 18-ին կայացած մամուլի ասուլիսում նման կարծիք է արտահայտել տնտեսագետ Բաբկեն Թունյանը:
«Իրանի հանդեպ պատժամիջոցների չեղարկումը, ընդհանուր առմամբ, գնահատվում է դրական: Բայց, այնուամենայնիվ, չպետք է լինել չափազանց լավատես, քանի որ մենք կարող ենք Իրան արտահանել ապրանքների սահմանափակ տեսականի: Ըստ իրականացված դիտարկումների, Հայաստանից դեպի Իրանի արտահանումներում առաջնահերթություն կարող են լինել լեռնահումքային և պարենային ապրանքները: Բացի այդ, Իրանի հետ համագործակցություն կարող է սահմանվել նաև էներգետիկ ոլորտում»,-նշել է Բ.Թունյանը, պարզաբանելով, որ ստեղծված հնարավորություններից Հայաստանը կարող է օգտվել այնքանով, որքանով թույլ կտա Իրանը:
Ըստ ՀՀ Ազգային վիճակագրական ծառայության տվյալների, առևտրի շրջանառությունը Հայաստանի և Իրանի միջև 2015 թվականի հունվար-նոյեմբերին կազմել է $ 249,6 մլն, տարեկան անկումը`5.3%: Մասնավորապես, ապրանքների արտահանումը Հայաստանից Իրան կրճատվել է 8,2%, մինչև $ 71.1 մլն, իսկ ներմուծումը 4,1%, մինչև $ 178,5 մլն:
