Փորձագետ. Տնտեսության և անվտանգության միջև ընտրության հարցում Հայաստանն ընտրեց անվտանգությունը

Արմինֆո. Հայաստանի տնտեսական զարգացման ձգտջումները մի փոքր զիջում են անվտանգության կարևորագույն գործոնին, ինչով էլ պայմանավորված է երկրի ինտեգրումը ԵԱՏՄ-ին: Այս մասին հունվարի 27-ին կայացած մամուլի ասուլիսում հայտարարել է տնտեսագետ Վիլեն Խաչատրյանը, պատասխանելով ԵԱՏՄ-ին Հայաստանի անդամության վերաբերյալ լրագրողների հարցերին:

«Տարածաշրջանը, որն ապահովում է մեր անվտանգոթյունը - Ռուսաստանն է: Հայաստանը չի հանդիսանում ՆԱՏՕ-ի անդամ, մենք համագործակցում ենք ՌԴ հետ: Հաշվի առնելով այս գործոնների ողջ համակարգը, երբ պետք է ընտրություն կատարել տնտեսության և անվտանգության միջև, ընտրվել է անվտանգությունը, ինչի հետևանքով էլ որոշակիորեն տուժում է իրական հատվածը»,-ասել է փորձագետը:

Խաչատրյանը նշել է, որ ԵԱՏՄ-ին Հայաստանի անդամակցումը պարզապես համընկավ Ռուսաստանի տնտեսական անկմանը, դրա համար էլ ինտեգրացիոն գործընթացների շրջանակներում արդյունքները դեռ չեն զգացվում: Այս առումով փորձագետը նշել է երեք գործոն, որոնք առավել բացասական են ազդում ՌԴ տնտեսության զարգացման վրա: Նրա համոզմամբ, դա նավթի գների անկումն է, Արևմուտքի պատժամիջոցները և ուկրաինական հակամարտոթյունը: «Այս գործոնների վերացման դեպքում մեր մասնակցությունը ԵԱՏՄ-ին կլինի արդարացված: Իսկ այսօրվա «սուզվող նավը» վաղը կդառնա ցորենի, գազի և նավթի համաշխարհային մատակարարը»,-հավաստել է նա:

Գնահատելով ինտեգրացիոն գործընթացները Միության ներսում, փորձագետը նշել է, որ այսօր ԵԱՏՄ-ն Հայաստանի համար ավելի շատ ազդեցություն է «Ռուսաստան-Հայաստան» ձևաչափի վրա, Բելառուսի, Ղազախստանի և Ղրղզստանի հետ համագործակցություն քան այդ նույն ինտեգրման շրջանակներում: Նշենք, որ Հայաստանը ԵԱՏՄ անդամ է 2015 թվականի հունվարի 2-ից: