Արմինֆո. Հայաստանի Ավտոապահովագրողների բյուրոն առաջարկում է ավտոսեփականատերերի վարկային պատմության մեջ ընդգրկել ԱՊՊԱ գծով պայմանագրերի կնքման ժամկետների խախտումները: Այս մասին փետրվարի 2-ին կայացած մամուլի ասուլիսում հայտարարել է Ավտոապահովագրողների բյուրոյի գործադիր տնօրեն Վահան Ավետիսյանը:
«Բյուրոն առաջարկում է պայմանագրերի կնքման ժամկետների խախտումները դիտարկել որպես վարկունակության ինդիկատոր: Դա նշանակում է, որ ձգձգումները կարող են նաև ազդել ավտոսեփականատերերի վարկային պատմության վրաե,-պարզաբանել է Վ.Ավետիսյանը:
Նա նշել է, որ ժամանակին ԱՊՊԱ օայմանագրեր չկնքած ավտոսեփականատերերը լրացուցիչ պրոբլեմներ են ստեղծում Բյուրոյի համար, քանի որ մեծացնում են երաշխավորված միջոցների բեռնվածությունը և սպառնում դրա կայունությանը: Ինչպես հայտնի է, Բյուրոն փոխհատուցում է ԱՊՊԱ պայմանագրեր չունեցող ավտոսեփականատերերի կողմից երրորդ անձանց հասցված վնասը:
«Վարչական տույժերից բացի, Ավտոապահովագրողների բյուրոն առաջարկում է ճշգրտել սակագները: Մասնավորապես, ժամանակին ԱՊՊԱ պայմանագրեր կնքած ավտոսեփականատերերը կստանան սակագնային խրախուսումներ, իսկ ուշացածների համար կինեն խստացումներե,-նշել է Բյուրոյի ղեկավարը:
Նա հիշեցրել է, որ մինչև ԱՊՊԱ համակարգի ներդրումը Հայաստանում վթարների վիճակագրությունը վարվում էր ոչ ճշգրիտ: Մասնավորապես, այն ժամանակ տարեկան գրանցվում էր մոտ 2 հազար ՃՏՊ, մինչդեռ այժմ գրանցված տարեկան ՃՏՊ-ների թիվը հասնում է 40-45 հազարի:
Նշենք, որ Ավտոքաղաքացիական պատասխանատվության պարտաքիր ապահովագրության (ԱՊՊԱ) համակարգը գործում է Հայաստանում 2011 թվականի հունվարի 1-ից: Հայաստանի Ավտոապահովագրողների բյուրոն հիմնվել է 2010 թվականի հունսի 28-ին Կենտրոնական բանկի որոշմամբ, որը հանդիսանում է ինքնակառավարվող կազմակերպություն, վերահսկում է Բյուրոյի անդամ ապահովագրողների գործունեությունն ԱՊՊԱ ոլորտում պաշտպանում տուժածների շահերը և ապահովում ԱՊՊԱ համակարգի կայունությունը և զարգացումը: Բյուրոյի անդամ են այսօր Հայստանում գործող բոլոր 6 ապահովագրական ընկերությունները:
