ՀՀ զբոսաշրջության ոլորտում բացասական միտումը պայմանավորված է ռուսաստանցի զբոսաշրջիկների թվի նվազմամբ

Արմինֆո. 2015 թ. արդյունքներով, հանրապետությունում, պաշտոնական տվյալներով, արձանագրվել է զբոսաշրջային հոսքի 1% նվազում՝ մինչև 1 192 120, ինչն առավելապես պայմանավորված էր Ռուսաստանի Դաշնությունից զբոսաշրջիկների հոսքի նվազմամբ: Այդ մասին այսօր մամուլի ասուլիսի ժամանակ հայտարարել է ՀՀ էկոնոմիկայի նախարարության տուրիզմի վարչության ղեկավար Մեխակ Ապրեսյանը՝ նշելով, որ ՌԴ-ից Հայաստան այցերի դինամիկան միշտ դրական միտում է ունեցել:

Ռուսաստանցի զբոսաշրջիկների թվի նվազման հետ կապված իրավիճակն Ապրեսյանը բացատրել է Ռուսաստանի տնտեսական անկայունութամբ, մասմավորապես՝ ռուբլու արժեզրկմամբ: Ըստ որում, նա ընդգծել է, որ 2015 թ. 9 ամսում ՌԴ-ից զբոսաշրջային հոսքը կրճատվել է տարեկան կտրվածքով 6%-ով, միաժամանակ արձանագրվել է զբոսաշրջիկների թվի աճ Իրանից՝ 24%-ով, ԱՄՆ-ից՝ 40%-ով, և աննշան աճ Մեծ Բրիտանիայից Ավստրալիայից, ԱՄԷ-ից, Իրաքից:

Նրա խոսքով, ընթացիկ տարում Հայաստանը մտադիր է ակտիվացնել համագործակցությունը ՌԴ հետ՝ նպաստելով զբոսաշրջային փոխգործակցության զարգացմանը ոչ ստանդարդ մոտեցումների ներդրման միջոցով, որոնք այժմ ակտիվորեն քննարկվում են գերատեսչությունում: Միաժամանակ 2016 թ. նախատեսվում է ակտիվորեն աշխատել Չինաստանից և Իրանից զբոսաշրջիկների ներգրավման ուղղությամբ:

ՀՀ Ազգային վիճակագրական ծառայության տվյալներով, միայն 2015 թ. IV եռամսյակում Հայաստան ժամանած զբոսաշրջիկների թիվը կազմել է 256 572 մարդ, ինչը 3,2%-ով ավելի քիչ է՝ 2014 թ. նույն ժամանակաշրջանի համեմատ: