Տնտեսագետ. Վերաֆինանսավորման տոկոսադրույքը Հայաստանում պետք է նվազեցվի աստիճանաբար

Արմինֆո. Վերաֆինանսավորման տոկոսադրույքի կտրուկը նվազեցումը ներկայիս տնտեսական պայմաններում անընդունելի է. տոկոսադրույքը պետք է նվազեցվի աստիճանաբար, այսօր մամուլի ասուլիսի ժամանակ այդպիսի կարծիք է հայտնել տնտեսագետ և նախկին խորհրդարանական Վարդան Բոստանջյանը՝ մեկնաբանելով ԱրմԻնֆո-ի հարցը:

ՙՄի քանի ամիս առաջ ԿԲ առանցքային տոկոսադրույքը կազմում էր 10,25%, այժմ այն կազմում է 8,5%: Դա նշանակում է, որ կարգավորող մարմինն իր դրամավարկային քաղաքականության միջոցով կարողացել է ապահովել վերջինիս սահուն նվազումը՚,- նշել է տնտեսագետը՝ ավելացնելով, որ կտրուկ նվազեցումը կառաջացներ ինֆլյացիոն ուժեղ ճնշում:

Նշենք, որ 2016 թ. փետրվարի 16-ի նիստում ԿԲ խորհուրդը որոշել էիջեցնել վերաֆինանսավորման տոկոսադրույքը 0.25 տոկոսային կետով՝ սահմանելով այն 8.5%: Լոմբարդային ռեպոների և բանկերից ներգրավվող միջոցների տոկոսադրույքները սահմանվել են համապատասխանաբար 10% և 7%:  Վերաֆինանսավորման տոկոսադրույքի նախորդ փոփոխությունը տեղի էր ունեցել 2015 թ. դեկտեմբերի 22-ին՝ 9.75%-ից իջեցվել է մինչև 8.75%: Մինչ այդ Վերաֆինանսավորման տոկոսադրույքի իջեցում տեղի էր ունեցել 2015 թվականի նոյեմբերի 10-ին` 10,25-ից մինչև 9,75%: Լոմբարդային ռեպոների տոկոսադրույքերը 11.75%-ից նվազեցվեց մինչև 11.25%, իսկ ներգրավվող ավանդների տոկոսադրույքերը` 8.75%-ից մինչև 8.25%: