Հինգշաբթի, 18 Փետրվարի 2016 12:42

Արմինֆո. Հայաստանի Արտահանման ապահովագրական գործակալությունը և ՀՀ Գործատուների միությունն այսօր համագործակցության համաձայնագիր են ստորագրել: Ստորագրման արարողոթյունը տեղի է ունեցել Երևանում, «Բարենպաստ գործարար միջավայր կայուն ձեռներության համար» խորագրով Ազգային զեկույցի քննարկման շրջանակներում, որը պատրաստել էին Աշխատանքի միջազգային կազմակերպությունը, Հայաստանի Գործատուների միության հետ համատեղ: Համաձայնագրի շրջանակներում ջանքեր կգործադրվեն երկրի արտահանումային ներուժի զարգացման, ազգային արտահանողների մրցունակության բարձրացման և իրացման շուկաների ընդլայնման ուղղությամբ:

 

Ինչպես ԱրմԻնֆո գործակալության թղթակցի հետ զրույցում հայտնել է Գործակալության գործադիր տնօրեն Վազգեն Աբգարյանը, 2015 թվականին կնքվել է 25 պայմանագիր, որոնց մեծ մասը ֆինանսավորվել է արտահանումային ֆակտորինգի շրջանակներում: Արտահանողների հայտերով որոշվել են սահմանչափեր, որոնք սպասարկում են մինչև 7 մլն.դոլարի արտահանումային գործարքները: «Ցավոք, արտահման ապահովագրության սահմանաչափ ստացած ոչ բոլոր արտահանողներն օգտվեցին ծառայությունից, մի մասը ռուսական ռուբլու արժեզրկման և արտահանման պայմանագրի լուծարման, իսկ մյուսները` այլ պատճառներով: Սակայն, 9 ամիսների ցուցանիշը լավատեսություն է ներշնչում և վկայում այն մասին, որ մեր ծառայություններն սկսել են արժանանալ արտահանողների պահանջարկին»,-ընդգել է նա:

 

Նշենք, որ արտահանման աջակցման 1 մլն.դոլարի փաստացի ցուցանիշը կազմում է Գործակալության սեփական կապիտալի 27%-ը: Միջազգային վիճակագրական տվյալները վկայում են այն մասին, որ այդ ցուցանիշը զարգացող այլ երկրներում չի անցնում կապիտալի 20%-ից, ինչը խոսում է արտահանման ապահովագրության նկատմամբ պահանջարկի աճի մասին: «Բացարձակ արտահայտությամբ այդ թիվը մեծ չէ, բայց աճող ներուժը վկայում է այն մասին, որ մի քանի տարուց Գործակալությունը կարող է հասնել եռակի մուլտիպլիկատորի արդյունքի, ինչն էլ հանդիսանում է մեր միջնաժամկետ նպատակը»,-ընդգծել է Աբգարյանը:

 

Աբգարյանը նշել է, որ վարչապետի կողմից ղեկավարվող`Արտահանմանն աջակցող խորհուրդն ընդունել է ծրագիր, որը վերաբերվում է հայկական ապրանքների արտահանման 5 առաջահերթ ուղղություններին: Դրանք են`պահածոները, գինին, մրգային օղին, ձուկը և ձկնամթերքը և մսամթերքը: Նա նշել է, որ Գործակալությունը պատրաստվոմ է շուկա դուրս բերել մի նոր, շատ արդիական ծառայություն` նախաարտահանումային ֆինանսավորման ապահովագրություն: «Մենք տեսնում ենք բարձր պահանջարկը նախաարտահանումային ֆինանսավորման պրոդուկտների շուկայում, երբ կա արտահանման պայմանագիր, բայց արտահանողը չունի շրջանառու միջոցների անհրաժեշտ ծավալ` հումք գնելու և մյուս նյութական ծախսերը ծածկելու և իր ապրանքն արտահանումային տեսքի բերելու համար: Ներկայումս Գործակալությունն ավարտել է այդ պրոդուկտի պայմանների նախապատրաստումը, որոնք այժմ քննարկվում են առևտրային բանկերում: Հուսով ենք պրոդուկտը մինչև մարտի վերջը ներկայացնել նաև բիզնեսին»,- ընդգծել է նա: Այդ պրոդուկտով առևտրային բանկերը կարող են տրամադրել կարճաժամկետ վարկեր` արտահանումային կողմնորոշում ունեցող արտադրանքը ֆինանսավորելու համար: Այդ ծառայության հիմնական տարբերությունը բանկային ընթացիկ պրոդուկտներից կայանում է նրանում, որ փոխառու-ձեռնարկությունից գրավային ապահովում չի պահանջվում: Պրոդուկտով ծածկվում է վարկի չմարման ռիսկը և հաշվարկված տոկոսները, մինչև 95% չափով: Դրանով բանկերը կարող են նման արտահանողներին վարկավորել ցածր տոկոսադրույքներով:

 

Նշենք, որ «Հայաստանի արտահանման ապահովագրական գործակալություն» ԱՓԲԸ-ն հիմնադրվել է Հայաստանի Հանրապետության կառավարության որոշմամբ 2013 -իհոկտեմբերի23-ին, արտահանմանն ուղղված արդյունաբերական քաղաքականության շրջանակներում: Ընկերությունն սկսել է գործել 2015 թվականից:

 

Ընկերությունը տրամադրում է ապահովագրություն ՀՀ ռեզիդենտ արտահանող Ընկերությունների կողմից  մատակարարված ապրանքի դիմաց օտարերկրյա գնորդի կողմից կամ պայմանագրով նրա անունից վճարման պարտավորություն ունեցող բանկի կողմից չվճարման հետևանքով կրած ֆինանսական վնասներից: Մատուցվող ապահովագրական ծառայությունները հանդիսանում են  արդյունավետ լուծում հաճախորդների արտահանման ռիսկերի կառավարման համար: Ընկերությանհիմնական  նպատակներնեն` խթանել արտահանումը`ապահովագրելով արտահանողներին օտարերկրյա գնորդների չվճարման ռիսկից, նպաստել մատչելի և հասանելի ֆինանսական ռեսուրսների տրամադրմանը փոքր և միջին ձեռնարկություններին, նպաստել արտահանման առևտրային ռիսկերի ապահովագրության մասնավոր շուկայի զարգացմանը: