Արմինֆո.2016 թվականի 1-ին եռամսյակում դրամը հասցրել է դոլարի նկատմամբ արեզրկվել մինչև 496 դրամ/1դոլար (փետրվարի 12) և մարտի 25-ին վերադառնալ նախնական 482 դրամ/1դոլար մակարդակի: Ընդ որում, Կենտրոնական բանկը տարեսկզբից ի վեր չի միջամտել իրավիճակին: Արդյունքում` հունվարին դրամը դոլարի նկատմամբ 482 դրամ/1դոլարից արժեզրկվել էր մինչև միջին հաշվով մինչև 489 դրամ/1դոլար, շարունակել էր թուլանալ և փետրվարի 12-ին հասնելով 496 դրամ/1դոլարի, սկսել էր վերարժեվորվել` մարտի 25-ին վերադառնալով նախնական 482 դրամ/1դոլարի: Ըստ շուկայի անկախ փորձագետների, Ռուսաստանի ֆինանսատնտեսական ճգնաժամի, նավթի գների անկման և հատկապես մետաղական հումքի անկման պայմաններում, որոնք հանդիսանում են Հայաստանի արտահանումային հիմնական ապրանքներից մեկը, ՀՀ դրամը 2016 թվականի վերջին կարող է թուլանալ և հասնել 540-550 դրամ/դոլար մակարդակին:
Ինչպես ԱրմԻնֆո-ին հաղորդեցին Հայաստանի ԿԲ մամուլի ծառայությունից, NASDAQ OMX Armenia բորսային արտարժութային հարթակը տարեսկզբից ի վեր «կենդանության նշաններե ցույց չի տվել, եթե չհաշվենք միակ100 հազար դոլար չնչին ծավալը (մարտի 11): Ընդ որում արտարրժութային միջբանկային շուկան շարունակում է ակտիվորեն աշխատել` մարտի 21-25-ը ապահովելով 550 հազար դոլար շաբաթական ծավալ` 481,91 դրամ/1դոլար միջին փոխարժեքով:
Աղբյուրի համաձայն, ներբանկային արտարժութային շուկայում (գործարքներ հաճախորդների հետ) մարտի 21-ից մինչև 25-ը ներառյալ բանկերը գնել են 57.9 մլն դոլար (7,4% շաբաթական աճ) 480,34 դրամ/1դոլար միջին փոխարժեքով, իսկ վաճառվել է 67.5 մլն դոլար (22,7% շաբաթական աճ) 481,97 դրամ/1դոլար միջին փոխարժեքով: Նույն ժամանակահատվածում ներբանկային արտարժութային շուկայում բանկերը գնել են 7.2 մլն եվրո (34% շաբաթական աճ) 538,14 դրամ/1EUR միջին փոխարժեքով, իսկ վաճառել են 12.3 մլն եվրո (32,3% շաբաթական աճ) 540,67 դրամ/1EUR միջին փոխարժեքով: Տվյալ ժամանակահատվածում ներբանկային արտարժութային շուկայում բանկերը գնել են նաև 920.03 մլն ռուբլի (32,6% շաբաթական աճ) 7,01 դրամ/1RUR միջին փոխարժեքով, իսկ վաճառվել է 396.6 մլն ռուբլի (8,5% շաբաթական աճ) 7,12 դրամ/1RUR միջին փոխարժեքով:
Նախորդ շաբաթ (մարտի 14-19) Հայաստանի բանկերը տրամադրել են 39.6 մլրդ դրամի և 53.6 մլն դոլարի վարկեր: Նախորդ շաբաթվա համեմատ (մարտի 7-11) դրամով տրամադրված վարկերի ծավալն աճել է 15,8%-ով, իսկ դոլարով տրամադրված վարկերինը` 56,7%-ով:
Հիշեցնենք, որ 2015 թվականի 11 ամիսներին արտարժույթի մանրածախ շուկայում դրամը դոլարի նկատմամբ 477 դրամից թուլացավ մինչև 483 դրամ/դոլար մակարդակ, եվրոյի նկատմամբ` 571,5-ից մինչև 512 դրամ / եվրո մակարդակ, իսկ ռուսական ռուբլու նկատմամբ` 8.2-ից մինչև 7.4 դրամ/ռուբլի մակարդակ: Դեկտեմբերին շարունակվող դեվալվացիոն միտումները դրամը դոլարի նկատմամբ թուլացրին, դեկտեմբերի 11-ին դրամը հասցրեցին 485 դրամ/դոլար մակարդակ, եվրոն` 530 դրամ / եվրո, իսկ ռուսական ռուբլին` 7.1 դրամ/ռուբլի մակարդակ: Բայց դեկտեմբերի 14-28-ը ԿԲ գրեթե ամենօրյա միջամտությունները դրամն ամրապնդեցին դոլարի նկատմամբ 482 դրամ/դոլար մակարդակում, եվրոյի նկատմամբ ` 529 դրամ/եվրո մակարդակում, իսկ ռուսական ռուբու նկատմամբ ` 6.9 դրամ/ռուբլի մակարդակում: Դրամի արժեզրկման տրամադրությունները դիտվում են երկրի արտաքին առևտրի շրջանառության անկմանը զուգահեռ (մոտ 20%), այդ թվում, ներմուծումը կրճատվել է մոտ 27%, արտահանումը` մոտ 2%, իսկ դեպի Հայաստան դրամական փոխանցումների ներհոսքը կրճատվել է ավելի քան 30%, ինչը տեղի է ունենում բնակչության առանց այն էլ ցածր վճարունակության և երկրում առկա տնտեսական ցածր ակտիվության պայմաններում: 2016 թվականի առաջին եռամսյակում Հայաստանի արտարժույթի մանրածախ շուկայում դրամը դոլարի նկատմամբ արժեզրկվել էր, սակայն մարտից, այնուամենայնիվ, սկսել է արժեվորվել, մարտի 25 վերադառնակով դոլարի նկատմամբ նախնական 482 դրամ/1դոլար միջին փոխարժեքին, ընդ որում միայն դանդաղել է արժեզրկումը եվրոյի նկատմամբ` մինչև 538 դրամ/եվրո մակարդակ, իսկ ռուբլու նկատմամբ` մինչև 7.1 դրամ/ռուբլի: NASDAQ OMX Armenia բորսայի արտարժութային հարթակը 2016 թվականի սկզբից ի վեր դատարկ է, և բանկերի հետաքրքրության բացակայությունը բորսայի տնօրենը պայմանավորում է այն հանգամանքով, որ բանկերը նախընտրում են սեփական պահանջները բավարարել ներբանկային գործառնությունների միջոցով կամ այն բանով, որ նրանք ավելի արդյունավետ են համարում գործարքներ կնքել բորսայից դուրս: Նա հաղորդել է, որ NASDAQ OMX Armenia-ն շուտով կգործարկի գործարքների կնքման նոր տեխնոլոգիական հարթակ և փոխադարձ հաշվարկների մեխանիզմ, ինչի նկատմամբ ֆինանսական ինստիտուտների մեծ հետարքրությունը նրանց կվերադարձնի բորսայի արտարժութային հարթակ: Նաև նախատեսվում է T+N գործարքների կնքման ռեժիմի գործարկում (հետաձգված կատարումով) կամ առանց առաջնային պահուստավորման, ինչպես նաև հնարավորություն կտրվի գործարքներ կատարել առանց փոխադարձ հաշվարկների:
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%