ԵԱՏՄ համաձայնեցված արդյունաբերական և ագրոարդյունաբերական քաղաքականությունը զգալիորեն ավելացրել է մրցունակ ապրանքների ծավալները

Արմինֆո. Եվրասիական տնտեսական հանձնաժողովի արդյունաբերական և ագրոարդյունաբերական համալիրի գծով Կոլեգիայի անդամ (Նախարար) Սերգեյ Սիդորսկին ՀՀ փոխվարչապետ, միջազգային տնտեսական ինտեգրման և բարեփոխումների նախարար Վաչե Գաբրիելյանի հետ քննարկել է ԵԱՏՄ համաձայնեցված արդյունաբերական և ագրոարդյունաբերական քաղաքականության իրականացումը: Նրանց կարծիքով, դա թույլ կտա դուրս գալ նոր ինովացիոն նախագծերի եվրասիական տարածաշրջանում: Ինչպես ԱրմԻնֆո գործակալությանը տեղեկացվել է ԵՏՀ մամուլի ծառայությունից, հանդիպումը տեղի է ունեցել մարտի 29-ին, Երևանում:

Աղբյուրի համաձայն, հանդիպման մասնակիցները հավանություն են տվել Միության կողմից իրականացվող արդյունաբերական և ագրոարդյունաբերական քաղաքականությանը, հանդես գալով գործընթացին ԵԱՏՄ բոլոր պետությունների իրավահավասար մասնակցության, ինչպես նաև կոոպերատիվ կապերի ամրապնդման օգտին` ավելի բարձր հավելյալ արժեքով արտադրանք ստանալու համար: Արդյունաբերական և ագրոարդյունաբերական ոլորտների փոխշահավետ համագործակցությունը, նրանց կարիքով, թույլ կտա ավելացնել մրցունակ ապրանքների արտադրության ծավալները, նպաստել ներմուծմանը փոխարինող ապրանքների արտադրության ծրագրերի իրականացմանը: ԵՏՀ նախարարն առանձնացրել է Միության երկրների տնտեսություններում տեղի ունեցող որակական փոփոխությունները:

Իր հերթին, ՀՀ փոխվարչապետը նշել է. «Կարևոր է, որ կառավարությունում մշակվող գաղափարները մշտապես քննարկվեն բիզնեսի հետ: Կառավարոթյունը պետք է ունենա հետադարձ կապ, այն մարդկանց հետ, որոնք տնտեսական իրողությունները կոչում են կյանքի»:

Սիդորսկին տեղեկացրել է ԵՏՀ և «Արդյունաբերողների և գործարարների միջազգային կոնգրեսի» միջև համագործակցության Հուշագրի ստորագրման մասին: Նա նշել է. «Վստահ եմ, որ այդ ոլորտներևի նախագծերի իրականացումը թույլ կտա Հայաստանի տնտեսության կարևորագույն ոլորտները դուրս բերել նոր մակարդակի, նպաստելով հանրապետության հետագա ներգրավմանը ԵԱՏՄ շրջանակներում իրականացվող ինտեգրացիոն կոոպերացիոն գործընթացներին»,-նշել է նա:

Հանդիպմանը ներկա են եղել «Արդյունաբերողների և գործարարների Միջազգային կոնգրեսի» նախագահ է Վիկտոր Գլուխիխը, առաջին փոխնախագահ, Ուկրաինայի արդյունաբերողների և գործարարների միության նախագահի Անատոլի Կինախը, Հայաստանի արդյունաբերողների և գործարարների (գործատուների) միության նախագահ Արսեն Ղազարյանը, այլ անձինք:

Հիշեցնենք, որ Եվրասիական տնտեսական հանձնաժողովը (ԵՏՀ) Եվրասիական տնտեսական միության մշտական գործող ​​վերազգային կարգավորող մարմինն է, որն սկսել է գործել 2012 թվականի փետրվարի 2-ից: Ներկայում ԵՀԿ անդամներ են` Հայաստանի Հանրապետությունը, Բելառուսի Հանրապետությունը, Ղազախստանի Հանրապետությունը, Ղրղզստանի Հանրապետությունը և Ռուսաստանի Դաշնությունը: Հանձնաժողովի որոշումները պարտադիր են ԵԱՏՄ ողջ տարածքում:

Նշենք, որ « Արդյունաբերողների և Գործարարների միջազգային կոնգրեսը» միջազգային կազմակերպություն է, որը հիմնադրվել է 1992 թվականին: Կոնգրեսը միավորում է Եվրոպայի և Ասիայի 27 երկրների արդյունաբերողների և գործարարների ազգային ասոցիացիաների: Կազմակերպության գործունեության հիմնական ուղղություններն են` անդամ երկրներին խորհրդատվական, իրավաբանական, գիտական ​​աջակցության տրամադրում, գիտական, արդյունաբերական, ներդրումային, զարգացման ծրագրերի և նախագծերի մշակում և իրականացում, ինչպես նաև հետխորհրդային տարածաշրջանի կոոպերացիոն կապերի վերականգնում: