Հայաստանի արդյունաբերական հատվածի վերընթաց տրենդը հիմնականում պահպանվում է հանքարդյունաբերության ոլորտի հաշվին

Արմինֆո. Արդյունաբերական արտադրության ծավալը Հայաստանում 2016 թվականի հունվար-փետրվարին նախորդ տարվա նույն ժամանակահատվածի համեմատ աճել է 9.9% (նախորդ տարվա անկումը`1,8%), մինչև  194.1 մլրդ.դրամ ($ 396,3 մլն): Ըստ ՀՀ Ազգային վիճակագրական ծառայության տվյալների, Հայաստանում 2016-ի փետրվարին արդյունաբերական արտադրության ծավալն աճել է 3,8% (2015-ի փետրվարի աճը`8,3%): 2016-ի փետրվարին, 2015-ի նույն ամսվա համեմատ, արդյունաբերական արտադրության ծավալն աճել է 4,8%: Ընդ որում, Հայաստանի արդյունաբերական հատվածի վերընթաց տրենդը, ինչպես և նախկինում, հիմնականում պահպանվում է հանքարդյունաբերության ոլորտի հաշվին, մինչդեռ վերամշակման արդյունաբերության ոլորտում արձանագրվել է անկում:

2016-ի հունվար-փետրվարին, 2015-ի նույն ժամանակահատվածի համեմատ, հանքարդյունաբերության և բաց հանքավայրերի շահագործման ոլորտում արձանագրվել է 41.6% աճ (նախորդ տարվա աճը`7,2%,), մինչև 37.6 մլրդ դրամ, իսկ միայն փետրվարին  արձանագրվել է 16,4% անկում, ապահովելով 18,3 մլրդ դրամ ծավալ: Վերամշակող արդյունաբերության ծավալը հունվար-փետրվարին կրճատվել է 4,7% (նախորդ տարվա աճը`2,7%), մինչև 99.9 մլրդ դրամ, որի 55 մլրդ դրամն ընկել է փետրվարին, երբ հունվարի համեմատ աճը կամեց 22.3%: Ընդ որում, վերամշակող արդյունաբերության ոլորտում  ծավալների զգալի կրճատում է 2016-ի հունվար-փետրվարին տեղի ունեցել ոչ մետաղական հանքաքարերի արտադրության ոլորտում (անկումը`63.5%), տեքստիլի ոլորտում (անկումը` 47.6%) և պատրաստի մետաղական արտադրանքի ոլորտում (41.8%),իսկ բարձր աճ է արձանագրվել է ծխախոտի արտադրության ոլորտում (47.3%), հագուստի արտադրության ոլորտում (43.4%), կահույքի ոլորտում (34,2%) և քիմիական արդյունաբերության ոլորտում (15.6%): Սննդի արտադրության ոլորտում 2016-ի հունվար-փետրվարին արձանագրվել է տարեկան 6.1% անկում, իսկ հիմնական մետաղների արտադրության ոլորտում`25,2 տարեկան անկում: Վերամշակող արդյունաբերության ոլորտում ծավալներով առաջատարն է սննդամթերքի արտադրությունը (34.4 մլրդ դրամ), ծխախոտի արտադրությունը (20.8 մլրդ դոլար), հիմնական մետաղների արտադրոթյունը (19 մլրդ) և խմիչքների արտադրոթյունը (10,7 մլրդ):

Էլեկտրաէներգիայի, գազի, գոլորշու և լավորակ օդի մատակարարումը 2016-ի հունվար-փետրվարին ավելացել է 21.2% (նախորդ տարվա անկումը`18.1%), մինչև 53,1 մլրդ դրամ,  միայն փետրվարի արձանագրվել է 11.4% անկում, մինչև 24,6 մլրդ դրամ: Ընդ որում, էլեկտրաէներգիայի արտադրությունը, տեղեփախումը և բաշխումը 2016-ի հունվար-փետրվարին ավելացել է 31,4%, մինչդեռ գազի արտադրության և գազային վառելիքի համակարգի միջոցով գազի մատակարարման ծավալը կրճատվել է 3,5% (փետրվարի անկումը` 19,7%):

Եկամուտները ջրամատակարարունից, թափոնների մաքրումից և վերամշակումից, ինչպես նաև երկրորդային հումքի արտադրությւոնից, հունվար-փետրվարին աճել են 10% (նմախորդ տարվա աճը` 4.6%), մինչև 3,5 մլրդ դրամ, միայն փետրվարի աճը`1%, մինչև 1.7 մլրդ. դրամ: Ընդ որում, այդ հատվածի աճը հիմնականում պայմանավորված է թափոնների վերամշակումով և երկրորդային հումքի ստացումով (տարեկան աճը`27%, իսկ փետրվարի աճը`12,3%):

Հիշեցնենք, որ Հայաստանում արդյունաբերական արտադրանքի ծավալի աճը 2015 թ. արագացրել է`2,7% -ից մինչև 5,2%, կազմելով 1.3 տրլն. դրամ ($ 2.8 մլրդ): Ընդ որում, արդյունաբերական հատվածի վերընթաց տրենդը հիմնականում ապահովում էր հանքահումքային արդյունաբերության հաշվին (2015-ին` 87,8%, 2014-ին`2,5%), մինչդեռ վերամ,շակող արդյունաբերության տրանդը 2014-ի 10% աճից հետո 2015-ին արձանագրել է 7,6% անկում:

ՀՀ դրամի միջին փոխարժեքը ԱՄՆ դոլարի նկատմամբ 2016 թվականի փետրվարին կազմել է 493.64 դրամ/դոլար, իսկ հունվար-փետրվար ամիսներին`489.84 դրամ/դոլար: