Արմինֆո. «ԻՆԳՈ Արմենիա» ապահովարական ընկերությունը ԵԱՏՄ միասնական շուկայի շրջանակներում ունի բժշկական կամավոր ապահովագրության (ԲԿԱ) պրոդուկտները նաև ԵԱՏՄ անդամ-երկրների բժշկական հաստատություններում տարածել հեռանկարն: Այս մասին ԱրմԻնֆո գործակալության հետ հարցազրույցում հաղորդել է «Ինգոսստրախ» ընկերության գլխավոր տնօրեն Միխայիլ Վոլկովը:
Նա նշել է, որ «ԻՆԳՈ Արմենիա» ապահովարական ընկերությունը, որն ունի ԲԿԱ պրոդուկտների Վկայագրերը «Բուդ Զդորով» կլինիկաների ցանցում տարածելու փորձ, այսօր արդեն պատրաստ է, օրինակ, Հայաստանում բժշկական ապահովագրության Վկայագիր ձեռք բերած հաճախորդի բուժումն առաջարկել ԵԱՏՄ անդամ-երկրների բուժհաստատություններում: «Բուդ Զդորով»-ը նոր սարքավորումներով հագեցված ժամանակակից կլինիկաների ցանց է, որտեղ աշխատում են բարձրակարգ մասնագետներ: Նման երեք կլինիկա գտնվում է Մոսկվայում և մեկական` Սանկտ-Պետերբուրգում, Կրասնոդարում, Կազանում, Նիժնի Նովգորոդում, Ուֆայում, Կրասնոյարսկում, Նովոսիբիրսկում: Մայիսին մի նոր կլինիկա կբացվի նաև Սոչիում:
«Այսօր խոսքը գնում է ապահովագրական տարածության աստիճանաբար ինտեգրման, կանոնների և նորմերի ունիֆիկացման մասին: Օրինաչափ հարց է առաջանում, թե ի՞նչ արագությամբ է այդ գործընթացն ընթանում, ե՞րբ կարելի է ակնկալել իրական արդյունքներ: ԵԱՏՄ անդամ-երկրներում ընդհանուր բաներերը շատ են ապահովագրական գործունեության կարգավորման առումով, չնայած մեր շուկաներից յուրաքանչյուրը զարգանում է ինքնուրույն, որոնց համար բնորոշ են իրենց յուրահատկությունները, որոնք դժվարացնում են ինտեգրման գործընթացը: Տարբերվում են ապահովագրական կազմակերպությունների լիցենզավորան գործընթացները, կապիտալի չափերի նկատմամբ սահմանված պահանջները, վճարունակության և ֆինանսական կայունության նորմատիվները, տարբեր կերպ են իրականացվում նաև գուծունեության նկատմամբ վերահսկողությունը, ինչպես նաև տարբեր իրավական տարածությունում են աշխատում միջնորդները: Մենք ունենք ԵԱՏՄ ապահովագրական շուկայի հետ համագործակցության մեծ փորձ, «Ինգոսստրախը» Ղազախսատանի հետ կապված է վերաապահովագրական հարաբերություններով և այնտեղ ունի իր ներկայացուցչությունը: Հայաստանում, Բելառուսում և Ղրղզստանում մենք ունենք դուստր ընկերություններ: Լինելով հետխորհրդային ապահովագրական տարածությունում ինտեգրված կազմակերպություն, մենք, բնական է, լիովին սատարում ենք ապահովագրական շուկաների մերձեցմանը: Մեր երկրների տնտեսություները սերտորեն փոխկապակցված են, և միասնական ապահովագրական տարածություն ձևավորելու ձգտումն օբյեկտիվ անհրաժեշտություն է: Միևնույն ժամանակ, հավանաբար մենք ուրիշներից ավելի լավ ենք տեսնում, թե որքան բարդ է այդ գործընթացը: Օրինակ, ազգային ապահովագրողների, կամ պետական մասնակցության ընկերությունների հետ հարաբերություններում բախվում ենք հովանավորչությանը, մեր վրա անդրադառնում են նաև վարկանիշային բնույթի սահմանափակող միջոցառումները, որոնց տակ են ընկնում ռուսաստանյան ապահովագրական ընկերությունները: Այդ առումով մենք բոլորս էլ պետք է անցնենք դժվարին ու երկար ճանապարհ, մինչև որ այդ արգելքները չհանվնեն»,-հայտարարել է Մ.Վոլկովը:
Նա բերել է Եվրամիության օրինակը, որտեղ նման գործընթացն արդեն հաջողությամբ ավարտվել է, ձևավորվելով միասնական ապահովագրական տարածություն, ինչը տևեց տասնամյակներ: «Ինգոսստրախը», իր կողմից, կձգտի, որպեսզի նշված երկրներում իր դուստր ընկերությունները մրցակիցներից առավել պատրաստ լինեն ինտեգրմանը, առաջիկա փոփոխություններին, ժամանակակից ապահովագրական տեխնոլոգիաների և պրակտիկ փորձի յուրացմանը: «Ինգոսստրախը» մշտապես մեթոդաբանական և պրակտիկ օգնություն է ցուցաբերել և կցուցաբերի իր դուստր ընկերություններին, հավելել է «Ինգոսստրախի» գլխավոր տնօրենը, միաժամանակ ապահովագրական պրոդուկտների թանկացման կանխատեսումների առումով ընդգծելով, որ դա շատ ավելի համալիր հարց է և հազիվ թե ինչ-որ կերպ ուղղակիորեն կապված է շուկայի սահմանների ընդլայնման հետ:
Ըստ ԱրմԻնֆո գործակալության` Հայաստանի ապահովագրական ընկերությունների Ռենկինգի, «ԻՆԳՈ Արմենիա» ընկերությունը գործում է ոչ կյանքի ապահովագրության 16 դասերի գծով: ԲԿԱ գծով ընկերությունն առաջատարն է ինչպես ապահովագրական պրեմիաների, այնպես էլ իրականացված ապահովարական հատուցումների ծավալով: Այսպես, 2016 թվականի հունվարի 1-ի դրությամբ ընկերության ապահովագրական պրեմիաների կազմել են 1,5 մլրդ դրամ (տարեկան աճը`9.9%), իսկ հատուցումները կազմել են 1.05 մլրդ դրամ (տարեկան անկումը`1,5%): Շուկայի ԲԿԱ ապահովագրական պրեմիենրի ընդհանուր ծավալներում «ԻՆԳՈ Արմենիա»-ի մասնաբաժինը կազմել է 25%, իսկ հատուցման ընդհանուր ծավալներում`32%: Ընդհանուր ապահովագրական պրեմիաների ծավալներում ԲԿԱ մասնաբաժինը կազմել է 17.5%, իսկ հատուցումների ընդհանուր ծավալներում`30.3%: 1997 թվականի սեպտեմբերից «ԻՆԳՈ Արմենիա» ընկերության բաժնետերերն են` «Ինվեստ-Պոլիս» ՓԲԸ - 75% (պատկանում «Ինգոսստրախին») և գործադիր տնօրեն Լևոն Ալթունյանը`25%: