Նախարար. Շուտով հայտնի կդառնա գազի սակագինը վերջնական սպառողի համար

Արմինֆո. Ապրիլի 15-ին ՀՀ Էներգետիկայի և բնական ռեսուրսների նախարար Լևոն Յոլյանը կառավարությունում լրագրողներին հայտարարել է, որ առաջիկայում հայտնի կդառնա, թե որաքնով կիջին գազի սակագինը վերջնական սպառողի համար:

Ըստ նախարարի, հարցը գտնվում է համապատասխան գերատեսչությունների քննարկման փուլում: «Առաջիկայում հայտնի կդառնա, թե որաքնով կիջին գազի սակագինը վերջնական սպառողի համար»,-հայտարարել է նախարարը, ընդգծելով, որ «դա կարևոր հարց է, դրա համար էլ ցանկանում ենք, որ այն լուծվի հնարավորինս արագ»:

Իսկ ինչ վերաբերվում է հարցին, թե որքանո՞վ կիջնի գազի սակագինը, Յոլյանը նկատել է, որ կանխատեսումներով ինքը չի զբաղվում և չի կարող ասել:

Հիշեցնենք, որ Հայաստանը և Ռուսաստանը պայմանավորվել են հանրապետություն մատակարարվող 100 խմ ռուսական գազի գինն իջեցնել մինչև 150 դոլար: Պայմանավորվածությունը ձեռք է բերվել ՌԴ վարչապետ Դմիտրի Մեդվեդևի Հայաստան կատարած այցելության շրջանակներում: ՀՀ վարչապետ Հովիկ Աբրահամյանն այդ առիթով  հաղորդել էր, որ համապատասխան փաստաթղթերը երկու երկրների միջև արդեն ստորագրվել են: Բայց նա դժվարացել է պատասխանել, թե որքանով կիջնի գազի սակագինը հայ սպառողի համար: «Այդ հարցը կարիք ունի լրացուցիւչ քննարկման»,-հայտարարել է ՀՀ վարչապետը:

Նշենք, որ ռուսական գազի գինը սահմանի ներկայումս կազմում է 165 դոլար 1000 խորանարդ մետրի դիմաց: Սակայն, սպառողը վճարում է 318 դոլար, ընթացիկ փոխարժեքով, իսկ խոշոր սպառողները – 10 հազար խմ և ավելի սպառողները, 1000 խմ դիմաց վճարում են 277 դոլար: