Հայաստանի ապահովագրական հատվածի հարկային վճարներն առաջին եռամսյակում տարեկան կտրվածքով ավելացել են 9%

Արմինֆո. Հայաստանի ապահովագրական հատվածը 2016 թվականի առաջին եռամսյակում վճարել է 499.02 մլն.դրամի հարկեր, գերազանցելով նախորդ տարվա ցուցանիշը 9%-ով: Նշված գումարից 463.9 մլն դրամ կազմել են ուղղակի հարկերը (շահութահարկ և եկամտահարկ), ինչը 6% ավելի նախորդ տարվա ցուցանիշից: Ապահովագրական ընկերությունների կողմից վճարված հարկերի ընդհանուր ծավալում, գրեթե 60% է կազմել «Ռոսգոսստրախ Արմենիա» և «Ինգո Արմենիա» ընկերությունների մասնաբաժինը:

Ըստ ՀՀ Պետական ​​եկամուտների կոմիտեի տվյալների, Հայաստանի 1000 խոշորագույն հարկատուների ցանկում 2016 թվականի առաջին եռամսյակում տեղ են գտել երկրում գործող բոլոր 6 ապահովագրական ընկերությունները:Առաջատարն է «Ռոսգոսստրախ Արմենիա» ընկերությունը, որն զբաղեցրել է 165-րդ հորիզոնականը (նախորդ տարի`147 տեղ), վճարելով պետական ​​բյուջեին 161,6 մլն դրամ, որից 152,4 մլն դրամ - ուղղակի հարկեր (շահութահարկ և ​​եկամտահարկ): «ԻՆԳՈ Արմենիա» -ն ցանկում 190-ն է (նախորդ տարի` 274-րդ տեղ), պետական ​​բյուջեին վճարել է 133,3 մլն դրամ, որից 121,6 մլն դրամ - ուղղակի հարկեր: «Սիլ Ինշուրանսը» 405 տեղում է (նախորդ տարի`487 տեղ), վճարել է  58,4 մլն դրամ, որտեղ շահութահարկը և եկամտահարկը կազմել են 54 մլն դրամ: Այնուհետև հաջորդում է «Նաիրի Ինշուրանսը»`447 տեղ (նախորդ տարի`598 տեղ), վճարել է ​​52,3 մլն դրամ, այդ թվում 47.8 մլն դրամ - շահութահարկ և եկամտահարկ, «ՌԵՍՈ» - 455 տեղ (նախորդ տարի` 454 տեղ), վճարել է 50.8 մլն դրամ, որտեղ շահութահարկը և եկամտահարկը կազմել են 49.1 մլն դրամ, իսկ«Արմենիա Ինշուրանս» ընկերությունը գտնվում է 541 տեղում (նմախորդ տարի` 378 տեղ), վճարելով 42,6 մլն դրամ, որից 39,1 մլն.դրամ - շահութահարկ և եկամտահարկ:

Ըստ ԱրմԻնֆո գործակալության` Հայաստանի ապահովագրական ընկերությունների Ռենկինգի, Հայաստանի ապահովագրական հատվածի ընդհանուր կուտակված շահույթը 2016 թվականի առաջին եռամասյակում կազմել է 3,8 մլրդ դրամ, տարեկան կտրվածքով աճելով 64.4%: 2016 թվականի առաջին եռամսյակը շահույթով են եզրափակել 4 ընկերություններ: Կուտակված շահույթի ծավալով առաջին տեղում է «Արմենիա Ինշուրանս» ընկերությունը` 1,6 մլրդ դրամ, երկրորդ տեղում է «Ռոսգոսստրախ Արմենիա» ընկերությունը`1.4 մլրդ դրամ, և երրորդն է «Նաիրի Ինշուրանսը»` 1,1 մլրդ դրամ: Չորրորդ տեղում է «ԻՆԳՈ Արմենիա» ընկերությունը`867.04 դրամ: Վնաս են կուտակել «Սիլ Ինշուրանս» և ՌԵՍՈ ապահովագրական ընկերությունները, որը առաջին եռամսյակում կազմել է 1,2 մլրդ դրամ: 2016 թվականի առաջին եռամսյակը երկրի ապահովագրական ոլորտը եզրափակլ է 1,5 մլրդ դրամ հաշվեկշռային շահույթով, իսկ զուտ շահույթը կազմել է  1,3 մլրդ դրամ (տարեկան աճը`2.1 անգամ): Զուտ շահույթով առաջին երեք տեղերում են` «Ռոսգոսստրախ Արմենիա», «Նաիրի Ինշուրանս» և «ԻՆԳՈ Արմենիա» ապահովագրական ընկերությունները: (ՀՀ դրամի հաշվարկային փոխարժեքը 31.03.2016 թ. դրությամբ կազմել է 480.79 /դոլար):