Արտարժույթի միջբանկային շուկայի բարձր ակտիվությունը ՀՀ դրամն ամրապնդեց 479 դրամ/դոլար մակարդակում

Արմինֆո. Ընթացիկ շաբաթ արտարժույթի միջբանկային շուկայում տիրող բարձր ակտիվությունը, ինչի մասին է վկայում 10.450 մլն.դոլարի ծավալը,  ՀՀ դրամն ամրապնդեց 479 դրամ/դոլար մակարդակում: Իսկ NASDAQ OMX Armenia բորսայի հարթակը դատարկ էր ողջ շաբաթ: ՀՀ Կենտրոնական բանկը տարեսկզբից մինչ օրս չի միջամտել շուկայում տիրող իրավիճակին և ինտերվենցիաներ չի իրականացրել: Արդյունքում, դրամը 2016 թվականի առաջին եռամսյակում դոլարի նկատմամբ հասցրեց արժեզրկվել մինչև 496 դրամ/դոլար մակարդակ (փետրվարի 12-ին) իսկ մարտի 25-ին կրկին վերադարձավ իր սկզբնական` 482 դրամ/դոլար մակարդակ, որից հետո, ապրիլի 2-ին, ամրապնդվեց 480.5 դրամ/դոլար մակարդակում, իսկ դրանից հետո, ապրիլի 8-ին, կրկին սկսվեց արժեզրկումը, հասնելով մինչև 484.5 դրամ/դոլար մակարդակ, բայց ապրիլի 11-ից 15-ը կրկին սկսեց արժևորվել` մինչև 481 դրամ/դոլար մակարդակ, հետագայում ամրապնդվելով 479 դրամ/դոլար մակարդակում և ապրիլի 29-ից մայիսի 6-ը մնալով այդ մակարդակում: Այնուամենայնիվ, շուկայի անկախ վերլուծաբանների կարծիքով, Ռուսաստանի ֆինանսա-տնտեսական ճգնաժամի խորացման, նավթի գների, հատկապես Հայաստանի արտահանումային հոդված հանդիսացող մետաղական հումքի գների անկման պայմաններում, դրամը 2016 թվականի վերջին կարող է դոլարի նկատմամբ թուլանալ մինչև 540-550 դրամ/դոլար մակարդակ:

Ինչպես ԱրմԻնֆո-ին հաղորդեցին ՀՀ ԿԲ մամուլի ծառայությունից, NASDAQ OMX Armenia բորսան ընթացիկ շաբաթ չի գործել: Իսկ արտարժույթի միջբանկային շուկայում տիրող ակտիվությունը պահպանվում էր, մայիսի 2-6-ն ապահովելով 10.450 մլն.դոլար ծավալ (շաբաթվա աճը` 23.7%), միջին կշռված փոխարժեքն ձևավորելով 479.04 դրամ/դոլար մակարդակում: Ընդ որում, առավելագույն ծավալներն արձանագրվեցին ուբաթ օրը` 6.8 մլն.դոլար:

Աղբյուրի համաձայն, արտարժույթի ներբանկային շուկայում (գործարքներ հաճախորդների հետ) մայիսի 2-6-ը բանկերը գնել են 58.8 մլն դոլար (շաբաթվա անկումը`14%), 477.67 դրամ/ դոլար միջին փոխարժեքով, և վաճառվել է 69.8 մլն դոլար (շաբաթվա աճը`10.8%), 479.41 դրամ/ դոլար միջին փոխարժեքով: Նույն ժամանակահատվածում արտարժույթի ներբանկային շուկայում բանկերը գնել են 7.7 մլն եվրո (շաբաթվա անկումը`2.5%), 545.59 դրամ/ եվրո միջին փոխարժեքով, և վաճառվել է 9.1 մլն եվրո (շաբաթվա աանկումը`28.3%), 551.13 դրամ/ եվրո միջին փոխարժեքով: Նույն ժամանակահատվածում բանկերի կողմից գնվել է նաև 727.7 մլն ռուբլի (շաբաթվա անկումը`9.6%), 7.25 դրամ/ ռուբլի միջին փոխարժեքով, և վաճառվել է 305.3 մլն ռուբլի (շաբաթվա անկումը`31.8%), 7.38 դրամ/1 ռուբլի միջին փոխարժեքով:

Նախորդ շաբաթ (ապրիլի 25-30-ը) Հայաստանի բանկերը տրամադրել են 37.9 մլրդ դրամի և 46.7 մլն դոլարի վարկեր: Նախորդող շաբաթվա համեմատ (ապրիլի 18-23-ը) դրամով տրամադրված վարկերի ծավալը կրճատվել է 10.2%, իսկ դոլարով տրամադրված վարկերի ծավալն աճել է 49.7%:

Հիշեցնենք, որ 2015 թվականի 12 ամիսներին արտարժույթի մանրածախ շուկայում դրամը դոլարի նկատմամբ 477 դրամից թուլացավ մինչև 482 դրամ/դոլար մակարդակ, եվրոյի նկատմամբ` 571,5-ից մինչև 529 դրամ / եվրո մակարդակ, իսկ ռուսական ռուբլու նկատմամբ` 8.2-ից մինչև 6.9 դրամ/ռուբլի մակարդակ: Ընդ որում, դեկտեմբերին 14-28-ը Կենտրոնական բանկը գրեթե ամեն օր միջամտում էր շուկային: Դրամի արժեզրկման տրամադրությունները  դիտվում են երկրի արտաքին առևտրի շրջանառության անկմանը զուգահեռ (մոտ 20.6%), այդ թվում, ներմուծումը կրճատվեց մոտ 26.5%, արտահանումը` մոտ 3.9%, իսկ դեպի Հայաստան դրամական փոխանցումների ներհոսքը կրճատվեց ավելի քան 30%, և այդ ամենը տեղի է ունենում բնակչության առանց այն էլ ցածր վճարունակության և երկրի տնտեսական ցածր ակտիվության պայմաններում: 2016 թվականից Հայաստանի արտարժույթի մանրածախ շուկայում ՀՀ դրամը ԱՄՆ դոլարի նկատմամբ կրկին սկսվեց արժեզրկվել, փետրվարի 12-ին դոլարի նկատմամբ արժեզրկվելով մինչև 496 դրամ/դոլար մակարդակ, բայց մարտին սկսեց ամրապնդվել և մարտի 25-ին հասավ 482 դրամ/դոլար մակարդակ, եվրոյի նկատմամբ մինչև 538 դրամ/եվրո, իսկ ռուբլու նկատմամբ ամրապնդվելով մինչև 7.1 դրամ/ռուբլի մակարդակ: Հետագայում, ապրիլի 2-ին դրամը դոլարի նկատմամբ ամրապնդվեց`480.5 դրամ/դոլար մակարդակում, եվրոյի նկատմամբ` 547 դրամ/եվրո, իսկ ռուբլու նկատմամբ` 7.2 դրամ/ռուբլի մակարդակներում, որից հետո կրկին սկսվեց դրամի արժեզրկումը, ապրիլի 8-ին հասնելով 484.5 դրամ/դոլար մակարդակի, եվրոյի նկատմամբ` 551 դրամ/եվրո, իսկ ռուբլու նկատմամբ` մինչև 7.3 դրամ/ռուբլի մակարդակներին: Վերջին չորս շաբաթում (ապրիլի 11-մայիսի 6-ը) դրամի համար դարձան արժևորումային, քանի որ դոլարի նկատմամբ արձանագրվեց 479.5 դրամ/դոլար, եվրոյի`547 դրամ/եվրո, իսկ ռուբլու նկատմամբ` 7.4 դրամ/ռուբլի մակարդակ: