ՎՏԲ-Հայաստան Բանկը շարունակում է գլխավորել Հայաստանի պլաստիկ քարտերի շուկան, ինչպես քարտերի քանակով, այնպես էլ գործարքների ծավալով

ՎՏԲ-Հայաստան Բանկը 2016 թվականի առաջին եռամսյակում MasterCard քարտերի թվի մոտ 5 անգամ տարեկան կտրուկ աճի, ինչպես նաև Visa ակտիվ քարտերի 8.7% աճ հետևանքով իր քարտերի ընդհանուր թիվն ավելացրեց 23.8%: Արդյունքում, քարտերով գործարքների ծավալը տարեկան կտրվածքով աճեց 12.8%, հիմնականում` բանկոմատներով կատարված գործարքների 21.3% աճի հաշվին:

 

Ըստ ՎՏԲ Հայաստան Բանկի տվյալների, քարտերի ընդհանուր թվում VISA քարտերը կազմել են ավելի քան 84%, իսկ մնացած 16% կազմել են MasterCard քարտերը, նախորդ տարվա 96% և 4% հարաբերակցության համեմատ: Բանկն առաջատարն է նաև աշխատավարձի քարտերով, իրենից ետ թողնելով շուկայի մյուս մասնաիցներին:

 

ՎՏԲ-Հայաստան Բանկը շարունակում է գլխավորել նաև կենսաթոշակային քարտերի նախագծում, որի շրջանակներում արդեն Visa-ի հետ միասին օգտագործվում են նաև MasterCard համակարգի քարտերը, վեց ամսվա ընթացքում աճելով`4,2 անգամ: Ընդհանուր առմամբ, կենսաթոշակային ծրագրով բանկի ակտիվ քարտերի թիվը հասել է 81,8 միլիոնի, որի 63.3%-ը հանդիսանում են Visa քարտերը`51,8 հազար քարտ:

 

Պլաստիկ տրանսակցիաների ընդհանուր ծավալը ՎՏԲ-Հայաստան Բանկը 2015 թվականին ավելացրել է 12.8% (2014-ի աճը`32.8%), հիմնականում բանկոմատներով գործարքների 21.3% աճի հաշվին (2014-ի աճը`16,5%), մինչև 190,6 մլրդ դրամ: Ավելին, բանկն առաջատարն է նաև բանկոմատներով գործարքների ծավալներով:

 

2016 թվականի ապրիլի 1-ին ՎՏԲ-Հայաստան Բանկն ուներ 157 բանկոմատ, որից 78-ը մայրաքաղաքում, իսկ 79-ը`մարզերում: Տարեկան կտրվածքով չփոխելով բանկոմատների թիվը, Բանկն էապես ընդլայնել է POS- թերմինալների իր սեփական ցանցը`298 – ից մինչև 345: Բացի այդ, ՎՏԲ-Հայաստան Բանկը և ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿՆ ստեղծել են բանկոմատների համատեղ ցանց, ՎՏԲ-Հայաստան բանկի կողմից թողարկված Visa և MasterCard քարտերի քարտապաներին առաջարկելով օգտվել ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԻ բանկոմատներից, ընդ որում, նույն սակագնով, ինչ ՎՏԲ-Հայաստան բանկի բանկոմատներից, և հակառակը: Միավորված ցանցը ներառում է 345 բանկոմատների, Հայաստանի ողջ տարածքում: Բանկոմատների թվով Բանկը երկրորդն է շուկայում, իսկ սեփական POS- թերմինալների թվով գտնվում է առաջատար տասնյակում:

 

Նշենք, որ ՎՏԲ-Հայաստան Բանկը մինչև 2013 թթվականը թողարկում և սպասարկում էր միայն միջազգային VISA քարտեր, որից հետո, նույն թվականի սեպտեմբերից, դառնալով MasterCard Worldwide միջազգային վճարային համակարգի լիիրավ անդամ, ձեռնամուխ եղավ Cirrus/Maestro, MasterCard Standard և MasterCard Gold քարտերի թողարկմանը և սպասարկմանը: Բացի այդ, բանկը սպասարկում է նաև տեղական ArCa քարտերը: Բանկն ունի իր սեփական պրոցեսինգը:

 

Նշենք, որ ՎՏԲ-Հայաստան Բանկը ՎՏԲ միջազգային ֆինանսական խմբի անդամ է դարձել 2004 թվականի ապրիլից: Ներկայումս Ռուսաստանում երկրորդ խոշորագույն ՎՏԲ Բանկը տիրապետում է «ՎՏԲ-Հայաստան Բանկե ՓԲԸ 100% բաժնետոմսերին: Իր հիմնական ցուցանիշներով Բանկն ավանդաբար գտնվում է Հայաստանի բանկային համակարգի առաջատարների շարքում, ունի 67 մասնաճյուղ, որոնց միջոցով իր ներկայությունն է ապահովում երկրի բոլոր մարզերում: