Էլեկտրաէներգիայի սակագինը Հայաստանում կնվազի 5,9 %-ով. Սակագնի նոր վերանայում պետք է սպասել 2017 թ. օգոստոսի 1-ից ոչ շուտ

Արմինֆո. Հանրային ծառայությունները կարգավորող հանձնաժողովը (ՀԾԿՀ) հունիսի 15-ին հաստատել է էլեկտրաէներգետիկայի օբյեկտների կողմից էլեկտրաէներգիայի փոխանցման ծառայությունների սակագների հաշվարկման մեթոդաբանությունը: Օրվա ընթացքում տեղի կունենա քննարկում հասարակական կազմակերպությունների հետ՝ սպառողների համար էլեկտրաէներգիայի նոր սակագների սահմանման շուրջ: Առաջարկվող սակագների առնչությամբ վերջնական որոշում նախատեսվում է ընդունել հանձնաժողովի հունիսի 24-ի նիստում, իսկ ուժի մեջ կմտնի օգոստոսի 1-ից:  

Ավելի վաղ հաղորդվել էր, որ այս անգամ ՀԾԿՀ, օգտվելով օրենսդրական իրավունքից, ինքն է նախաձեռնել էլեկտրաէներգիայի գործող սակագների նվազեցման գործընթաց: Հաշվի առնելով 2016թ. օգոստոսի 1-ից մինչև 2017թ. օգոստոսի 1-ն ընկած ժամանակահատվածի համար կանխատեսվող էլեկտրաէներգիայի (հզորության) արտադրության, ներկրման և արտահանման հաշվեկշիռը, ջերմային կայաններին վաճառվող բնական գազի սակագնի փոփոխությունը, «Հայաստանի էլեկտրական ցանցերե ՓԲԸ-ի գործող սակագներում նախորդ տարիներին կուտակված վնասի փոխհատուցման համար միանվագ ներառված գումարի նվազեցման անհրաժեշտությունը, էլեկտրաէներգետիկական համակարգում գործող ընկերությունների ֆինանսատնտեսական գործունեության վրա ազդող մի շարք այլ գործոնների փոփոխությունները՝ ՀՀ հանրային ծառայությունները կարգավորող հանձնաժողովի աշխատակազմն իրականացրել է էլեկտրաէներգետիկական համակարգի խոշոր արտադրող կայանների, էլեկրաէներգետիկական շուկային ծառայություններ մատուցողների և «Հայաստանի էլեկտրական ցանցերե ՓԲԸ-ի սակագների վերաբերյալ իր հաշվարկները:Կարգավորողն առաջարկում է 1 կվտ/ժ դիմաց ցերեկային սակագինը սահմանել 46,20 դրամ` ներկայիս 48,78 դրամի փոխարեն, իսկ գիշերային սակագինը սահմանել 36,20 դրամ` ներկայիս 38,78 դրամի փոխարեն: Որոշումն ուժի մեջ կմտնի օգոստոսի 1-ից:

Ինչպես ավելի վաղ ԱրմԻնֆո-ի թղթակցին հաղորդել էր ՀԾԿՀ սակագնային քաղաքականության վարչության պետ Գարեգին Բաղրամյանը, սակագների վերանայման գործընթացը նախաձեռնվել է` հաշվի առնելով  էլեկտրաէներգիայի գնագոյացման գործընթացի վրա առավել ազդեցություն ունեցող 3 գործոն: «Նախ` ՀԷՑ վիճակը, հաշվի առնելով իրականացվող արդիականացումը և 23,4 մլրդ դոլարի վնասը փոխհատուցելու անհրաժեշտությունը, որը, կայացված որոշման համաձայն, պետք է փոխհատուցվի 1 տարվա ընթացքումե, - հայտարարել էր Բաղրամյանը: Երկրորդ գործոնը, նրա ասելով, 2016 թվականի հուլիսի 1-ից ակնկալվող բնական գազի սակագների փոփոխությունն է, որն իր հերթին կազդի ջերմակայանների սակագների վրա: Ինչպես նշել էր ՀԾԿՀ ներկայացուցիչը, երրորդ, առավել բացասական գործոնը, որն ազդում է էլկետրաէներգիայի վերջնական սակագնի սահմանման վրա, վերանորոգման և վերաբեռնման համար ԱԷԿ աշխատանքի պլանային դադարեցումն է 120 օրով` ըդնունված 40-ի փոխարեն: «Այս գործոնի մասշտաբները հասկանալու համար նշեմ, որ անհրաժեշտություն է ծագում ԱԷԿ-ում արտադրվող 350 մլն կվտ/ժ էժան էլեկտրաէներգիան փոխարինելու ավելի թանկարժեքովե, - պարզաբանել էր Բաղրամյանը: Հենց երրրոդ գործոնի առկայության հետևանքով վարչության պետը բացառել էր մինչև 2015 թվականի օգոստոսի 1-ի սակագներին վերադառնալու հնարավորությունը: «Դրան կարելի էր վերադառնալ առաջին երկու պայմանի առկայության դեպքում: Սակայն, առկա պայմաններում, էլեկտրաէներգիայի սակագների 2-2,5 դրամով նվազեցումը օպտիմալ մեծությունն է, որի մասին մենք կարող ենք խոսելե, - նշել էր նա:

Ինչպես ավելի վաղ հաղորդվել է, մայիսի 31-ին Հայաստանի հանրային ծառայությունները կարգավորող հանձնաժողովը (ՀԾԿՀ) սահմանել է բնական գազի նոր սակագներ, որոնք ուժի մեջ կմտնեն հուլիսի 1-ից: Ամսական մինչև 10 հազ. խմ գազի սպառում ունեցող տնային տնտեսությունների համար 1 խմ դիմաց սահմանվել է 146, 7 դրամ սակագին` գործող 156  դրամի փոխարեն, ամսական 10 հազ. խմ և ավելի սպառում ունեցողների համար`  257.56 դոլար (1000 խմ) սակագին` գործող 276.98 դոլարի փոխարեն` դրամային համարժեքով (նախորդ ամսվա 25-ի դրությամբ դոլարի փոխարժեքով, սակագինը ներառում է ԱԱՀ):